KOLOSIMEI 2:2 - KARANU KABI SAMTAM

² Dapokii ahnyiinii lung taisupii lungkadi teipii tokryii kabui tiisii sateichii lungkasyii kiteikii jum nja kabui tiisii, teito kasang kati teinii pung kagong madousupii doutang karam katokryii kani kahii tei doumatu tang karam jangpii, Inii ai tiileile. Aitiisii ahnyiinii Saraamah kamakum, katunii Kristago titangle.

KOLOSIMEI 2:2 Referans Kwoze

KOLOSIMEI 1:27

Saraanii kamaning teinii mpounii meihang jangpii kabam kani kahii ninado pumtei kavamah kamakum tei mpoumah meihang go timatu tang karam jangpiile. Sateichii kamakum teinii gonyii lung kito Krista leile. Katunii, Saraamah pumtei kava tei gonyii njai dou njoi tangle.

KOLOSIMEI 4:8

Nyiinii kadakumsii leipo katu tei tam mangousii gonyiigo lung tii-ntapyii tang karam jangpii, Inii mpougo gonyii dakii lang magong leile.

IPISAMEI 6:22

Gonyiinii nyiimah tingha tei timatu tang karam jangpii, sateichii gonyii lungtei tiimakhii pyii matutang karam jangpii mpougo Inii gonyiida katang lang magong leile.

KOLOSIMEI 3:14

Sateichii aihang phyiiryiikii sajek gasii mahlyiihang go jum njapyiisii kalei lungkasyii tei nat kaikalei takumpii kai wolo.

ROMMEI 16:25

Aitoinii gumah kabi rasam taiswisii sateichii kamakum sam mati mangoupyiisii Jisu Krista mah kaang kito tam rali kapyii taiswisii, gonyiigo tiisangting pyiiwo kabui mpoudakii Inii gonyiigo pyii leile.

PILIPIMEI 3:8

Gu Bangpii Krista Jisugo kati tei kisii maiteeng kaki jangpii mahlyii hangtei Inii kagale katupii poitakle. Mpou jangpii mahlyii hangtei Inii rat toi aitakle, sateichii mazhii kasulesii Inii poi takle.

PILIPIMEI 2:1

Teijangpii Krista dato lung tiikamakhii, lungkasyiimah lung tiikamakhii, rangii mah kaswisii njoi katu, lungkasyii ninado mei lungset kati tei lei leponii,

2 PITAR 1:3

Mpoumah pumtei kava ninado bikakimah njai dou njoi matutang karam jangpii, nyiigo lat kapyii, Saraa ahmah kamatei teimaham teinii Saraa kamaning mah kasang tiilung lungtang karam jangpii, mpougo kati paikito nyiinii doukamajyii tei nyiigo pyiitakle.

ROMMEI 15:13

Maning kamalum mah Saraa teinii gonyiigo ka-nta sateichii kamajung teipiinii kamalum kito tokryiipyii matulo, rangii kamatei mah teimaham teipii gonyiinii maning kamalum tei doukiwo kabui jangpii.

JONNII KARYII KABI RASAM JUKAMATI 10:30

I ninado Pfii teinii hangniniile.”

JONNII KARYII KABI RASAM JUKAMATI 6:69

Sa- teichii nangnii Saraa mah kamatei teile katu nyiinii malum wotakle ninado titakle.”

HEBRUMEI 10:22

Teipiinii kabi kashyii tikabui kama lungswi kiteito tiimatei kalei ninado dwi kamatei piinii shyii matei kalei pumrong hangtei pung- sii, lung kamatei ninado soikalak kamalum teipii nyiinii Saraada manang gongde.

1 TIMOTHI 3:16

Nyiimah dormomah kamakum kathok sam ai kada- ziikapii dipo katu ai meikaniido mazhii kasu tei tiiwo lakle: Mpounii meinah mah pumzai pungsii gong pyiile, kasangle katu tei rangiinii mangoule sateichii sating gamlui hangnii ngoule, mpou go luihang dakii tam ralipyii takle, sateichii sazyii pouryii bamlyii hang kito malum wotakle, sateichii pumtei kava kito sating gam pangkhiitu takle.

