JONNII KARYII KABI RASAM JUKAMATI 8:37 - KARANU KABI SAMTAM

³⁷ Gonyii Abraham mah taa nahmeile katu Inii tile, nlenii gonyii n-gu gilesii fiileile, dapochiinii gonyii lung kito gumah samtam teinii bam doumakle.

JONNII KARYII KABI RASAM JUKAMATI 8:37 Referans Kwoze

1 KORENMEI 2:14

Rangii haikasumei teinii Saraa rangiimah luha tei doumakle, kadapokii teitei mpou datonii kapang kamangle, sateichii mpounii teitei tipei wolakle. Kadaponii teiteinii rangiilamto kagongle.

ROMMEI 9:7

Sateichii Abraham dato lung kahum ahnyii hangtei mpou nahmei makle; Saraanii Abra- ham dakii tamle “Inii n-go riishii tiipyii kabam godato lung kahum gotaa gonahmei tei nangnii Isak paito doutangle.”

JONNII KARYII KABI RASAM JUKAMATI 7:1

Aitaito Jisunii Galiliki tatsii leile, mpounii Judiya sazyiiki tatnyii sutakle, dapochiinii Jehudimei hang- nii mpougo gitang karam jangpii fiisii leitakle.

JONNII KARYII KABI RASAM JUKAMATI 8:59

Teipiinii ahnyiinii mpougo rot tang karam jangpii kuitu poimakhii takle, nlenii Jisunii mpouroinapii mbeiwosii, Saraa kamaning kilung teito tatpat totakle.

TIILAMLWI KAPYIIMEI THA JUKAMATI 13:26

“Lungkasyii kangsanamei, Abra- ham ki mpungmah nahmeihang ninado gonyii kak kito Saraago kahingmei, nyii dakii kaleikapyii karing kabi samtei m-mangpyii takle.

JONNII KARYII KABI RASAM JUKAMATI 8:43

Inii katam tei gonyiinii dajangpii timakpo? Gonyiinii gusam ai shiipei kalak jangpiiniile.

JONNII KARYII KABI RASAM JUKAMATI 11:53

Teijangpiinii teipiinei leimik sekpii ahnyiinii mpougo gitang karam jangpii sam rashii wotakle.

JONNII KARYII KABI RASAM JUKAMATI 7:19

Mosesnii gonyiigo ajaitingshang pyiitak makpo? Nlenii gonyii mei kaniido ajaitingshang gotei swi womakle. Gonyiinii n-gu dajangpii gilesii fiileipo?”

JONNII KARYII KABI RASAM JUKAMATI 10:31

Jehudimei hangteinii mpougo kuitupii rot tang karam jangpii kuitu nlailoisii poi wotakle.

JONNII KARYII KABI RASAM JUKAMATI 8:6

Ahnyiinii mpou gamkii tam kamashyiini dou wokabui jangpii, mpougo jaijusii sam ai ahnyiinii tam takle. Nlenii Jisunii nkwimang- sanii, bah jungnapii sazyiikii ryiitu takle.

JONNII KARYII KABI RASAM JUKAMATI 7:25

Teijangpii Jerosalem mei kangkanii tamle, “Ahnyiinii gilesii fiikalei tei aimakde?

JONNII KARYII KABI RASAM JUKAMATI 5:44

Saraa dato kagong tam kamatoi gotei gonyiinii fiisupii hangninanii hangninii dato tam kamatoi tei poisii, gonyiinii kada takumpii n-gu malum wotangpo?

METIU 13:15

Kadapokii ahnyiinii mikpii kangou, khoipii kashii, ahnyii lungpii kati, nrek nlai kagong, sateichii Inii ahnyiigo tii-mbi katu tei mazhiilak tang karam jangpii mei aimei mah lung tei tiimahat aitakle; ahnyii khoi makat wotakle sateichii ahnyii mik tei mikchyii wotakle.’

JONNII KARYII KABI RASAM JUKAMATI 8:33

Ahnyiinii mpougo khekalatle, “Nyiinii Abraham mah taa nahmeile sateichii mei kaniido kikaleimei tiisang tiiju makle, ‘gonyiigo laat mpatpyii tangle’ sii nangnii kada takumpii tam leipo?”

METIU 3:9

sateichii ‘nyii pfii Abraham leilesii tamlesii gonyii lung kito maning sulo;’ kadapokii Inii gonyiigo tam leile, Saraanii Kuitu hang kito Abraham dakii mpou nahmei tii mpat-to buile.

JONNII KARYII KABI RASAM JUKAMATI 8:56

Gonyii pfii Abrahamnii gumah leimik tei ngou tanglesii ntasii leile, mpounii tei tei ngou wosii ntale.”

1 JON 2:14

Apfiimei, Inii gonyii dakii ryiile, dapodinchii saroisekto kalei mpougo gonyiinii tile. Karanumei, Inii gonyii dakii ryiile, dapodinchii gonyiinii tei mahamle, sateichii Saraamah samtam tei gonyii dato taksupii leile, sateichii kashyii gotei gonyiinii ngam wotakle.