JONNII KARYII KABI RASAM JUKAMATI 8:31 - KARANU KABI SAMTAM

³¹ Teijangpii mpougo malum kalu Jehudimei hang dateikii Jisunii tamle, “Gonyiinii gumah samkang kiteito taksupii leijou leponii, kasangpii gonyii ai gumah boumeile.

JONNII KARYII KABI RASAM JUKAMATI 8:31 Referans Kwoze

2 JON 1:9

Mei kata hangninanii Kristamah karali gotei kaswisii leikasu, nlenii teigo majusii tat kalei teinii Saraago doumakle. Kristamah karali kito kaleimei hang teinii Pfii godo, nah sapfii mpou godo doule.

2 TIMOTHI 3:14

Nlenii gojangpiinii nangnii ralikalu sateichii sangtingsii malum kalu kasang hang kiteito tatsii leijoulo. gomah madhiikapyii mei tei tatapo katu nangnii tile.

JEMS 1:25

Nlenii meinahgo laat mpat kapyii, sajek kaga ajaiting- shang kiteikii jusii kalei, teikikii lung pyiisii kalei sateichii mahkupii shiikasu ninado teigo tei mangai kasu, nlenii poisii tha katii, teimei gotei mpounii tha katii hang kito satoi pyii tangle.

1 TIMOTHI 4:16

Goroinapii n-go julo sateichii gomah karali gotei julo. Aihang ai taksupii tiisii leilo, dapokii nangnii tiisii leileponii, nangnii goroinapii n-godo sateichii gosam shii kalumei godo keipyii tangle.

KOLOSIMEI 1:23

Nlenii gonyiinii kabi rasam shiikalu ting- lang kak doukalu gonyiimah maning kamalum kiteito nlai matusupii kasangting soikalak bangmaa kiteito malum kabui tei tiijousii leitang karamle. Pol, Inii nga ngakalei ai aimah kabi rasam katunii, sazyii pouryiito kaleihang go tam ralipyii kabam kitole.

HEBRUMEI 3:14

Kadapokii nyiinii nyiimah lung kalum tei karei sekto kalui katang tei sangtingsii jum woleponii, nyii hang ai Kristago kaswisii njai dou njoi katumei takle:

TIILAMLWI KAPYIIMEI THA JUKAMATI 14:22

Bamlyii hang ki teito boumei lung tiisangting pyiisii kamalum kiteito taksupiinii bam matutang karam jangpii katwisii kamage kalak hangkago kaswisii nyiinii Saraa mah sating sazyiiki liit tang karamlesii tam ralipyiile.

1 JON 2:24

Gonyiinii saroisekto shiikalu tei gonyii dato taksupiinii leimatulo. Gonyiinii saroisekto shiikalu tei gonyii dato taksupii leileponii, gonyiiniido nah sapfii mpou dato sateichii Pfii dato taksupii leitangle.

ROMMEI 11:22

Teijangpiinii Saraa mah lungkasyii ninado mpou sam kahung tei julo kou kalei meilamkii mpou sam kahung tei pyiile, nlenii nangnii Saraamah lungkasyii kiteito taksupii leileponii, golamkii mpou- mah lungkasyii teitangle; suleponii n-godo that ndangtoi tangle.

ROMMEI 2:7

Mei kangkanii tha kabi tei tiisii tiisii pumtei kava go sadzyii ngariit katiigo, sateichii gakalak karing go fiisii bamle. Ahnyii dateikii Saraanii kalui kaga karing tei pyii tangle.

METIU 24:13

Nlenii kalui katang leh kalu meigotei keipyii tangle.

JONNII KARYII KABI RASAM JUKAMATI 8:36

Teipiinii nah sapfii mpou teinii gonyiigo laat mpatpyii leponii, gonyiinii kasangpii laatbam takle.

JONNII KARYII KABI RASAM JUKAMATI 6:55

Kadapokii gumah kamyii ainii chiitak kasangle satei- chii gumah zai ainii kasak kasangle.

TIILAMLWI KAPYIIMEI THA JUKAMATI 13:43

Sateichii Jehudimei mah ndwibam kito ndwi kalei mei tei tat n-noupat sek-kii, Jehudimeido, Jehudimei kanat kajum Saraago kamaningmeido meihang kanii Pol ninado Barnabas tai swiwo takle; ahnyiinii ahnyiigo karashii sii Saraa mah kalungset kito tiigatpii bamtang karam jangpii ahnyiigo tam katwipyii takle.

1 JON 2:19

Ahnyiinii nyii dato tatpat takle, nlenii ahnyiinii nyiimah makle, dapokii ahnyii ai nyiimah leponii, ahnyiinii nyiigo kaswisii lungjousii leitangle, nlenii ahnyii hang ai nyiimah makle katu mangou tang karam jangpii tatpat takle.

HEBRUMEI 8:9

ai ainii Inii ahnyiigo bahto jumsii Izip sazyii kito pangpat kapyii piinei leimik ahnyii peipaomei hangdakii Inii tiikapyii sat tang karam samtam takum lakle. Inii ahnyiigo kaswisii tiikabam sat tang karam samtam tei ahnyiinii majai makle, teipiinii Inii ahnyiigo shiipyii makle.

1 TIMOTHI 2:15

Nlenii sapwimeinii lung kasana tei njasii, kamalum kito, lungkasyii kito, sateichii kamatei kito taksupiinii leileponii mpoupei nah ka-mpung kito keipyii tangle.

JONNII KARYII KABI RASAM JUKAMATI 1:47

Nathanelnii mpouda gong kalei tei Jisunii ngou wosii mpoumah kaang kito tamle, “Julo, kasang Isrelmeinah tei aiki leitakle, mpou dato samah kado tiikama gale!”

TIILAMLWI KAPYIIMEI THA JUKAMATI 26:22

Teijangpiinii Saraa dato tiikaha tei dousii, kacheng kadihang dakiido sakchyii pyiisii tingnei katang Inii sat leile;

JONNII KARYII KABI RASAM JUKAMATI 2:2

Sateichii myii- kapang kiteikii Jisu godo mpoumah boumei hang godo gonghailosii lat takle.