Biblia Todo Logo
Bib sou entènèt

- Piblisite -




JONNII KARYII KABI RASAM JUKAMATI 9:29 - KARANU KABI SAMTAM

29 Saraanii Moses go sam rashii takle katu nyiinii tile, nlenii sapfii mpou ainii kada kitopo nyiinii timakle.”

Gade chapit la Kopi




JONNII KARYII KABI RASAM JUKAMATI 9:29
28 Referans Kwoze  

Jisunii khekalatle, “Inii guroi- napii gumah sakchyii pyii kado, gumah sakchyii teinii kasangle, da- ponii Inii kada kito gongpo sateichii kadaki tatleipo katu Inii tile, Nlenii Inii kada kito gongpo mak-kii kadaki tatleipo katu gonyiinii timakle.


Teijangpiinii Saraa dato tiikaha tei dousii, kacheng kadihang dakiido sakchyii pyiisii tingnei katang Inii sat leile;


Sateichii ahnyiinii mpou sam ai aikatang shiitakle; teito ahnyiinii rok sagoisii tamle, “Ai kakum meigo sazyii pouryiito girang ailo!” kadaponii mpou ring kajyii makle.


“Tanii n-go pum katii ninado samtak katiipii tiimatu pyiipo? sii ahnyiinii mazhii kasu Moses aigo rangum kabi kito mpou dakii mangou kapyii sating gamlui bah teipiinii apum katii ninado pang mpatpyii matutang karam jangpii Saraanii lang mpatpyii takle.


Teijangpii ahnyiinii kareiki mik chetsii kalei sapfii mpou gotei hangna kashang tiisii lat magongsii mpou dakii tamle, “Nang kasang tam tangle katupii Saraa doito riishii tiilo! N-go tii mbikapyii sapfii mpou ai kem katiimei hangniniile katu nyiinii tile.”


Farasismei kangkanii tamle, “Mei aipou ai Saraa dato makle, kadapokii mpou ai bam ntak piinei leimik ryiimakle.” Nlenii kakimei kangkanii tamle, “Kem katiimeinii ai kakum tiikamangou siiti ai kada takumpiinii tiiwo tangpo?” Ahnyii kak kiteito njairiit riit pat takle.


Nlenii mei aipou ai kada kitopo katu nyiinii tile, sateichii Kristanii kagong kak teinii mei kado mpou kada kito gongpo katu tilakle.”


Kadapokii ajaitingshang tei Moses paito pyiitakle; nlenii jumage kapyii ninado kasang tei Jisu Krista paito gongle.


Sateichii ahnyiinii mpougo kama luikaipyii sii tamle, “Ai sapfii mpou ai nyii luigo tiikarampou, Kaisor sagong dakii aha-kapyiigo kanam sateichii mpou roinapiinii Krista sagong lesii katam nyiinii kadoutakle.”


“Inii Saraa kamaningki ai tiimagasii teitei leimik hangtum lung kikii tiimakhii wobuile, sii mei aipounii tamle.”


Nlenii Farasismei teinii ai ai shii wosek-kii, “Sara kashyii hang mah sagong mah Beelzabul mah paikito supiinii, mei aipou ainii sara kashyii hang go baatoi mak lesii tam takle.”


Jisunii Saraa kamaning kilungto tam ralikapyii kak, mpounii rok sagoisii tamle, “Gonyii n-gu ti kasangpo sateichii I kada kito gongpo katu gonyii n-gu ti kasangpo? Nlenii Inii gu maningpii gong makle; n-gu lang kamagong ahteinii kasangle sateichii gonyiinii mpou gotei timakle.


Sapfii mpou teinii khekalatle, “Teinii kadaziikapii madatpo! Mpounii kada kito gongpo katu gonyiinii timakle, nlenii mpounii gu mik kachet kito n-gu tii mbipyii takle!


Ndou kareiki Saraanii lungka- kalingmei paikito nyiipei nyii- paomeigo jairali kataam kataam kito nlai nlailoisii sam rashiile,


nlenii ai kalui tinglang leimik aikito nah sapfii mpou paikito nyii dakii mpounii sam rashiile. Mpougo mahlyii hangmah matou katou tei tiipyii takle, sateichii mpounii mpou paikito sazyii pouryiido tiipyiile;


Swiv nou:

Piblisite


Piblisite