KOLOSIMEI 1:6 - KARANU KABI SAMTAM

⁶ Saraamah jumage kapyiimah kaang kito gonyiinii karei reisang ki shiiwosii teigotei tigong kalu sekpii gonyii kak kito pat kalei takumpii, kabi rasam teinii satoi tei taksupii punghumsii sazyii pouryii bamlyii kikii jai nhasii bamle.

KOLOSIMEI 1:6 Referans Kwoze

JONNII KARYII KABI RASAM JUKAMATI 15:16

Gonyiinii n-gu kalai makle, nlenii gonyiinii mangsii ti mati matutang karam jangpii ninado gonyii mah ti tei leimatu tang karam jangpii sateichii gonyiinii gu zei kito Pfii dato kakhang hangtei mpounii gonyiigo teitei pyii matutang karam jangpii, Inii gonyiigo kalai takle ninado bam kaipyii takle.

PILIPIMEI 1:11

Jisu Krista roinii pyii wokabui pumtei kava ninado Saraago tam kamatoi, kasang kabi hangteipii gonyiimah tiilung tei tokryii tangle.

1 PITAR 5:12

Malum kabuimei hangninii tiisii Inii poikalei nyii sanapii Sailas mah tiikaha kito gonyii dakii Inii dwisii ryiileile, katunii, Inii tam katwisii, ai ai Saraamah kasang jumage kapyii teilesii sakchyii pyii leile, gonyiinii jumage kapyii ailung aito sangtingsii satlo.

KOLOSIMEI 1:23

Nlenii gonyiinii kabi rasam shiikalu ting- lang kak doukalu gonyiimah maning kamalum kiteito nlai matusupii kasangting soikalak bangmaa kiteito malum kabui tei tiijousii leitang karamle. Pol, Inii nga ngakalei ai aimah kabi rasam katunii, sazyii pouryiito kaleihang go tam ralipyii kabam kitole.

ROMMEI 16:26

Tingkum tinglang katangkii ka- makum sam tei kabaisii kai kabam tei aitoinii matimangou pyii takle, sateichii Saraamah lungkakalingmei mah ryiikabam paikito kalui kaga Saraamah kakhatsam taiswisii luihang dakii kamalum mah katam switang karam jangpii mati mangoupyii takle.

ROMMEI 1:13

Inii gonyiigo ai timatu nyiile, kangsanamei katunii, Inii gonyiida gongnyiisii leile. (Nlenii aitoi katangpii n-gu dangsii bamle) gonyii kak kito sateichii lui kakimeihang kak kitodo Inii lu rachet tang karam jangpii,

JONNII KARYII KABI RASAM JUKAMATI 4:23

Nlenii kasang kamatamei hangnii Pfii gotei rangii kito sateichii kasang kito mata tang karam tinglang tei gonglei takle ninado aitoi aile, kadapokii tei kakum tei mpougo mata tang karam jangpii Pfiinii fiisii leile.

MARK 16:15

Mpounii ahnyii dakii tamle, “Tat tulo, sazyii pouryii bam- lyii hangki sateichii meilui kalung hangda kabi rasamtei tam ralipyiilo.

MARK 4:8

Nlenii lwirou kangkanii sazyii kabiki takliit takle, sateichii pokpat takle, moibui- buitu takle sateichii atido matitu takle, kangkanii ati tamrhii matile, kangkanii ati reksiirok matile, sateichii kangkanii ati haido matile.”

METIU 24:14

Sateichii sagong sazyii mah rasam ai Lui hang dakii sakchyii tiisii sazyii pouryii bamlyii hang kikii tam ralipyii tangle; teito kalui tei gongtangle.

2 THESOLONIKAMEI 2:13

Nlenii Bangpiinii lungkasyii kangsanamei, gonyii jangpii nyiinii tinglang kaleita Saraago tam matoi tang karamle. Kadapokii Saraanii gonyiigo karei kito rangiimah teimaham kito sateichii kasang go malum kalu kito keikapyii karing tei doumatu tang karam jangpii kalai takle.

1 THESOLONIKAMEI 2:13

Sateichii kaang aijangpii tak- supiinii Saraago halangle, katunii gonyiinii nyii dato shiikalu Saraamah samtam tei dou wosek-kii, meinah mah samtam tei supii, gonyii kamalum mei kak kito tha tiipyiisii kalei Saraa samlesii gonyiinii lukai wotakle, teitei Saraa samtam ka- sangle.

