JONNII KARYII KABI RASAM JUKAMATI 8:19 - KARANU KABI SAMTAM

¹⁹ Teijangpiinii ahnyiinii mpougo tamle, “Go Pfii kadaki leipo?” Jisunii khekalatle, “Gonyiinii n-gudo gu Pfii godo timakle; gonyiinii n-gu tileponii, gonyiinii gu pfii godo titangle.”

JONNII KARYII KABI RASAM JUKAMATI 8:19 Referans Kwoze

JONNII KARYII KABI RASAM JUKAMATI 16:3

Sateichii ahnyiinii aihang ai tiitangle, dapodinchii ahnyiinii Pfii godo n-gudo timakle.

1 KORENMEI 15:34

Gonyiimah swi kitei swiling gong wolo, sateichii gonyii mah kakui kama pwidi hangtei rat toi ailo. Kadapokii mei kangkanii Saraamah swirek kati tei gale. Ai ai Inii gonyiigo tii nroutang karam jangpii tam leile.

JONNII KARYII KABI RASAM JUKAMATI 7:28

Jisunii Saraa kamaning kilungto tam ralikapyii kak, mpounii rok sagoisii tamle, “Gonyii n-gu ti kasangpo sateichii I kada kito gongpo katu gonyii n-gu ti kasangpo? Nlenii Inii gu maningpii gong makle; n-gu lang kamagong ahteinii kasangle sateichii gonyiinii mpou gotei timakle.

JONNII KARYII KABI RASAM JUKAMATI 1:10

Mpounii sazyii pouryiito leile sateichii sazyii pouryii tei mpou paikito tii-mpat takle, nlenii sazyii pouryii meinii mpougo timakle.

METIU 11:25

Teitinglangki Jisunii saa mpatle, “Sating ninado Sazyii mah Bangpii, gu pfii, Inii n-go halangle; dapochiinii nangnii aihang aigo kasakai ninado katimei dato poikabei bamsanii nahmei kachengmei hang dakii mangoupyii takle.

2 JON 1:9

Mei kata hangninanii Kristamah karali gotei kaswisii leikasu, nlenii teigo majusii tat kalei teinii Saraago doumakle. Kristamah karali kito kaleimei hang teinii Pfii godo, nah sapfii mpou godo doule.

1 JON 5:20

Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.

GALATIMEI 4:9

Nlenii aitoinii gonyiinii Sa- raago tigong takle, nle, teidoito kisii Saraanii gonyiigo tigong taklepokii, kasui ninado ka-nkhii rangii hang datei kada takumpii gonyiinii nryiigong loitupo? Teikito nlailoisii gonyiinii kikaleimei katii tei mareipo?

JONNII KARYII KABI RASAM JUKAMATI 17:3

Sateichii hangni- niisang hangninii roinii kalei kasang Saraa Ahgo ninado Ahnii lang kamagong Jisu Kristago nyiinii tikatu ai; kalui kaga karing teile.

KOLOSIMEI 1:10

Saraago kati kito kibui buisii sateichii kabi tha katiilyii kito ti matisii mpou doito matwi mashangsii djyii karanga tiisii, Abangpiinii kamarei tiilung tei lung matutang karam jangpii.

JONNII KARYII KABI RASAM JUKAMATI 15:21

Nlenii gu zei jangpii ahnyiinii aihang ai gonyii dakii tiitangle; kadapokii n-gu lang kamagong ah gotei ahnyiinii timakle.

HEBRUMEI 1:3

Mpounii Saraamah pumtei kava tei seikalatsii leile sateichii mpounii nunuto kalei Saraamah jaitalui gotei njoichak thiile; Sazyii pouryiigo mpoumah teimaham kalei samkang teipii panglungsii leile. Sazyii pouryiimei mah kem jangpiinii kaleikapyii doukalu taito, dikaki teimaham, Sating gam Saraamah bah ajiilam teito mpounii bam takle.

KOLOSIMEI 1:15

Krista ainii meinah mikpii ngoukasu Saraa njoi karei mikpii kangou teile. Mpou ainii baichem lyiihang phyiiryii kasat, manaa karei nah sapfii mpou teile.

IPISAMEI 1:17

Sateichii gonyiigo tiisakai pyii tang karam ninado gonyiinii mpougo tikabui jangpii, gonyii dakii Saraago mati mangoupyii tang karam, rangii tei gonyii dakii pyii matulosii, kangam Pfii, nyii Bangpii Jisu Krista dato Inii khangsii leile.

JONNII KARYII KABI RASAM JUKAMATI 1:18

Saraago mei kaniido ngousang ngoumakle, Saraago njoisii kalei, Pfii dato kalei, nah sapfii mpou teinii mpougo mati mangou pyiile.

1 JON 2:23

Nah sapfii mpougo mazhii ka- sumei hangteinii pfiigodo doumakle, nah sapfii mpougo kamazhii ah teinii pfiigodo doule.