JUD DATO KAGONG CHITI JUKAMATI 1:3 - KARANU KABI SAMTAM

³ Lungkasyiimei, kamalum mei- hangnii dousii kalei Kristenmei mah kamalum, keikapyii karingmah kaang kito gonyii dakii Inii chiti ryiinesii tiidasii leile. Nlenii Saraanii mpoumah meihang dakii pyii kabam gakalak kamalum jangpii saryii tiimatu tang karam jangpii gonyiigo lung tiimadi tang karam jangpii ryiisu kashyii ai aitoisekkii Inii kadou takle.

JUD DATO KAGONG CHITI JUKAMATI 1:3 Referans Kwoze

1 TIMOTHI 6:12

Kamalum mah kabi saryii katii tei tiilo, sakchyiimei hangkii doito nangnii tam ka-mpat kak, n-go latkalu kalui kaga mah karing tei jumlo.

PILIPIMEI 1:27

Inii gonyiigo gong kadou kado, kadoumak kado, gonyiinii lungswi hangninii tiisii kabi rasam kito kamalum jangteipii kamagasii rangii hangninii kito sangtingsii satle katu gonyiimah kaang kito Inii shiiwo kabui tiisii gonyiinii lungkalei gonyii tiilungmah tingshang rali tei Kristamah kabi rasamgo masam matulo.

JUD DATO KAGONG CHITI JUKAMATI 1:20

Nlenii lungkasyiimei, gonyiinii kamatei kamalum kiteikii gonyii roinapii gonyiigo makot makhiijousii leilo, rangii kamateimah teimaham haisii riitalo.

MATIMANGOU KAPYII 12:11

Sateichii ahnyiinii mpougo Jaonah mah zai teipii sateichii ahnyiimah sakchyii kapyiimah sam- kang teipiinii ngam wotakle, kada- pokii ahnyiinii ahnyiimah tiilung gotei katai katang marai makle.

TAITAS 1:4

Kamalum njoi katu kito kasang gunah sapfii mpou Taitas dakii: Pfii Saraa ninado nyiigo keikapyii Bangpii Krista Jisunii jumage kapyii ninado kamajung tei n-go pyii matulo.

MATIMANGOU KAPYII 2:10

Gonyiinii doutang karam kamage kalak gotei hingsulo. Julo, gonyiigo jai jutang karam jangpii seitannii gonyii kangkagonii kabang kikii toikai tangle, sateichii gonyiinii leimik kearii kamage kalak tei doutangle. Gonyiinii katai katang tei malum kabuimei tiilo, sateichii Inii gonyii dakii karingmah phyiihung tei pyiitangle.

2 TIMOTHI 1:13

Krista Jisu dato kalei kamalum ninado lungka- syii kito, nangnii gudato shiikalu kabi samhang mah tiikamangou nda tei tiilo.

1 TIMOTHI 1:18

Gunah Timothi, gumah kaang kito Saraa sam katam meinii sung kareiki tam kabam samkang hang taiswisii, kakhatsam ai Inii godakii pyii leile. Nangnii bisii saryii tiikabui tiisii kabi kashyii titang karam lung- swi tei (teimah samkang hangtei) beitui tiisii jumlo.

GALATIMEI 2:5

nlenii kabi rasam mah kasang tei tiimashyii katu gasii gonyii jangpii kaibam tang karam jangpii, ahnyii dakii minit hangninii jangpii katangdo akang-nkang tang karam tei nyiinii pyiimakle.

HEBRUMEI 13:22

Kangsanamei, Inii gonyiigo khang leile, lung tiikamadimah sam tei leh pyiilo, kadapokii Inii gonyii dakii dwisii ryiipyii bamle.

TIILAMLWI KAPYIIMEI THA JUKAMATI 9:22

Nlenii Solnii tam rali kapyii tei kisii kisii teisii, Jisu ai Kristale katu maning kariirhii tei gasii tam rali kapyii kito, Damaskas kito kalei Jehudimei hang go sung tiimaga aitakle.

1 THESOLONIKAMEI 2:2

Nyiinii Thesolonika ki gong kasunii Philipi kito kada takumpii nyiigo tiikamage pyiipo ninado tii-nrou pyiipo katu gonyiinii tile. Nlenii teikito nyiigo mazhii kasu kadaziikii leikado, mpou dato kagong kabi rasam tei gonyii dakii tam mpat matu tang karam jangpii, nyii Saraa teinii lungkadi tei nyiigo pyii takle.

1 KORENMEI 15:3

Kadapokii Iniido doukalu, hang doito rou katii tei gonyii dakii pyii leile, katunii kabi rasam taiswisii Kristanii nyii kem jangpii taipyii takle.

TIILAMLWI KAPYIIMEI THA JUKAMATI 4:12

Sa- teichii mei kaki hangninii dakado keikapyii karing tei gale, kadapokii nyiigo keipyii tang karam, meihang dakii pyiikabam sating kang aito zei kaki hangninii kado gale.”

