JONNII KARYII KABI RASAM JUKAMATI 8:32 - KARANU KABI SAMTAM

³² Sateichii gonyiinii kasang tei ti- tangle ninado kasang teinii gonyiigo laat mpatpyii tangle.”

JONNII KARYII KABI RASAM JUKAMATI 8:32 Referans Kwoze

ROMMEI 8:2

Kadaponii Krista Jisu dato kalei karing mah rangii mah ajaitingshang teipiinii n-gu kem sateichii katai mah ajaitingshang kiteito laat mpatpyii takle.

JONNII KARYII KABI RASAM JUKAMATI 8:36

Teipiinii nah sapfii mpou teinii gonyiigo laat mpatpyii leponii, gonyiinii kasangpii laatbam takle.

JONNII KARYII KABI RASAM JUKAMATI 17:17

Kasang teipii ahnyiigo tiimatei pyiilo, go samnii kasangle.

1 PITAR 2:16

Laat kabam arangra katiimei takumlo, teitii kado gonyiimah laat kabam arangra katii kashyii kahong go gomtwum tang karam jangpiinii jum sulo, nlenii Saraamah kikaleimei takumpiinii lunglo.

JONNII KARYII KABI RASAM JUKAMATI 14:6

Jisunii mpougo khekalatle, “Pwi- dido, kasangdo sateichii karingdo I-le, gu paikito supii meikaniido Pfii datei gong womakle.

ROMMEI 6:22

Nlenii aitoinii gonyiigo kem kito laat mpatpyiisii Saraa mah kabang- nah tiikalu kito, gonyiinii doukalat kalu teinii tiimatei kapyii teile. Sateichii teikito dou kalu teinii, kalui kaga karing tiilung teile.

JEMS 1:25

Nlenii meinahgo laat mpat kapyii, sajek kaga ajaiting- shang kiteikii jusii kalei, teikikii lung pyiisii kalei sateichii mahkupii shiikasu ninado teigo tei mangai kasu, nlenii poisii tha katii, teimei gotei mpounii tha katii hang kito satoi pyii tangle.

GALATIMEI 5:1

Mpou rangra tiimatu tang karam jangpii Kristanii nyiigo laat mpatpyii takle, tei jangpiinii tiigat- piinii satlo, sateichii kikalei mah kamaswi pot tei pungloi sulo.

JEMS 2:12

Arangra tiimatu tang karam mah ajaitingshang teipii samtak tiitang karam mei takumpii, gonyiinii tamdo tamlo, tiido tiilo,

GALATIMEI 5:13

Kadaponii kangsanamei, Go- nyiigo rangra tiimatu tang karam jangpii Saraanii lat totakle; pum- zainii kamarei ka-ntha tiitang karam jangpii gonyiimah rangra katii tei jum sulo, nlenii lungkasyii kito hang- ninanii hangninii mah anga ngalo.

JONNII KARYII KABI RASAM JUKAMATI 7:17

Mei kata hangni- nanii mpoumah kamaning kamazhii tei tiinyii leponii, ralikapyii ai Saraa dato manii, mak-kii gumah teima- ham kito tam leipo katu aimah kaang kito ahnii titangle.

ROMMEI 8:15

Kadaponii gonyii dakii Saraanii pyii kabam rangii teinii gonyiigo kabangnah tiimatu makle sateichii hingmatu makle, nlenii rangii teinii gonyiigo Saraa mah nahmei tiimatupyii takle, sateichii rangii mah teimaham teipii nyiinii Saraa dakii saa mpatle “Abba, Katunii Pfii-o.”

JONNII KARYII KABI RASAM JUKAMATI 16:13

Nlenii kasang mah rangii teinii gongsekchii, ahnyiinii gonyiigo kasang hang kiteikii chyiitatpyii tangle; kadapokii ahnii mpou teimaham kito roinii kito tam lakle, nlenii ahnii shiikalu hangtei ahnii tam tangle sateichii gongtang karam hangtei ahnii gonyii dakii tam matipyii tangle.

2 TIMOTHI 3:7

ralipyii kado kasang tei madou kado tigong- pei kalak, kasui sapwimei hang go kajum mei leile.

JONNII KARYII KABI RASAM JUKAMATI 6:45

Aitiisii lungkakalingmei mah larek kikii ryiibamle, ‘Sateichii ahnyii hang go Saraanii ralipyii tangle.’ Pfii dato shiikalu ninado rali kalumei hang- teinii guda gongle.

METIU 11:29

Gonyii gamkii gumah twom-pot tei kai wolo, sateichii gudato rali wolo; kadapokii Inii lung manoile ninado lung sanale; sateichii gonyiinii gonyii mah rakot jangpii ka-ntak tei doutangle.

JONNII KARYII KABI RASAM JUKAMATI 1:14

Samtam teinii pumzai ndat totakle, sateichii jumage kapyii ninado kasang teipii tokryiisii nyiikak kito lungle, Pfii mah nah sapfiimei hangniniisang hangninii roinii tiisii kalei pumtei kava takumpii nyiinii mpoumah pumtei kava tei ngoutakle.

JONNII KARYII KABI RASAM JUKAMATI 1:17

Kadapokii ajaitingshang tei Moses paito pyiitakle; nlenii jumage kapyii ninado kasang tei Jisu Krista paito gongle.

1 KORENMEI 7:22

Kadapokii ki kabang nah tiilei- bangpii Bangpiinii lat kalu ahteinii Bangpii mah arangra katiimeile, tei takumpii arangra katiimei hangninii tiisii lat kalumei teinii Krista mah ki kabangnahle.

2 JON 1:1

Kalai kalu sapwi mpei ninado mpoupei nahmei dakii kating tiisii kalei Inii ryii leile. Inii gonyiigo kasang kito lungsyiile, sateichii I-roinii makle, nlenii kasang tikalu meihangnii dole.