JUD DATO KAGONG CHITI JUKAMATI 1:8 - KARANU KABI SAMTAM

⁸ Tei takumpiiniido ahnyii roinapii ahnyii pumpotgo tiimahong matu katu mah madhang kapyii hangtei ahnyiinii doule; Saraamah teimaham gotei ahnyiinii lukai makle, sateichii sagoi gamto kalei sating gamlui hangmah pumtei kava gotei ah- nyiinii tam mashyiile.

JUD DATO KAGONG CHITI JUKAMATI 1:8 Referans Kwoze

HEBRUMEI 13:17

Gonyiimah doimajang katatmei sam swilo, sateichii ahnyii kang nkanglo, kadapokii gonyiinii tha tiikabam mah azhii mashak kabam tei ahnyiinii Saraa dakii pyiitang karam taiswisii, ahnyiinii ntasupii gonyiimah rakot hang go jupyiisii leile. Ahnyiinii katam tei gonyiinii swileponii, ahnyiinii ahnyii tha tei nta ntasii tiitangle, teisu dinchii ahnyiinii lung magesii tiitangle, sateichii tei teinii gonyii jangpii kabi tei gatangle.

1 PITAR 2:17

Meihang go sadzyii ngariit tiilo, kangsanameigo lungsyiilo, Saraago hinglo sateichii sagong go sadzyii ngariit tiilo.

1 TIMOTHI 1:10

Kashyii kahong tha katiimei, mei tiikasu kashyii tha katiimei, meipwi mei- nahgo karagamei, chuisii kasang kasu sakchyii kapyiimei mak-kii kasang kabi ralikapyii kito mazhii kasu tha katiimei jangpii ajaiting- shang ai tiibamle, katu ai mangailak tang karamle.

TIILAMLWI KAPYIIMEI THA JUKAMATI 23:5

Teito Polnii tamle, “Kangsanamei, mpou ai kanat kanhii kajum Tingdi- tupii le katu Inii timakle, kadaponii aitiisii ryiibamle, ‘nangnii gomei mah apum katiimei hangniniigo tam mashyiilakle.’ ”

1 KORENMEI 3:17

Mei kata kang- kanii Saraamah Saraa kamaning kitei tiimaga aileponii, ahgotei Saraanii tiimaga tangle. Kadapokii Saraamah Saraa kamaning ki teinii kamateile, sateichii teimah Saraa kamaningki tei gonyiile.

1 THESOLONIKAMEI 4:8

Tei- jangpii aigo mazhii kasumei teinii meigo mazhii kasu tei makle, nlenii gonyii dakii mpoumah rangii kamatei pyiisii kalei Saraago mazhii makle.

TIILAMLWI KAPYIIMEI THA JUKAMATI 7:39

“Nyii Pfii nyiipaomeinii mpou sam swirousii mpougo ahnyii dato twitoi aisii, ahnyii lungswi tei Izip sazyii kikii ngaryii gongsanii Aron dakii tamle,

TIILAMLWI KAPYIIMEI THA JUKAMATI 7:27

Nlenii mei kakipiigo kasang kasu tha katiipii teinii Moses go lutuikii tui mpatsii tamle, ‘N-go tanii nei phyiiryiikii pum katii ninado samtak katiipii tiipyiipo?’

LUKNII KARYII KABI RASAM JUKAMATI 19:14

Nlenii mpou sazyii kito kaleimei teinii mpougo ngou karou jangpii, sampao kapungmei hangniniigo mpou taikii langkai pyiisanii, sapfii mpou aipou ainii, ‘nyii phyiiryiito sagong kapung ai nyiinii marai makle’ sii tam takle.

LUKNII KARYII KABI RASAM JUKAMATI 12:11

“Sateichii ahnyiinii gonyiigo Jehudimei mah Ndwiki, Sateichii sazyii kakoirakmei sateichii teima- ham kajum meihang doi pangkhiisii jai kaju kak, gonyiinii kadapei kada takumpiinii khela tangposii swi kamage sulo.

LUKNII KARYII KABI RASAM JUKAMATI 11:25

Sateichii mpounii nlaigong sek-kii, bek matei sageisii kai kabam tei ngoule.