JONNII KARYII KABI RASAM JUKAMATI 8:48 - KARANU KABI SAMTAM

⁴⁸ Jehudimeinii mpougo khekalatle, “Nangnii Samariyameile sateichii sara kashyii kaswi leilesii nyiinii tam kalei ai nyiinii tam ma ai takpo?”

JONNII KARYII KABI RASAM JUKAMATI 8:48 Referans Kwoze

JONNII KARYII KABI RASAM JUKAMATI 7:20

Meimoi teinii khekalatle, “Godato sara kashyii hangninii leile! Tanii n-go gilesii fiileipo?”

JONNII KARYII KABI RASAM JUKAMATI 8:52

Jehudimeinii mpou dakii tamle, “Nang sara kashyii kaswi leile katu aitoinii nyiinii titakle! Abraham taitakle ninado lungkakalingmei hangdo taitakle, nlenii nangnii tamle, mei kata hangninanii gusam swisii leileponii ahnii katai tei ngou- sang ngoulakle.

JONNII KARYII KABI RASAM JUKAMATI 10:20

Ahnyii mei hangkanii tamle, “Mpounii sara kashyii hangninii kaswi leile ninado n-gok leile, gonyiinii dajangpii mpou sam shii leipo?”

JONNII KARYII KABI RASAM JUKAMATI 4:9

Sapwi mpei teinii khekalatle, “Nangnii Jehudimeile ninado Inii Samariyameile–-teipiinii dakumpii nangnii gudato saktang karam dwi khang leipo?” (Kadapokii Samariya meinii jum kalei peek ninado dwikhii hangtei Jehudimeinii jumlei makle.)

METIU 15:7

Gonyii kabijai tiikanyiimei! Isaiyanii gonyiimah kaang kito reipiinii saa ka-mpat tinglang kaktei kadaziikapiinii kasangpo?

METIU 12:24

Nlenii Farasismei teinii ai ai shii wosek-kii, “Sara kashyii hang mah sagong mah Beelzabul mah paikito supiinii, mei aipou ainii sara kashyii hang go baatoi mak lesii tam takle.”

METIU 10:25

Taikaswimei hangninanii mpougo Madhiikapyiipii sateichii ki kaleimei hangninanii mpou mah ki pumpii takum takle leponii lung mangtang karamle. Ki pumgpii gotei Belzabul sii lat takleponii, mpouki kalung teito kaleimei hang goteinii teisung kisii zei kashyii kashyii tei lat tangle!

METIU 10:5

Keariisiinakhii aigo Jisunii aitiisii tam kakhatsii lang mpat takle: “Jehudimei kasu Lui kakimei mah sazyiiki mak-kii, Samariyamei mah namdi kitei liit sulo,

JEMS 2:19

Saraa hangniniile katupii nangnii malumle, nangnii kamalum tei kabile, sara kashyii hang katang piiniido malumle ninado hingsii nchyiile.

ROMMEI 15:3

Kadapochiinii Kristaniido mpounii mpou roinago dzyiibi tiimakle, nlenii ryii kabam aitakumpiinii, “N-go dzyiikanui meimah dzyiikanui hangtei guphyiiryii takliit takle.”

JONNII KARYII KABI RASAM JUKAMATI 13:13

Gonyiinii n-gu madhii- kapyiipii ninado Bangpii latle satei- chii gonyii teitei tiikatu tei kasangle, dapokii teitei I-sekle.

HEBRUMEI 13:13

Teijangpii nyiiniido mpoumah ka-nrou njai tei dou njoitang karam jangpii namki saba mpou datei tat tude.

METIU 12:31

Teijangpii Inii gonyii dakii tam leile, meinah mah kem ninado tam kamashyii hangtei kaleipyii tangle, nlenii rangiigo tam kamashyii teinii kaleipyii lakle.

METIU 11:18

Kadapokii Jon-nii chiisupii sak supii gongle sateichii ahnyiinii mpougo sara kashyii kaswi leilesii tamle.

JONNII KARYII KABI RASAM JUKAMATI 1:19

“Nang tapo?” sii n-nhii matu tang karam jangpii Jehudimeinii Jerosalem kito Atingmei sateichii Lebiameigo lang kamagong kak,

JONNII KARYII KABI RASAM JUKAMATI 8:22

Teito Jehudimei hangnii tamle, “Inii kagong nitp-ei gonyiinii gong- pei wolakle katu ainii mpouroinapii mpougo gitat aileziide?”