KOLOSIMEI 1:12 - KARANU KABI SAMTAM

¹² kama- teimei hangnii kava kito doukamajyii mahtou kiteito njai dou njoi matu- tang karam jangpii nyiigo tiimajyii kapyii tiikapyii pfii dakii hakalang tamlo.

KOLOSIMEI 1:12 Referans Kwoze

TIILAMLWI KAPYIIMEI THA JUKAMATI 20:32

“Sateichii aitoinii Inii gonyiigo Saraa dakii ninado mpou mah jumage kapyii mah samtam kikii pyiitoi leile; samtam aipiinii gonyiigo tiikamakhii ninado tiimatei kaleimei ahnyii hang kak kito dou kamajyii tei gonyii dakii pyii wobuile.

IPISAMEI 1:11

Saraanii tiikanyii kamaning kamarei taiswisii mahlyii hang ai tiibam takle; sateichii saroi roisang kito mpounii kamaning gotei jubam- sii, mpoumah tiikanyii kamaning kamarei roinii jangpii, Kristago nyiinii njasii kalei kito, mpoumah mei tiimatu tang karam jangpii, Saraanii nyiigo kalai wotakle.

IPISAMEI 1:18

Mpoumah kava tei ngoukabui tiisii gonyiimah lungswi hangtei laatpyii matusii, mpounii gonyiigo lat kalu tei kadapei maning kamalum jangpiipo katu sateichii mpoumah meigo pyii tanglesii riishii tiikabam kamadat satoi hangtei kadaziikapii dipo katu tikabui jangpii,

TIILAMLWI KAPYIIMEI THA JUKAMATI 26:18

ahnyiinii kamyii kito kava ki sateichii sara kashyii mah teimaham kito Saraa Bangpiida nlaigongsii kem kalei kapyii sateichii n-gu kamalum paikito Saraanii kalai kalumei kak kito bam doumatu tang karam jangpii, Inii n-go ahnyii mik rak matutang karam jangpii ahnyii dakii langkai leile.’

IPISAMEI 3:6

Kamakum teinii kabi rasam paikito luikakimei hangteinii Sara- amah satoi doutang karam kito Jehudimeigo kaswisii njai bamle, ahnyii ai pumpot hangniniimah nsang nsangle ninado Saraanii pyiitanglesii mpounah Krista Jisu paikito riishii tiikabam mah njai poi njoi katumeile.

2 KORENMEI 5:5

Tiikakali aijangpii nyiigo tiida kapyii tei Saraale sateichii nyii jang- pii koikabam hangtei pyii mashang ling tangle katumah kamazhii tiisii mpoumah rangiitei mpounii nyiigo pyiile.

ROMMEI 8:17

Sateichii Saraa nahmeile ponii mahtou katoumeido takle, mpougo kaswisii nyiinii pumtei kava tei dou njoitang karam jangpii Kristago kaswisii nyii kamage kalak pung njoi leponii, Saraa mahtou katoumei sateichii mpougo njoisii mahtou katoumei takle.

HEBRUMEI 3:14

Kadapokii nyiinii nyiimah lung kalum tei karei sekto kalui katang tei sangtingsii jum woleponii, nyii hang ai Kristago kaswisii njai dou njoi katumei takle:

JONNII KARYII KABI RASAM JUKAMATI 14:6

Jisunii mpougo khekalatle, “Pwi- dido, kasangdo sateichii karingdo I-le, gu paikito supii meikaniido Pfii datei gong womakle.

MATIMANGOU KAPYII 21:23

Sateichii teiki namdi kiteito vatang karam jangpii leimikdo sakhiido kabi tei gale, kadapokii Saraamah pumtei kava teinii teimah kava teile. Satei- chii teimah thaomi teinii Jaonah teile.

HEBRUMEI 12:23

sating gamkii zei ryiikai kabam lung karei nah sapfiimei hang go ndwini sateichii samtak tiitang karampii Saraada, sateichii mei kabimeigo sajek kaga tiikapyii rangii hangda,

KOLOSIMEI 2:2

Dapokii ahnyiinii lung taisupii lungkadi teipii tokryii kabui tiisii sateichii lungkasyii kiteikii jum nja kabui tiisii, teito kasang kati teinii pung kagong madousupii doutang karam katokryii kani kahii tei doumatu tang karam jangpii, Inii ai tiileile. Aitiisii ahnyiinii Saraamah kamakum, katunii Kristago titangle.

IPISAMEI 5:20

Nyii Bangpii Jisu Krista zei kito Pfii Sa- raago mahlyii hang jangpii tinglang kaleita hakalang tei pyiilo.

1 KORENMEI 8:6

nyiijangpiinii Saraa hangninii, katunii, Apfii tei leile; mpou dato mahlyii hang patle, sateichii nyiinii mpou jangpii ring leile, sateichii Bangpii hangninii katunii, Jisu Krista tei leile; mpou paikito mahlyiihangdo nyiihangdo ring leile.

ROMMEI 15:27

Nle, ahnyii- mah dzyii karanga tei leitakle, sateichii kasangpii ahnyii teinii ahnyii dakii pyii kamajyii pow tei pungleile, kadaponii Jehudimeinii ahnyiimah rangii mah satoi tei luikakimei dakii njai leponii luikakimei teinado mah pot mah satoi tei poi mpatsii Jehudimeigo tiiha kajyiile.

JEMS 3:9

Tei teipiinii nyii Bangpii, nyii Pfiigo nyiinii hakalang tamle, sateichii teiteipiinii Saraamah njoi kito tiikabam meinahgo nyiinii sheengle.

