KOLOSIMEI 1:10 - KARANU KABI SAMTAM

¹⁰ Saraago kati kito kibui buisii sateichii kabi tha katiilyii kito ti matisii mpou doito matwi mashangsii djyii karanga tiisii, Abangpiinii kamarei tiilung tei lung matutang karam jangpii.

KOLOSIMEI 1:10 Referans Kwoze

IPISAMEI 4:1

Teijangpii gonyiigo lat kalu kiteito tiigatpii matwisii lung pyiilosii, Bangpii jangpii kabangki kaleimei hangninii tiisii kalei Inii gonyii dato khangleile.

HEBRUMEI 13:21

Kamajungmah Saraa teinii Jisu Krista paikito mpou mikjot kito dzyii karanga tei nyii lung kito tiipyiisii, mpoumah kamaning kamazhii tiitang karam jangpii kabi tha hang kito gonyiigo tiimatui tiimashangpyii matulo; ahgo kalui tiisupii tam kamatoi tei matulo, Amen.

1 JON 3:22

Sateichii nyiinii kakhang hangtei mpou dato doule, kadapokii nyiinii mpoumah kakhat- sam hangtei swisii mpounii kamarei tei nyiinii tiile.

JONNII KARYII KABI RASAM JUKAMATI 15:16

Gonyiinii n-gu kalai makle, nlenii gonyiinii mangsii ti mati matutang karam jangpii ninado gonyii mah ti tei leimatu tang karam jangpii sateichii gonyiinii gu zei kito Pfii dato kakhang hangtei mpounii gonyiigo teitei pyii matutang karam jangpii, Inii gonyiigo kalai takle ninado bam kaipyii takle.

1 THESOLONIKAMEI 4:1

Kalui kito, kangsanamei, gonyii- nii kada takumpii lung tangpo, sateichii kada takumpii Saraa dzyii karanga tiitangpo katu nyii dato gonyiinii doukalu takumpii, sateichii gonyiinii tiido tiisii kalei takumpii, gonyiinii kisii kisii tiimatu tang karam jangpii Bangpii Jisu zei kito nyiinii gonyiigo khangdo khang leile sateichii katwido katwi leile.

HEBRUMEI 13:16

Kabi tiitang karam ninado hangninanii hangniniigo tiiha tang karam tei mangai sulo, dapodinchii ai kakum kakarat hang aipii Saraago dzyii karanga tei tiile.

JONNII KARYII KABI RASAM JUKAMATI 15:8

Gonyiinii ti hangniikii matisii, aitiisii gonyiinii gumah boumei tiikatu aipiinii gu Pfii mah pumtei kava tei mangoule.

TAITAS 3:14

Sateichii nyiimah mei hang teinii tikasu tiimatulak tang karam jangpii, pat kalak liit kalak kito tiiha tang karam jangpii kabi tha katii kiteikii nyiihang mah tinglang tei pyiirali matulo.

2 PITAR 3:18

Nlenii jumage kapyii kito sateichii nyii Bangpii, nyiigo keikapyiipii Jisu Kristamah swirek kati kito dikhiilo. Mpou dakii aitoido kalui kaga katangdo pumtei kava tei matulo Amen.

2 PITAR 1:8

Kadapokii aihang ai gonyiimah tiisii tangkasu tiisuleponii, nyii Bangpii Jisu Kris- tago matwi mashangsii titang karam jangpii aihang ainii gonyiigo tiikamahat ninado ti mati matu kasu tei tiilakle.

KOLOSIMEI 2:6

Gonyiinii Krista Jisugo Bangpii tiisii lukai kalu taiswisii gonyiigo ralikapyii takumpii mpougo kaswisii hangninii tiisii lunglo.

1 THESOLONIKAMEI 2:12

nyiinii gonyiigo tam katwisii, lung tiimakhiisii sateichii sakchyii pyiisii, Pfiinii mpou nahmeigo tiikalei takumpii nyiinii gonyii hang go tiipyii takle.

KOLOSIMEI 4:5

Gonyiinii tinglang kabi kadouta tei jum matousii, sabato kaleimei dateito gonyiinii sakaisii tatlo.

IPISAMEI 5:15

Teipiinii gonyiinii lungkalei tiilung tei machyiigat wolo, kapang kamangmei takumpiinii lung sulo; nlenii kasakaimei takumpiinii lunglo.

IPISAMEI 2:10

Kadapokii Saraanii reipii tiida kabam kabi tha hang kito nyiinii tat matutang karam jangpii, Krista Jisu dakii tii mpat kabam nyii ai mpoumah tha katiimei takle.

2 KORENMEI 2:14

Nlenii Saraago halangle! Kada- pokii Kristago kaswisii hangninii tiisii nja kalu kito Kristamah saryii ngam kalu mah pareng beekatu kitei maringpouchyiimei takumpii nyiigo Saraanii pangsang pangtat pyiile. Kristamah swirek kabi tei manam kabi keirum takumpiinii bamlyii hang kikii jai nha tang karam jangpii Saraanii nyiigo poisii tha tiipyiile.

ROMMEI 6:4

Teijang- piinii nyii ai dwi mpum kalu teipii mpougo kaswisii katai kiteikii poigoi aitakle, kadaponii Apfii mah pumtei kava teipii Kristago katai kito ringkhii matu kalu takumpii, nyiiniido karanu tiilung kiteito tatwo kabui jangpii.

IPISAMEI 5:10

Sateichii Saraanii kadapei mareipo katu tei tikabui tiilo.

