KOLOSIMEI 2:4 - KARANU KABI SAMTAM

⁴ Mei kaniido gonyiigo kasang kasu sam hang teipii choisii hem matu lak tang karam jangpii Inii ai ai tam leile.

KOLOSIMEI 2:4 Referans Kwoze

1 JON 4:1

Lungkasyiimei, rangii hang go malum sulo, nlenii rangii hangtei Saraa datopo katu ai ajaijulo; kada- pokii kasang kasu lungkakalingmei hangkii sazyii pouryii lung tatpat takle.

IPISAMEI 4:14

Teitii leponii nyiinii meinahnii poi ka-mpat chem katham kathampii meigo kama kikii tiikai tang karam jangpii ralikapyii dwi n-nok kapat sateichii tingkainii lulam lulamkii gwipungsii katat nahmei takumloi lakle.

METIU 24:4

Jisunii ahnyiigo khekalatle, mei kaniido gonyiigo chyiitatma matu kasu tiisii sakai wolo.

2 JON 1:7

Kadapokii Jisu Kristanii pumzai pungsii gongpyiile katu tisei kasumeigo chuisii kahem mei hangkii sazyii pouryii lung tatpat takle. Ai ai meigo chuisii kahem mei teile–sateichii Kristago ngou karoumei teile.

MARK 13:22

Kadapokii Krista zei katiimei ninado Lungkakalingmei zei katii pat tangle, sateichii tiikabuinii, Saraanii kalei kalumei go katangdo chyiitatma tang karam jangpii tiikamangou ninado kamadat tha hangdo tiimangou tangle.

MATIMANGOU KAPYII 20:8

sateichii sazyii pouryii saka madaito kalei luihang, Gog ninado Magog go kasang kasu teipii chuisii hem tang karam jangpii ninado saryii kikii poi ndui tang karam jangpii pat tangle. Ahnyii teinii dwi- jaimah kangneng jyiika moitangle.

2 TIMOTHI 3:13

Sateichii kashyii kahongmei sateichii ashoi katimei ahnyii roinapii ahnyiigo kasang kasu choisii hem wosii mei kakimeigo kasang kasu teipii choisii hemsii kashyii kiteito kisii kashyii kitei tatsii leitangle.

2 TIMOTHI 2:16

Saraa dato meigo kisii kisii chyiitai katu kakadak ninado kapang ka- mang mah sam karashii katu kiteito mpaa wolo.

IPISAMEI 5:6

Kapang kamang sam hangteipii gonyiigo meikaniido chuisii tamsii hem maluwo sulo; kadapokii katam swikasumei hang phyiiryii Saraa mah rakarhii gongliit tang karam teinii ai kakum hang jangpii sekle.

TIILAMLWI KAPYIIMEI THA JUKAMATI 20:30

Sateichii gonyii kak ki sek aito ahnyiitai switang karam jangpii boumeigo chyii mpat tang karam jangpii tiikarampou sam katam sapfiimei pat tangle.

MATIMANGOU KAPYII 20:3

Kathok nlai kaga ahom lungkii toikai aitakle, sateichii tingkum tangkii tei sang kasuta ahnii luihang go chuisii hem matulak tang karam jangpii chabyii kai aisii ah gamkii seal kai aitakle. Aitaito ahgo tinglang shangniika jangpii mpat tang karamle.

MATIMANGOU KAPYII 13:8

Sateichii gikalei Jaonah mah karingmah larekbung kiteikii sazyii pouryii tii mpat kasunato zei ryiikai hai kasu, sazyii pouryiito lungkalei hangnii ahgo mata tangle.

MATIMANGOU KAPYII 12:9

Ndou peipaomei mah sanhii, mwigatpwi sii kalat sara kashyii ninado seitan–- kasang kasupii chuisii kahem ah gotei sazyii pouryiikii toi m-mang aitakle, sateichii ahmah sating gamlui hangtei ahgo kaswisii toi m-mang aitakle.

1 JON 2:26

Gonyiigo chuisii hemtang karam jangpii tiisii kaleimei mah kaang kito Inii gonyii dakii samhang ai ryiile.

1 JON 2:18

Gunahmei, kalui tinglang tei natakle! Kristago ngoukaroumei gong tangle katu gonyiinii shiikalu takumpii, aitoinii Kristago ngouka- roumei hangkii gongtakle. Teijang- piinii kalui tinglang natakle katu nyiinii tile.

KOLOSIMEI 2:18

Mikpii meinii ngou kasu kangou hang jangpii sagoiki lesii tamsii kaleimei sateichii kasang kasu meinah mah jairali ninado sating gam rakot hang go matalosii tamsii kaleimei kata hangninii kaniido gonyiigo tiimaga malei sulo; tei kakum mei teinii meinahnii swi maning kalei mpoumah kamaning hangteipii magat totakle.

KOLOSIMEI 2:8

Krista dato supiinii meinahnii adoidoi tiisii ralikapyii kito kagong sateichii sating sazyiigo apum tiisii kalei rangii hang dato kagong meinah mah kakadak kasang kasu swirek teipii meikaniido gonyiigo apum tiimatu kasu tiisii gonyii juwolo.

GALATIMEI 2:4

Mei kangkanii teitii matunyiisii leikado, nyiinii Jisu Kristago nja wosii hangninii tiiwo kalu kito nyiinii doukalu arangra katiimah kaang kito fii-mpat tang karam jangpii, aimei hang ainii mwi kashyiimei tiisii nyii bouki kak gongliit takle. Ahnyiinii nyiigo kabangmei tii- matunyiisii leile,

2 KORENMEI 11:3

Nlenii Sanhiinii mpoumah kasakai kamarek teipii Eve go satui sadzyii tiikalu takumpiinii, Krista dato pyiikalei gonyiimah kasang lungswi ninado kamatei kito tiimahong katugo Inii hingle.

1 KORENMEI 2:4

sateichii gumah ralikapyii sateichii samtam tei meinah mah kati kangou mah swirek kabipiinii tamlei makle, nlenii Saraa rangii teimaham kito maning kariirhii kaga tiikamangou teipiinii tam leile.

METIU 24:24

Kadapokii kasang kasu Krista ninado kasang kasu Lungkakalingmei gong tangle; satei- chii mazhii leponii Saraanii kalai kalumeigo katangdo hemsii kama pwidi kikii chyiitat tang karam jangpii mei tiikalak tiikamangou siiti kadi hang sateichii sung kaga hang tiimangou tangle.

IPISAMEI 4:17

Teijangpii Bangpii zei kito Inii gonyiigo kakhatsii tam leile; luikakimeinii kakadak lungswi hang kito lungkalei takumpii gonyii lungsii bamloi sulo.