Biblia Todo Logo
Bib sou entènèt

- Piblisite -




KOLOSIMEI 1:5 - KARANU KABI SAMTAM

5 Kasang samtam katunii, kabi rasam teinii gonyiida gong kareiki, teiteinii pyiisii kalei maning kamalum mah kaang tei shiitakle, teipiinii gonyiimah kamalum ninado lungkasyii teinii gonyii jangpii sating gamkii kaidek kabam gonyiinii maning malumsii kalei taiswi takle.

Gade chapit la Kopi




KOLOSIMEI 1:5
33 Referans Kwoze  

Sateichii gonyiigo keikapyii karing poigong kapyii kasang kabi rasam tei gonyiinii shiikalu kito, gonyiiniido Saraamah mei tei tiiwo takle, sateichii Kristago gonyiinii malum wotakle; ninado mpounii go- nyiigo pyiitang lesii riishii tiikabam, pyiisii kalei rangii kamatei teipii Saraanii mpoumah apum katiimah siiti tei gonyii phyiiryiikii toukai pyiitakle.


Aitoisekpiinii kasang kamajyii mah phyiihung tei gujangpiinii kaidek- bam takle, teitei kasang kamajyii samtak katii Bangpii teinii teipiinei leimik gudakii pyiitangle, sateichii teitei gudakii roinii makle, nlenii mpoumah nlai kagong maraisii koikalei meihang dakiido pyiitangle.


chuisang chuilei kasu Saraanii pyiitanglesii ndouto riishii tiikabam kalui kaga karing tei doutanglesii maning kamalum kito,


Saraanii kamaning teinii mpounii meihang jangpii kabam kani kahii ninado pumtei kavamah kamakum tei mpoumah meihang go timatu tang karam jangpiile. Sateichii kamakum teinii gonyii lung kito Krista leile. Katunii, Saraamah pumtei kava tei gonyii njai dou njoi tangle.


nahmei karanumei takumpii, tinglang kaleita kamatei rangiimah nadwi gotei mangwilo; dapokii tei sak kalu teipii gonyiinii dikakhii thang kakhii ninado keikapyii karing doukido malahle.


Nlenii gonyiinii kabi rasam shiikalu ting- lang kak doukalu gonyiimah maning kamalum kiteito nlai matusupii kasangting soikalak bangmaa kiteito malum kabui tei tiijousii leitang karamle. Pol, Inii nga ngakalei ai aimah kabi rasam katunii, sazyii pouryiito kaleihang go tam ralipyii kabam kitole.


Krista dakii nyiinii maning kamalum tei tiilung aiki jangpii roinii bisanii kaki jangpii galeponii, sazyii pouryii hang lungto lungsyii takle sii tam tang karam tei nyiinii kisii doumajyiile.


Kadapokii Moses mah ajaiting- shang teinii samah kado bimatwi matu womakle, sateichii kisii bikaki maning kamalum gotei pung gongpyiile, teimah paikito nyiinii Saraa mah bam kitei manang gongle.


Sateichii kaang aijangpii tak- supiinii Saraago halangle, katunii gonyiinii nyii dato shiikalu Saraamah samtam tei dou wosek-kii, meinah mah samtam tei supii, gonyii kamalum mei kak kito tha tiipyiisii kalei Saraa samlesii gonyiinii lukai wotakle, teitei Saraa samtam ka- sangle.


Sateichii mpougo maning kamalum meihangnii, mpounii kamatei takumpii mpou roinapii mpougo tiimateile.


Kadapokii nyiinii rangii paito kamalumpii kasang kamajyii mah maning kamalum jangpii koileile.


Nyiimah samtam teinii Krista paito sazyii pouryiimei hang go Saraanii mpoumah tiipyiisii leile, ahnyiimah kem ajhii kamoi tei Saraanii fiipyii makle, sateichii mpounii ahnyiigo kada takumpii mpoumah kangmei tiipyiisii leipo katumah samtam tei mpounii nyiigo pyiibam takle.


Nlenii mei ndwi lamkanii sadhu- mei sateichii mei ndwi lamkanii Farasismeile katu tei Polnii tiwosek- kii, samtak katii katingmei doikii mpounii saa mpatle, Kangsanamei, Inii Farasismei nah sapfiimei hang- niniile, kataimei hangnii ringkhii tangle katu maning kamalum jangpii n-gu samtak tiileile.