HEBRUMEI 6:11

Sateichii gonyiinii mahat supii, kamalum ninado lung leh kati paikito riishii tiikabam tei doukalu ahnyiimah jai karalimei tiitang karam jangpii,

KOLOSIMEI 1:9

Kaang aijangpii nyiinii gonyii kaang kito shii kalu piinei sekpii, gonyiinii rangiimah swirek kabi ninado swikati hang kito mpoumah kamaning kamarei tei swirek kati teipiinii tokryiipyii matutang karam jangpii nyiinii gonyii jangpii Saraa dato kariita tei takmakle.

GALATIMEI 3:28

Jehudimeido, Jehudimei kasu luikakimeido thamki makle, apum meido, kikaleimei do taamki makle, sapfiimeido, sapwi- meido tam kimakle, kadaponii gonyiinii Krista Jisugo kaswisii hangninii tiikalu kito gonyii hang ai hangniniile.

1 KORENMEI 2:12

Sateichii Saraanii nyii dakii pyii kabam luha hang gotei nyiinii tiwo kabui jangpiinii, nyiinii sazyii pouryii mah rangii gotei doumakle; nlenii Saraa dato kagong rangii gotei dou wotakle.

JONNII KARYII KABI RASAM JUKAMATI 17:3

Sateichii hangni- niisang hangninii roinii kalei kasang Saraa Ahgo ninado Ahnii lang kamagong Jisu Kristago nyiinii tikatu ai; kalui kaga karing teile.

JONNII KARYII KABI RASAM JUKAMATI 16:15

Pfii mah kalei hangtei gumahle; teijangpii ahnii gudato gumah tei poisanii gonyii dakii teitei matipyii tanglesii Inii tamle.

JONNII KARYII KABI RASAM JUKAMATI 10:38

nlenii Inii tiiziileponii, gonyiinii n-gu malum mak kido, Pfii teinii gudato leile sateichii Inii Pfii dato leile katu gonyiinii tigong tang karam jangpii tha hangtei malumlo.”

JONNII KARYII KABI RASAM JUKAMATI 5:23

Nah sapfii mpougo sadzyii ngariit tiikasu ahteinii nah sapfii mpougo lang ka m-mang Pfiigo teido sadzyii ngariit tiimakle.

JONNII KARYII KABI RASAM JUKAMATI 5:17

Nlenii Jisunii ahnyii dakii khekalatle, “Gu pfiinii aitoi katangdo tha tiileile, Iniido tiileile.”

METIU 11:27

“Mahlyiihang gu pfiinii gudakii pyiibam takle; sateichii pfii tei supiinii Nah sapfii mpou gotei mei kaniido timakle, sateichii nah sapfii mpou tei supiinii Pfii gotei mei kaniido timakle sateichii Nah Sapfii mpou teinii kata hangninii dakii mpougo mati mangou tang karam jangpii kalai wokalu teisupii, mei kaniido Pfiigo timakle.

METIU 11:25

Teitinglangki Jisunii saa mpatle, “Sating ninado Sazyii mah Bangpii, gu pfii, Inii n-go halangle; dapochiinii nangnii aihang aigo kasakai ninado katimei dato poikabei bamsanii nahmei kachengmei hang dakii mangoupyii takle.

1 JON 5:7

Sateichii sakchyii tei rangiile, dapodinchii rangii teinii kasangle.

1 JON 3:19

Teitii leponii nyii ai kasang kito leile katu aipii titangle. Sateichii nyii lungswinii nyiigo malesii tam ka- mashyiita,

2 PITAR 3:18

Nlenii jumage kapyii kito sateichii nyii Bangpii, nyiigo keikapyiipii Jisu Kristamah swirek kati kito dikhiilo. Mpou dakii aitoido kalui kaga katangdo pumtei kava tei matulo Amen.

2 PITAR 1:10

Teijangpiinii kangsanamei, go- nyiigo lat kapyii ninado kalai kapyii tei katika tang karam jangpii kisii teibuisii tha tiilo, kadapokii gonyiinii tei tiileponii, gonyiinii madou kado kousang koulakle.