HEBRUMEI 3:1

Teijangpii Saraanii lat kalu, kamatei gukangsanamei, nyiinii tam mpatsii kalei kamalum mah kanat kajum tingdipii tiimatu tang karam jangpii Saraanii lang m-mang kapyii Jisu gotei maninglo.

KOLOSIMEI 3:17

Sateichii gonyiinii katalyii hang katii kito, samtam kito, mak-kii katii kapung kito pfii Saraa Jisu paito hakalang tamsii, Bangpii Jisu zeikito mahlyiihang tei tiilo.

KOLOSIMEI 3:15

Sateichii Kristamah kamajung teipii gonyii hang lung kito apum tiimatulo; gonyiigo teijangpii apum hangninii tiisii latdo latpyii takle; sateikii gonyiinii hakalangdo tamlo.

IPISAMEI 5:4

Gonyii kak kito tamjyii kasu katham karaam sam, kapang kamang sam, mak-kii dok tiikasu sam tei gasii, teitungpii gonyiinii Saraago hakalang tei pyii matulo.

IPISAMEI 4:6

mahlyiihang kito tha tiisii kalei, mahlyii hang mah Bangpii, meilui kalung hang mah Pfii sateichii Saraa hangninii leile.

1 KORENMEI 9:23

Sateichii Inii kabi rasam mah njai tei dou njoi wokabui jangpii, tei kaang jangpii Inii ai ai tiile.

ROMMEI 11:17

Nlenii tingkaa kangkanii tuiga leponii sateichii nangnii Saraa- mah sungchyiibang tiisii ahnyii kak-kii n-go masetkai pyiisii sung- chyiibang mah njai tei ahnyii go kaswisii nangnii dou njoisii leileponii.

ROMMEI 9:23

Mpoumah pumtei kava doumatu tang karam jangpii mpounii ndouto reipii tiidapyii kabam, mpoumah jumage kapyii doutang karam nyiihang pyiiryiikii mpoumah kani pumtei kava rui ka-mpat teido mpounii mangounyii takle.

JONNII KARYII KABI RASAM JUKAMATI 20:17

Jisunii mpoupei dakii tamle, “N-gu deng sulo, kadapokii Inii gu pfii bamki pi womakle rei, nlenii gukangsanamei hangda mangsanii ahnyii dakii tampyiilo, Inii gu pfiido gonyiipfiido, gu Saraado gonyii Saraado tiisii kalei Ah bam kitei pitune leitakle.”

JONNII KARYII KABI RASAM JUKAMATI 4:23

Nlenii kasang kamatamei hangnii Pfii gotei rangii kito sateichii kasang kito mata tang karam tinglang tei gonglei takle ninado aitoi aile, kadapokii tei kakum tei mpougo mata tang karam jangpii Pfiinii fiisii leile.

METIU 25:34

Teitinglangki sagong teinii mpou- bah ajiilam pang kabam meihang dakii tam tangle, ‘Patlo, Gu pfii mah satoi doukalumei, sazyii pouryii tii ka-mpat saroi sekto gonyii jangpiinii tiida kabam sagong sazyii tei douwolo.

MATIMANGOU KAPYII 22:14

Ahnyiinii karingmah ruibang dateito riiti chiitang karam majyii tei doukabui tiisii sateichii namdi lung tei takam kamjao kito liit kabui tiisii ahnyiimah peijou kathang tei shyii matei kaleimei hangtei sadoibile.

MATIMANGOU KAPYII 22:5

Sateichii tinghum katu tei leiloi lakle. Ahnyii jangpii thaomimah mak-kii leimikmah kava tei kabi gale, kadapokii Bangpii Saraa teinii ahnyiimah kava tei tangle, sateichii ahnyiinii kalui gasii sagong tiisii magong tangle.

1 JON 1:3

Nyiinii ngoukalu ninado shii kalu tei gonyiiniido nyiigo kaswisii njai dou njoi matutang karam jangpii, nyiinii gonyii dakiido saa mpat leile; sateichii nyiinii njai dou njoi tang karam ainii Pfii sateichii mpounah sapfii mpou Jisu Kristago kaswisii nja katu kitole.

1 PITAR 5:1

Teijangpii ting njoisii kaleimei hangninii tiisii, Kristanii kamage kalak kapungmah sakchyii ninado mati mangou tang karam pumtei kavamah njai dou njoitang karam Inii gonyii kak kito kalei kating- meigo khang leile,

TAITAS 2:14

Mpounii nyiigo kakui kama hang kito poi mpatpyii tang karam jangpii satei- chii nyiigo mpou kuto kalei kama- teimei tiimatu tang karam jangpii sateichii tha kabi tiinyii matutang karam jangpii mpou pumsek tei mpounii nyiijangpii pyiile.

2 KORENMEI 11:14

Sateichii ai ai kamadat makle. Kadapokii seitan katangpiinado ah roinapiinii kavamah rakot hangniniimah jai reisii tiiwo leile.

IPISAMEI 2:18

Jehudimei kado, luikakimei kado nyiihangnii rangii hangninii kito pfii doi gongliit kabui teinii Kristamah paikitole.

IPISAMEI 5:8

Kadapokii tinglang kareiki gonyiinii kamyii kito leile; nlenii aitoinii Bangpii zei kito gonyiinii kava kito leitakle, teijangpiinii kavamah nahmei takumpii tatlo.

IPISAMEI 5:11

Sateichii riiti mati kasu kamyii- mah tha hang kiteito njai poihai sulo, nlenii teitungpii kama tei laat mpat matulo.