Nlenii gonyii lung kito Krista ai Bangpiilesii sadzyii ngariit tiilo. Gonyii lung kito kalei maning kamalum mah kaang tei gonyii dato n-nhii katumei hang go kekhalatpyii tang karam jangpii tinglang kaleita tiikadasii leilo, nlenii lung kamanoi ninado sadzyii ngariit katii tei njasii tiilo.


Teijangpiinii maning kamalum sateichii lungkasyii ai taksupii leile; sateichii ai hangtum kak kito kadi disang teinii lungkasyii teile.


Iniido Saraa dakii kamalum tei bamle, ahnyiinii kabam takumpii, katunii, meihang, kabimeido kashyiimeido katai kito ringkhii tangle.


Jisu Kristanii kakui kama meigo keipyii tang karam jangpii sazyii pouryii gongpyiile katu ai malum wobuile sateichii nyiinii lukai tang karam jangpii tam kalei sam ai kasangle sateichii kem kama mei hang kak kiteito kem tiikaki tei I-le,


Aitoinii nyii Bangpii Jisu Krista pum sekpii sateichii gonyiigo lung- syii kapyii, kalui gasii nyiigo tii-nta kapyii, sateichii jumage kapyii pai- kito bisii maning kamalum kapyii, nyii Pfii Saraa teinii gonyii lung tiisamoupyii matulo,


Kristamah samtam tei gonyii lung kito moisii leimatulo, swirek kabi hang kito hangninanii hangniniigo ralipyiilo sateichii dwisii tiimajyii tiimatui pyiilo, sateichii Saraago tam kamatoi lhii, Saraago kamata lhii ninado rangii lhii hang- teipii gonyiihang lung kito Saraago hakalang katam teipii lhii tei tiilo.


Nlenii teiteinii kadalesii tampo? godato manangsii, go kathai kito, sateichii golungto samtam tei leile, katunii nyiinii tam ralipyii kalei kamalum samtam teile.


mpounii Isrelmeinah hang dakii samtei lang magongpyiile, (Mpounii mahlyiihang mah Bangpiile.)


Gonyii mah kalei hangtei joitoisii sana tei kagameigo pyiitoi ailo, ham kalak sana takou tei gonyii jangpii tiiwolo; katunii kara- gameinii gongpeiwo kalak, karak niido tiimaga peiwo kalak, Sating gamkii gonyii mah kani kahii tei poi ndwi wolo.


“Lungkasyii kangsanamei, Abra- ham ki mpungmah nahmeihang ninado gonyii kak kito Saraago kahingmei, nyii dakii kaleikapyii karing kabi samtei m-mangpyii takle.


Nyiimah kasang samtam teipii sateichii Saraamah samtam teipii nyiimah saryii baitui takumpii, meigo saryii tiitang karam ninado dangtang karam jangpii kasang kamajyii tei nyii dato bamle.


nlenii kabi rasam mah kasang tei tiimashyii katu gasii gonyii jangpii kaibam tang karam jangpii, ahnyii dakii minit hangninii jangpii katangdo akang-nkang tang karam tei nyiinii pyiimakle.


Nlenii ahnyiinii kabi rasam mah kasang teitei swisii majyiisii tat makle katu tei Inii ngou wosek-kii, ahnyii hang doito Inii Pitar dakii tamle, “Nangnii Jehudimei hangninii tiisii leikado, Jehudimei mah ajaitingshang takumpii tat supiinii, Jehudimei kasu luikakimei takumpii tat leponii, nangnii lui kakimei hang go Jehudimei takumpii lung matu tang karam kada takumpiinii atei tiitangpo?”


Go- nyiinii mpoumah kaang kito madou- supii shiitakle, sateichii mpoutai kaswimei tiisii Jisu dato kalei kasang tei gonyiigo ralipyii takle.


Teijangpii gonyiinii aihang go tisii ninado gonyiinii doukalu kasang kiteito sangtingsii laikado, aihangmah kaang kito Inii gonyiigo tam maning tangle.


Swiv nou:

Piblisite


Piblisite