1 THESOLONIKAMEI 1:5

katunii, nyiinii ralikapyii kabi rasam tei gonyiida samtampii roinii pung gong makle, nlenii teimahamdo, rangii kama- teido, sateichii kasang kati tei kaswisii pung gongle; gonyii jangpii nyii ai kada takum katumeipo katu nyiinii tiikamangou tei gonyiiniido tile.

KOLOSIMEI 1:10

Saraago kati kito kibui buisii sateichii kabi tha katiilyii kito ti matisii mpou doito matwi mashangsii djyii karanga tiisii, Abangpiinii kamarei tiilung tei lung matutang karam jangpii.

PILIPIMEI 4:17

Mah kapyii gotei Inii fiikatumah makle, nlenii gonyiimah bitang karam jangpii moiki katu riiti tei Inii fiile.

IPISAMEI 5:9

Kadapokii kavamah riiti teinii kabi, kasang ninado kamajyii hang kito doule.

IPISAMEI 4:23

Sateichii gonyii swi gonyii lung hangtei tiisatai ailo,

IPISAMEI 4:21

Go- nyiinii mpoumah kaang kito madou- supii shiitakle, sateichii mpoutai kaswimei tiisii Jisu dato kalei kasang tei gonyiigo ralipyii takle.

2 KORENMEI 10:14

Sateichii pyii kabam kamazhii ret teilung kito gonyiido leikatu taiswisii, nyiinii Kristamah kabi rasam pungsii gonyiida kagong kak, pyiikabam kamazhii ret teihang doito majusii nyiinii tat tumakle.

2 KORENMEI 6:1

Nyiinii Saraago kaswisii tha tiisii leile, teijangpii Saraa mah jumage kapyii tei matapii kadaktoi sulosii nyiinii gonyiigo khang leile.

ROMMEI 15:19

Aitiisii Jerosalem kito Illurikam go kamagui katangtei tatsii Inii Krista mah kabi rasam tei tam ralipyii lahok takle.

TIILAMLWI KAPYIIMEI THA JUKAMATI 26:18

ahnyiinii kamyii kito kava ki sateichii sara kashyii mah teimaham kito Saraa Bangpiida nlaigongsii kem kalei kapyii sateichii n-gu kamalum paikito Saraanii kalai kalumei kak kito bam doumatu tang karam jangpii, Inii n-go ahnyii mik rak matutang karam jangpii ahnyii dakii langkai leile.’

TIILAMLWI KAPYIIMEI THA JUKAMATI 16:14

Sateichii Taiyatira namdi kito zei Laidiya sii kalatpei majyiikabi peimani joi kaleipei ninado Saraago mata kaleipei sapwi mpei hangninanii tam rali kapyii tei shiiwole, Polnii tam ka-mpat samtei lung liitsii shii matu tang karam jangpii Bangpiinii mpoupei lungtei laatpyii takle.

TIILAMLWI KAPYIIMEI THA JUKAMATI 12:24

Nlenii Saraa mah samtam tei dikhiitu takle, ninado moibuibuitu takle.

TIILAMLWI KAPYIIMEI THA JUKAMATI 11:18

Teito ahnyiinii sam hang ai shiiwo sek-kii, malhii supiinii Saraa- go tam matoisii tamle, “Teitiileponii lui kakimei dado ringkabui jangpiinii lung kali matu katu Saraanii mazhiipyii takle.”

METIU 28:19

Teijangpii gonyiinii maasii, lui hang go gutai kaswimei tiipyiilo, Apfii, anah ninado rangii kamatei zei kito dwi mpum pyiilo;

IPISAMEI 3:2

madousupii gonyiinii shiitakle, katunii Saraanii mpoumah jumage kapyii kito gonyii jangpii kabi tha tiilosii aimah tha ai gudakii pyiibam takle.

ROMMEI 15:28

Teipiinii ai tha ai Inii tiisang aisekchii sateichii ahnyii jangpii poi ndwi kalu sana hangtei ahnyii bah kikii pyii aitakle sekchii, Inii Spen ki gongtang karam jangpii tat tutangle, sateichii teiki pwidi tat leibangpii Inii gonyiigo kadou tangle.

JONNII KARYII KABI RASAM JUKAMATI 17:19

Ahnyiihang godo kasang teipiinii tiimateipyii ma- tutang karam jangpii, ahnyii jangpii Inii guroinapii n-gu pyiitoi leile.