IPISAMEI 5:2

Sateichii Kristanii nyiigo lungsyii pyiisanii, nyii jangpii mpou- mah pumsekpii pyiitoi tang karam manam kabi pot hangninii tiisii, Saraa dakii karat kapyii takumpii gonyiinii lungkasyii kito tatpyiilo.

PILIPIMEI 1:27

Inii gonyiigo gong kadou kado, kadoumak kado, gonyiinii lungswi hangninii tiisii kabi rasam kito kamalum jangteipii kamagasii rangii hangninii kito sangtingsii satle katu gonyiimah kaang kito Inii shiiwo kabui tiisii gonyiinii lungkalei gonyii tiilungmah tingshang rali tei Kristamah kabi rasamgo masam matulo.

PILIPIMEI 1:11

Jisu Krista roinii pyii wokabui pumtei kava ninado Saraago tam kamatoi, kasang kabi hangteipii gonyiimah tiilung tei tokryii tangle.

1 JON 5:20

Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.

TAITAS 3:1

Ahnyiinii apum katiimei satei- chii teimaham kajum mei kang nkang matu tang karam, katam swimatu tang karam, sateichii kabi tha tiitang karam jangpii tiida kabui tiisii,

KOLOSIMEI 3:20

Nahmei, mahlyii hang kito gonyii pwi gonyii pfiinii katam swilo, dapokii teitei Saraa djyii karanga teile.

IPISAMEI 4:13

Teipiinii nyiimah kamalum ninado Saraa nah sapfii mpougo nyiimah swirek kati kito hangninii tiisii kalei nitei nyiihangnii kaswisii gong ndwi tangle, sateichii nyiinii Saraago kamalum tei Krista takum sekpii miwosii, nyiinii mishang kalumei hangninii tiitangle.

HEBRUMEI 11:5

Inoknii katai tei ngou matulak tang karam jangpii, kamalum teipiinii mpougo poimakhiitu takle; sateichii Saraanii mpougo poikalu jangpiinii mpougo dousu takle. Kabi rasam kito tamle, katunii, Inok go poimakhii kasuki, mpounii Saraa dzyii kabi tei tiitakle.

2 TIMOTHI 2:4

Saryii katiimei kata hangni- naniido mpougo saryii tiimatu tang karam jangpii zei kaikapyiipii gotei dzyii karanga tiitang karam jangpii meida tiisii kalei mei machiimah tha hang kiteikii mpoupumgo poi nja leimakle.

KOLOSIMEI 2:19

sateichii apum mah aphyii kasat tiisii kalei Krista gamkii jum kabam tei matou aitakle, pum hang ai Krista kangto chiitak doule sateichii mpoumah ashaang shaang ninado abiit-biit hangteipii jum njabamle, sateichii teitei Saraanii mimatu kanyii taiswisii dileile.

PILIPIMEI 4:18

Inii dou lahok takle, sateichii teitei moipou moiju takle, gonyiinii mpot kamagong mah pot hangtei keirum kabi, Saraanii lukasei ninado dzyii karanga kakarat pyiikatoi pot tiisii, Ipaproditas bah lungto dou wosii I-tokryii takle.

IPISAMEI 1:17

Sateichii gonyiigo tiisakai pyii tang karam ninado gonyiinii mpougo tikabui jangpii, gonyii dakii Saraago mati mangoupyii tang karam, rangii tei gonyii dakii pyii matulosii, kangam Pfii, nyii Bangpii Jisu Krista dato Inii khangsii leile.

2 KORENMEI 9:8

Gonyiinii gonyii jangpii kamarei hangtei tinglang kaleita doumatu tang karam jangpii sateichii kabi tha hang jangpii buikatusung kisii dou- matu tang karam jangpii, gonyiinii kamareisung kisii Saraanii pyiiwo buile.

JONNII KARYII KABI RASAM JUKAMATI 17:3

Sateichii hangni- niisang hangninii roinii kalei kasang Saraa Ahgo ninado Ahnii lang kamagong Jisu Kristago nyiinii tikatu ai; kalui kaga karing teile.

2 KORENMEI 4:6

Tii mpat kareiki Saraanii kakhatle, “Kamyii kito kava tei vamatulo.” Aimah njoi Saraa ainii mpoumah kava tei nyii lung kitodo vamatule. Kava ainii Krista ju kito vakalei Saraamah pumtei kava tei nyiigo timatule.

ROMMEI 4:12

Mpounii tiigyii malem kaleimei mah Apfii teile, katunii tiigyii kamalem pyiiryiito kisii, nyii pfii Abrahamnii tiigyii malem kasu douto kamalum tiilung lung kalei takumpii lungkaleimei mahdole.

ROMMEI 1:13

Inii gonyiigo ai timatu nyiile, kangsanamei katunii, Inii gonyiida gongnyiisii leile. (Nlenii aitoi katangpii n-gu dangsii bamle) gonyii kak kito sateichii lui kakimeihang kak kitodo Inii lu rachet tang karam jangpii,

2 KORENMEI 5:9

Teijangpii Bangpii dzyii karanga tei nyiinii kalei bamlyii kito, nyiimah sazyii pouryiimah tiilung kito kado, mak-kii gongtang karam kana tiilung kito kado nyiinii tiinyiile.

3 JON 1:6

ahnyiinii Charsh doito gomah lungkasyiimah sakchyii tei pyiitakle, Saraanii lungmang tang karam mah jairali kito, ahnyiimah mbui tiitat tei tatjou kabui tiisii lungsyiisii ahnyiigo tiihalo.