1 THESOLONIKAMEI 5:14

Sateichii kangsanamei, nyiinii gonyiigo tam katwi leile, kamahat meigo mahat sulosii tampyii ralipyiilo, rangii kasuimeigo lung tiimadi pyiilo, kasuimeigo tiihalo sateichii ahnyiihang dato lungleh tilo.

1 THESOLONIKAMEI 3:2

sateichii kamage kalak ainii mei kata hangninii godo tii nlai matu kasu tiisii, gonyiimah kamalum mah kaang kito tiisangting pyii matu katu sateichii gonyiigo tiiha matu tang karam jangpii nyii kangsanapii sateichii Kristamah kabi rasam katam kito Saraa tha tiisii kalei Timothigo lang magong leile;

1 THESOLONIKAMEI 1:5

katunii, nyiinii ralikapyii kabi rasam tei gonyiida samtampii roinii pung gong makle, nlenii teimahamdo, rangii kama- teido, sateichii kasang kati tei kaswisii pung gongle; gonyii jangpii nyii ai kada takum katumeipo katu nyiinii tiikamangou tei gonyiiniido tile.

TIILAMLWI KAPYIIMEI THA JUKAMATI 4:32

Teito kamalum mei hangtei aswi alung hangninii tiisii bamle, sateichii ahnyii mei hangninii ka- niido mpou mpoumah amah kabam hangtei gumah roinale katu tei tam makle, nlenii ahnyiinii mah kabam hangtei meihang mah tiisii jumle.

METIU 13:11

Sateichii mpounii ahnyiigo khekalatle, “Sating gam sazyii mah kamakum samtei timatu tang karam jangpii gonyii dakii pyiibam takle, nlenii ahnyii dakiinii pyiimakle.

LUKNII KARYII KABI RASAM JUKAMATI 1:1

Lungkasyii Theophilas: Nyii kakto pat kalei nha aigo mei moinii ryiisii bamtakle.

ROMMEI 2:4

Makkii Saraa mah ajai kabipii n-go lung kali matu tang karam kikii chyiitat pyiile katu tei tisupiinii mpou mah lung kasyiimah koikati, sateichii leh kati hang gotei nangnii maning mala leipo?

1 KORENMEI 14:31

Kadapokii meihangnii rali kabui sateichii meihang go tiitang karam jangpii lung tiimadi kabui jangpii, gonyii hangnii mei nsang nsangpiinii Saraa sam tei saa mpat tobuile.

IPISAMEI 1:7

Kadapokii Kristanii karatsii taikapyii teipii nyiihang go matapii laat mpatpyii takle, katunii, nyii kem kama hangtei magapyii takle. Saraamah jumage kapyii tei kadaziikapii dipo,

IPISAMEI 3:3

Saraanii mpoumah tiitang karam karaang kamaning kamakum tei mati mangoule satei- chii gudakii mati pyiile. Ai kaang kito Inii dwisii ryiibamle.

IPISAMEI 3:16

katunii, alungto kalei mei dakii mpou rangii- mah paikito gonyiigo teimaham pyiisii tiisangtingpyii matu tang karam jangpii,

KOLOSIMEI 1:26

katunii, tinglang sateichii meilui meiha kadaziikii jangpii kabai kabam kamakum, nlenii aitoinii mpoumah kamateimei hangdakii mati mangou pyii kalei teile.

KOLOSIMEI 2:19

sateichii apum mah aphyii kasat tiisii kalei Krista gamkii jum kabam tei matou aitakle, pum hang ai Krista kangto chiitak doule sateichii mpoumah ashaang shaang ninado abiit-biit hangteipii jum njabamle, sateichii teitei Saraanii mimatu kanyii taiswisii dileile.

KOLOSIMEI 4:3

sa- teichii Kristamah kamakum samtei nyiinii tampyii ralipyii tang karam jangpii Saraanii tinglang kabi tei nyiigo pyii kabui tiisii nyii jangpii- niido riitapyiilo. Kadapokii teijangpii aitoi Inii kabang kito bamle.