KOLOSIMEI 1:13 - KARANU KABI SAMTAM

¹³ Kamyii teinii apum tiisii kalei kiteito mpounii nyiigo poi mpat- pyiisii mpounii hangkapii lungkasyii mpounah sapfii mpoumah sagong sazyii kikii pang gongkaipyii takle.

KOLOSIMEI 1:13 Referans Kwoze

TIILAMLWI KAPYIIMEI THA JUKAMATI 26:18

ahnyiinii kamyii kito kava ki sateichii sara kashyii mah teimaham kito Saraa Bangpiida nlaigongsii kem kalei kapyii sateichii n-gu kamalum paikito Saraanii kalai kalumei kak kito bam doumatu tang karam jangpii, Inii n-go ahnyii mik rak matutang karam jangpii ahnyii dakii langkai leile.’

IPISAMEI 5:8

Kadapokii tinglang kareiki gonyiinii kamyii kito leile; nlenii aitoinii Bangpii zei kito gonyiinii kava kito leitakle, teijangpiinii kavamah nahmei takumpii tatlo.

1 PITAR 2:9

Nlenii gonyiigo kamyii kito mpounii sung kaga kava kikii lat mpat kapyii mpoumah kamadat tha hangtei saa mpat matutang karam jangpii, kalai kalumei lui, sagong- mah atingmei, kamatei lui Saraamah mei tei gonyiile.

IPISAMEI 6:12

Kadapokii nyiigo ngoukarou saryiimei teinii pumzai phyiiryiikii makle, nlenii apum katiimei hang phyiiryiikii, teimaham kajum mei hang phyiiryiikii, kamyii ai sazyii pouryiimah apum katiimei phyiiryiikii, sating gam mah bam hang kito kashyii rangii tiisii kalei hang phyiiryiikii, saryii tiitang karam jangpiile.

1 THESOLONIKAMEI 2:12

nyiinii gonyiigo tam katwisii, lung tiimakhiisii sateichii sakchyii pyiisii, Pfiinii mpou nahmeigo tiikalei takumpii nyiinii gonyii hang go tiipyii takle.

IPISAMEI 4:18

ahnyii teinii ahnyiimah swi kati kiteito tii m-myii aitakle. Ahnyii lung katei jangpii, ahnyiimah lungswi tei myiigongsii ahnyii Saraamah rangii dato sapum- nah mitutakle.

ROMMEI 14:17

Kadaponii Saraa mah sating sazyii teinii kachii kasak tei makle, nlenii rangii kamatei kito kasang kamajyii, kamajung sateichii ka-nta teile;

1 JON 3:14

Nyiinii katai kito majusii karing kitei liit takle katu nyiinii tile, dapodinchii nyiinii nyii sanameigo lungsyiile. Lungsyii kasu ahteinii katai kito taksupii leile.

2 KORENMEI 4:4

Ahnyiinii malum makle, dapokii sazyii pouryii mah sara kashyii teinii ahnyii lungswi tei kamyii kikii kai aitakle. Saraamah njoi karei takum sek katu Kristamah pumtei kavamah kaang kabi rasam kito kagong, ahnyii phyiiryiito vakalei kava tei mpounii ahnyiigo mangou sutakle.

1 JON 3:8

Kem katii ahteinii seitan datole, dapokii seitannii saroisekto kem tiile. Seitanmah tha tei tiimaga tang karam jangpii, Saraanah sapfii mpou gotei magongle.

JONNII KARYII KABI RASAM JUKAMATI 5:24

“Inii gonyii dakii kasangpii tam leile, gusam shiisii ninado n-gu lang kamagong ahgo malumsii kalei ahteinii kalui kaga karing tei doutakle; sateichii samtak katii kitei ahnii hailakle, nlenii ahnii katai kito karingki kaamajupat wotakle.

1 JON 2:8

Nlenii Inii aitoi gonyii dakii ryiikalei kakhatsam ainii kasataile, dajangpiipo dinchii aimah kasang ai mpou dato gonyii datodo ngoule. Kadapokii kamyii teinii tat maju leitakle sateichii kasang kava tei vasii leitakle.

2 PITAR 1:11

Kadapokii aitii- sanii nyiimah Bangpii ninado nyiigo keikapyiipii Jisu Kristamah kalui kaga sagong sazyiiki liit tang karam majyii tei gonyiigo pyiitangle.

LUKNII KARYII KABI RASAM JUKAMATI 13:24

“Ki takam kamarumki teito tatliit tang karam jangpii tiigat tolo, kadapochiinii Inii gonyii dakii tam leile, mei hangkanii teiki tatliit tang karam jangpii tiitangle, nlenii liitpei lakle.

HEBRUMEI 2:14

Mpounii lat kalei nahmei hangtei pum zai kapungmei katu taiswisii, Jisunii ahnyii mah njoi tei poi wotakle, sateichii nunuto kalei meinah mah jaitalui tei Jisunii dou njoi takle. Mpoumah katai paikito kataimah teimaham kabam, seitan gotei mpounii tiimaga kabui tiisii mpounii ai ai tiile.

JONNII KARYII KABI RASAM JUKAMATI 17:24

“He Pfii-o, nangnii sazyii pouryii tii mpat kasunato n-gu lung- kasyii kito nangnii gudakii kapyii gumah pumtei kava tei ahnyiinii ngoumatu tang karam jangpii, Inii kalei nitei ahnyiiniido n-gu kaswisii lei matu katu Inii maraile.

LUKNII KARYII KABI RASAM JUKAMATI 22:53

Inii gonyiigo Saraa Kamaning kilungto sating kata kaswisii kabam tinglang kak teinii gonyiinii gu gamkii bah kai- makle. Nlenii ai-ai gonyiinii tiitang karam tinglang ninado kamyii mah pumtei katii tinglangle.”

METIU 3:17

sateichii’ julo, sating gamto rok hangninanii tamle, “Ai ai Inii lungkasyii gunah sapfii mpou teile, Mpougo Inii hangkapii lung- mangle.”

METIU 25:34

Teitinglangki sagong teinii mpou- bah ajiilam pang kabam meihang dakii tam tangle, ‘Patlo, Gu pfii mah satoi doukalumei, sazyii pouryii tii ka-mpat saroi sekto gonyii jangpiinii tiida kabam sagong sazyii tei douwolo.

IPISAMEI 1:6

Saraago tam matoileje, mpoumah kangam jumage kapyii jangpii, kadapokii mpounah sapfii mpou zei kito mpounii nyiigo matapii luha kapyii jangpii!

METIU 17:5

Mpounii tam leibangpii julo, vakabi mongjyii hangninanii ahnyiigo gomnei wotakle, sateichii julo, mongjyii kiteito rok hangninanii tamle, “Ai ai Inii lungkasyii gunah sapfii mpou teile; Inii mpougo hangkapii lung mangle, gonyii mpounii katam tei shiilo!”

JONNII KARYII KABI RASAM JUKAMATI 3:35

Pfii teinii nah sapfii mpou gotei lungsyiile sateichii mpoubah kikii mahlyiihang tei pyiibam takle.

2 KORENMEI 11:14

Sateichii ai ai kamadat makle. Kadapokii seitan katangpiinado ah roinapiinii kavamah rakot hangniniimah jai reisii tiiwo leile.

IPISAMEI 5:5

Gonyiinii ai tigat tolo, katunii kashyii kahong tha katiimei, matei kasu, mak-kii lukanyii... (kadapokii lukanyii ai tingtugo kariita hang- niniile) mei teinii Saraamah ninado Kristamah sagong sazyii kiteito njai dousang doulakle.