JONNII KARYII KABI RASAM JUKAMATI 9:35 - KARANU KABI SAMTAM

³⁵ Ahnyiinii mpougo paktoi aitakle katu Jisunii shiitakle ninado mpougo dou wosii mpounii tamle, “Nangnii meinah sapfii mpou gotei malum makpo?”

JONNII KARYII KABI RASAM JUKAMATI 9:35 Referans Kwoze

JONNII KARYII KABI RASAM JUKAMATI 20:31

nlenii Jisu ai Saraa nah sapfii mpou Kristale katu tei gonyiinii malum matutang karam jangpii sateichii malum wosii gonyiinii mpou zei kito karing tei doumatutang karam jangpii aihang ai ryiikai bamle.

1 JON 5:13

Saraa nah sapfii mpou zei kito kamalum gonyii dato kalui kaga karing leile katu gonyiinii titang karam jangpii, Inii ai ai ryii leile.

JONNII KARYII KABI RASAM JUKAMATI 10:36

Inii Saraa nah sapfii mpoulesii Inii tam katu jangpii, Pfiinii kalai wosii sazyii pouryiikii lang m-mang kapyii ah gotei, nang Saraago tam mashyiilesii mpoumah kaang kito gonyiinii tam leipo?

1 JON 5:20

Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.

1 JON 5:10

Saraa nah sapfii mpougo kamalum ah teinii ah roinapii sakchyii tei leile, Saraago malum kasu ahteinii mpougo chuimatu aitakle, kadapokii Saraanii mpounah sapfii mpou mah kaang kito pyii kabam sakchyii tei ahnii malum sutakle.

1 JON 5:5

Sateichii Jisugo Saraa nahlesii kamalum ah tei supiinii, sazyii pouryiigo kangam ah tei tapo?

1 JON 4:15

Jisu Kristago Saraa nah sapfii mpoulesii kata kangkanii tam mpat leponii, Sa- raanii mpou dato sateichii mpounii Saraa dato taksupii leile.

ROMMEI 10:20

Sateichii Isaiyanii hangkapii lungdisii tamle, “N-gu fiikasumei teinii n-gu doutakle, n-gu khang kasumei dakii Inii mangoupyii takle.”

ROMMEI 1:4

sateichii kamateimah rangii reng lamgpangto mpounii katai kito ringkhii kalu kito teimaham go kaswisii Saraa nahle katu tei mangoupyii takle, teitei nyii Bangpii Jisu Kristale;

TIILAMLWI KAPYIIMEI THA JUKAMATI 9:20

Sateichii mpounii Jehudimei mah ndwini hangki tei liitsii, “Jisu ai Saraanah sapfii mpoule” sii tam ralipyiitu takle.

TIILAMLWI KAPYIIMEI THA JUKAMATI 8:36

Sateichii ahnyiinii aitiisii pwidi lamto tatleibangpii dwi kalei nitei gong wotakle; teito Ithopiyamei mi katupii teinii tamle, “Julo, aiki dwi lei takle, n-gu dwi mpumpyii tang karam kito kadapei kadang leipo?”

JONNII KARYII KABI RASAM JUKAMATI 20:28

Thomasnii mpougo khekalatle, “Gu Bangpii ninado gu Saraa!”

JONNII KARYII KABI RASAM JUKAMATI 11:27

Mpoupeinii mpou dakii tamle, “Nle malumle Bangpii, Nangnii Saraa nah sapfii mpou Krista, sazyii pouryii gongtang karampii teile katu Inii malumle.”

JONNII KARYII KABI RASAM JUKAMATI 6:69

Sa- teichii nangnii Saraa mah kamatei teile katu nyiinii malum wotakle ninado titakle.”

JONNII KARYII KABI RASAM JUKAMATI 5:14

Teitaito Jisunii mpougo Saraa kamaning kilungto dou wosii mpougo tamle, “Julo, Nang gora biwotakle! Kisii kashyii tei go phyiiryii takliit kasu tiisii kem tiiloi sulo.”

JONNII KARYII KABI RASAM JUKAMATI 3:36

Nah sapfii mpou gotei malum kalumei teinii kalui tiikasu karing tei doutakle, nlenii nah sapfii mpou sam swikasumei hangteinii karingtei doulakle, nlenii Saraa mah rakarhii tei mpou gamto leile.

JONNII KARYII KABI RASAM JUKAMATI 1:34

Inii ngoutakle ninado Saraa nah sapfii mpou teilesii Inii sakchyii pyii takle.”

JONNII KARYII KABI RASAM JUKAMATI 1:18

Saraago mei kaniido ngousang ngoumakle, Saraago njoisii kalei, Pfii dato kalei, nah sapfii mpou teinii mpougo mati mangou pyiile.

MARK 1:1

Ai ai Saraa nah sapfii mpou Jisu Krista mah kabi rasam abangle.

METIU 16:16

Simon Pitarnii khekalatle, “Nang karing Saraanah sapfii mpou teile.”

METIU 14:33

Sateichii malyiilungto kaleimei teinii “Kasangpiinii, nang Saraa nah sapfii mpou teile,” sii ahnyiinii mpougo mata takle.

METIU 4:3

Teito Seitan teinii mpouda gongsii “Nang Saraa nah Sapfii mpou lepochiinii, kuitu hang ai tiirok ndat tolosii kakhatlo,” sii tamtakle.

JONNII KARYII KABI RASAM JUKAMATI 9:22

Mpou pwi nei mpou pfiinii Jehudimeigo kahing jangpiinii ai ai tamle, kadapokii mei kata hangninanii mpougo Kristalesii tam mpat leponii, ahgo Jehudimei mah ndwi kiteito paktoi aitanglesii Jehudimei hangnii mazhiisii rashiibam takle.

JONNII KARYII KABI RASAM JUKAMATI 9:34

“Nangnii kem kamapiinii kajyiineisii lungle ninado kem kito makot makhiile, sateichii nangnii nyiigo ralipyii leipo?” Teito ahnyiinii mpougo Jehudimei mah ndwibamni kiteito paktoi aitakle.

3 JON 1:10

Teipiinii Inii gongleponii, Mpounii tiikalei mpou tha tei Inii tam maningloi tangle. Mpounii nyii phyiiryiikii sam kashyii tamchet chetle, sateichii sam airoipiinanii shaat supii, mpounii kangsanameigo lukaipyii makle, lukai kanyiimei hang godo mpounii namle, sateichii ahnyiigo charsh kito baado baatoile.

TIILAMLWI KAPYIIMEI THA JUKAMATI 8:37

(Teito Filipnii tamle, Golung matum madum haisii malum takle leponii mazhiile, teito mpounii khekalatle, Saraa nah sapfii mpou tei Jisu Kristale katu Inii malumle.)