KOLOSIMEI 2:11 - KARANU KABI SAMTAM

¹¹ Meinahnii katii tiigyii kamalem teipii supii kem kama pumtei kito laat mpat kapyii haisii katei, kristanii katii tiigyii kamalem teipii Kristago njasii hangninii tiikalu kito gonyii go tiigyii malem aitakle.

KOLOSIMEI 2:11 Referans Kwoze

ROMMEI 2:29

Nlenii alungto Jehudimei katii teipii Jehu- dimeile sateichii ryiikabam agekpii supiinii rangiipii alungmah tiigyii kamalem, teipii kasang tiigyii kama- lemle mpougo tam kamatoi teinii meinah dato makle, nlenii Saraa datole.

PILIPIMEI 3:3

kadapokii nyiinii Sara- amah rangii paikito Saraago kamata, Krista Jisumah kaang kito detkadi ninado pum kikii kamalum samah kado kaga, kasang tiigyii kamalem doukalumei teile.

IPISAMEI 4:22

Teipiinii gonyiinii lungsii lei kalei tei tiilungtei gonyiigo lung matusii kalei kama kikii tiikakai mpoumah kamarei ka-ntha hangteipii tiimaga kalei, gonyiimah mei kaham tei rat toi ailo.

ROMMEI 6:6

Kem katiipum tei tiimaga tang karam jangpii, sateichii kem kito kabangnah tiisii mbamlak tang karam jangpii nyii mah kaham mei tei mpougo kaswisii Krosh gamkii gi aitakle katu tei nyiinii tile.

GALATIMEI 5:24

Sateichii Krista Jisudato kaleimei hangnii pum tei mpoumah marei majang ninado kamarei ka-ntha hang njasii krosh gamkii gi aitakle.

GALATIMEI 2:20

Teipiinii ringkalei ai I-makle, nlenii gulungto ringkalei ai Kristale. Inii aitoi ringsii kalei tiilung ai, n-gu lungsyiipyiisii gujangpii mpoumah karing kapyii, Saraa nah sapfii mpougo kamalum kito Inii ring leile.

2 KORENMEI 5:17

Teijangpii mei kata hangninanii Krista dato leileponii, ahnii karanu baichemle; kaham tei tat maju aitakle; julo, karanu tei gong takle.

HEBRUMEI 9:24

Kadapokii kasang mah njoi kapoi, bahpiinii katii kamatei bam kitei Kristanii tatliit makle; nlenii sating gam sektei nyiitung tiisii Saraanii haikalei nitei gongtang karam jang- pii tatliit takle.

HEBRUMEI 9:11

Nlenii Kristanii aikito kabam mah kabi hang mah kanat kajum tingdipii hangninii tiisii gongpyii takle. Mpounii nga ngakalei dwipei ki ai dibwile sateichii kisii sajek gale, ai ainii meinahnii katii dwipeiki makle, katunii ainii sazyii pouryii baichem aimah makle.

2 KORENMEI 5:1

Kadapokii nyiinii lungkalei sazyii pouryii mah dwipeiki ai tiimaga aileponii, meinah bahpii tiikasu aki, sating gamto kalui gasii lungtang karam nitei, Saraa dato nyii jangpii leile katu nyiinii tile.

TIILAMLWI KAPYIIMEI THA JUKAMATI 17:24

Sazyii pouryiigo ninado teilungto kalei mahlyii hang go tiikapyiipii teinii sating ninado sazyii pouryii mah Bangpii katu taiswisii bahpiinii tiikamakhii Saraa kamaningki teito bam makle,

TIILAMLWI KAPYIIMEI THA JUKAMATI 7:48

“Nlenii sagoi kaki Saraa teinii meinahnii katii aki kitei bamlei mak- le; lungkakalingmeinii tam kabam takumpii:

LUKNII KARYII KABI RASAM JUKAMATI 2:21

Sateichii jang sananiitai Jihu- dimei kanat taiswisii Nah gotei tiigyii malem takle sateichii mpougo mpung kasunato sating gamluinii zei tak kapyii takumpii, Mpougo JISU sii zei tak ai takle.

MARK 14:58

Mpounii aitiisii katam nyiinii shiile, “Meinii tiikabam Saraa ki ai Inii tiimaga tangle sateichii jangtum- nii tai meinii tiikasu kaki hangninii Inii tiimakhii tangle.”

ROMMEI 7:24

I-ai kadazyiikapii kamage kamarhii meipo, n-gu kataini pangtat kalei apumki aito tanii n-gu poi mpatpyii tangpo?

KOLOSIMEI 3:5

Teijangpii gonyii lungto sazyii pouryiimah kamaning kamarei tha tiisii kalei, katunii, sapwimei sapfiimei kashyii kahong tha katii, matei kasu, matei kasu marai majang katii, kashyii go kamarai sateichii lukanyii (ai tingtugo kamaning mahjai hangniniile) gotei tiitat ailo.