TIILAMLWI KAPYIIMEI THA JUKAMATI 18:28

Kadapokii Jisu ai Krista teilesii mpounii kabi rasam paikito mangou pyiisanii meihang doito Jehudimei hangmah samtei tiigatpii tambang toi aitakle.

TIILAMLWI KAPYIIMEI THA JUKAMATI 17:3

Teitei tam mpatpyii sii Kristanii kamage kalak lehsii kataimei kak kito ringkhii tang karamle sateichii “Inii gonyii dakii tam ralipyiisii kalei Jisu ai Kristale” sii tiigatpii tam ralipyiile.

JUD DATO KAGONG CHITI JUKAMATI 1:17

Nlenii lungkasyiimei, nyii Bangpii Jisu Kristamah tiilamlwi kapyiimeinii ndou karei kito tam kabam sam hang tei gonyiinii ma- ninglo;

2 PITAR 1:1

Jisu Krista kikalei ninado tiilamlwi kapyiimei tha tiisii kalei Saimon Pitar Inii nyii Saraa, nyii Bangpii Jisu Kristamah kasang kamajyii kito nyiigo kaswisii maikateeng njoi katu kamalum dou njoi kalumei hang dakii:

1 PITAR 5:12

Malum kabuimei hangninii tiisii Inii poikalei nyii sanapii Sailas mah tiikaha kito gonyii dakii Inii dwisii ryiileile, katunii, Inii tam katwisii, ai ai Saraamah kasang jumage kapyii teilesii sakchyii pyii leile, gonyiinii jumage kapyii ailung aito sangtingsii satlo.

KOLOSIMEI 1:2

Kolosi kito kalei Krista zeikito kamalum meihang ninado malum kabui kangsanamei dakii: Nyii pfii, Saraanii kamajung ninado jumage kapyii tei gonyiigo pyii matulo.

PILIPIMEI 1:1

Krista Jisumah kikaleimei tiisii kalei Pol ninado Timothi dato, Charsh kito doimajang kapyiimei ninado tiikahamei hang go njasii Philipiya kito kalei Krista Jisu zei kito kamateimei hang dakii:

IPISAMEI 1:1

Saraamah kamaning kito Jisu kristamah tiilamlwi kapyiimei I-Pol dato– Iphisas kito kalei kamateimei ninado Krista Jisugo njasii ahnyiimah tiilung kito lungsii kalei malum kabuimei dakii:

GALATIMEI 6:11

Julo, gubah sekpiinii kadazii- kapii gek kadipii gonyii dakii Inii ryii leipo!

TIILAMLWI KAPYIIMEI THA JUKAMATI 28:28

“Teijang teipiinii Saraa mah kaleikapyii kasaga karing ai lui kakimei dakii lang m-mangpyiile katu gonyiinii timatulo; ahnyiinii shiitangle.”

TIILAMLWI KAPYIIMEI THA JUKAMATI 20:27

Kadaponii Saraa mah kamaning hang kito gonyii dakii tam ka-mpat kito Inii nkhiimakle.

GALATIMEI 3:28

Jehudimeido, Jehudimei kasu luikakimeido thamki makle, apum meido, kikaleimei do taamki makle, sapfiimeido, sapwi- meido tam kimakle, kadaponii gonyiinii Krista Jisugo kaswisii hangninii tiikalu kito gonyii hang ai hangniniile.

TIILAMLWI KAPYIIMEI THA JUKAMATI 6:7

Sateichii Saraa mah sam tei dipat tutakle ninado Jerosalemto boumei tei hangkapii moibuibuitu takle sateichii kanat kanhii kajum Atingmei hangteinii kamalum kito sam swile.

TIILAMLWI KAPYIIMEI THA JUKAMATI 9:13

Nlenii Ananiyasnii khekalatle, “Bangpii, sapfii mpou aipou mah kaang kito, mpounii Jerosalem kito gomah kamalum mei dakii kadaziika kashyii tiikalei tei Inii meihang dato shiitakle;

HEBRUMEI 6:9

Nlenii nyiinii teitiisii tam kado, lungkasyiimei, gonyii jangpiinanii gonyiimah keikapyii karing go reng karhiisii kalei kisii kabi satoi tei gonyiinii bamle katu nyiinii tiigatpii tile.

2 PITAR 2:21

Kadaponii kasang kama- jyiimah pwidi tei ahnyiinii tiwo taklepokii, ahnyii dakii pyii kalei kamatei kakhatsam kiteito tat nrek katu sungnii, teitei ahnyiinii tikasu teiniipou ahnyii jangpii kisii bibwi tangle.

JUD DATO KAGONG CHITI JUKAMATI 1:1

Jisu Krista kikalei ninado Jems sanapii Judnii, Pfii Saraamah lungkasyii ninado Jisu Kristamah koikapyii jukapyii kito lungsii kalei, Saraanii lat kalumei dakii: