JONNII KARYII KABI RASAM JUKAMATI 8:34 - KARANU KABI SAMTAM

³⁴ Jisunii ahnyiigo khekalatle, “Kasang kasangpii Inii gonyii dakii tam leile, Kem tiikaleimei hangtei kem mah kikaleimeile.

JONNII KARYII KABI RASAM JUKAMATI 8:34 Referans Kwoze

ROMMEI 6:16

Kataini majang- tatsii kalei kem mah kado, mak-kii kasang kamajyiini majangtatsii kalei, katam kaswimah kado, katam switang karam jangpii gonyii pumsekpiinii, kabangnah takumpii pyii ai kalei kak, gonyii ai gonyiinii katam swi kalei hangninii mah kabangnah kasang takle katu tei gonyiinii timakde?

2 PITAR 2:19

Kasang kasu ralikapyiimei teinii ahnyiigo arangra katii pyii tanglesii riishii tiipyiile, nlenii ahnyii sekpiinii kashyii ka- hongmah kikaleimei tiisii leile; kadaponii mei katago apum tiikalu mah kata hangninii teinii ahgo kikaleimei tiimatule.

ROMMEI 6:12

Teijangpiinii gonyiinii kem mah kamarei tei swilak tang karam jangpii, gakabui gonyii pumgo kem teinii sagong takumpii magong matu sulo;

ROMMEI 6:6

Kem katiipum tei tiimaga tang karam jangpii, sateichii kem kito kabangnah tiisii mbamlak tang karam jangpii nyii mah kaham mei tei mpougo kaswisii Krosh gamkii gi aitakle katu tei nyiinii tile.

TAITAS 3:3

Dapokii ndounii nyiido kapang kamang, katam swikasu, dhiisii tat katu, kathaam kathaam pumzai mah kamarei ka-ntha ninado kasamou hang mah kikaleimei tiisii kem ninado kamaimhii kito nyii tiilung lungsii meihangpii nyiigo ngourousii ninado nyiinii ahnyiigo ngourousii leile.

IPISAMEI 2:2

Tei tinglangki gonyiinii sazyii pouryiimah kashyii tai tei swisii, aitoi tinglang ki Saraanii katam swikasu sating nei sazyii kak kamarong kito apum tiisii kalei rangiimah teimaham hang gotei gonyiinii kaswisii leile.

ROMMEI 7:25

Teitiileponii, I ai guroi- piinanii Saraa mah ajaitingshang gotei gulung swi kamaning piinii anga ngale, nlenii kem mah ajaitingshang gotei gupum teipiinii nga ngale, ai tiikapyii Saraago, nyii Bangpii Jisu Krista paito halangle.

ROMMEI 8:21

Kadapokii baichem hang teinado thamsii ramtang karam kito laat mpatpyii tangle, sateichii Saraa nahmeinii araangra katii pumtei kava tei doutangle.

ROMMEI 7:14

Kadapochiinii ajaitingshang teinii rangii mahle katu tei nyiinii tile, nlenii Inii kem dakii joitoi kalei taiga kabui meinahle.

TIILAMLWI KAPYIIMEI THA JUKAMATI 8:23

Kadapokii nangnii kashyii lungswi kito sateichii kanat mah ajai kasu kataam karaam kito leile katu tei Inii ngoule.”

JONNII KARYII KABI RASAM JUKAMATI 3:3

Jisunii mpougo Khekalatle, “Inii n-go kasangpii tam leile, mei kata hangninanii manaaloi suleponii, mpounii Saraa mah sating sazyii tei ngoupei wolakle.”

METIU 5:18

Kadapokii Inii gonyii dakii kasangpii tam leile, sating ninado sazyii gatu kasuta, ajaitingshang ki- teito samah kado, mak-kii tow kabam geksa kacheng hangniniido, mahlyii- hang gong matwi kasuta, galakle.