JONNII KARYII KABI RASAM JUKAMATI 7:48 - KARANU KABI SAMTAM

⁴⁸ Teimaham kajum mei mak-kii Farasismei hangninii kado mpougo malum womakpo?

JONNII KARYII KABI RASAM JUKAMATI 7:48 Referans Kwoze

JONNII KARYII KABI RASAM JUKAMATI 12:42

Teitiikido Jehudimei ki teima- ham kajum mei hangkanii mpougo malum wotakle, nlenii Jehudimei mah ndwini teito paktoi kasu tiisii, Farasismeigo kahing jangpii ahnyiinii teimah kaang kito madupii rashii makle.

1 KORENMEI 2:8

Swirek kabi ai sazyii pouryiimei mah apum katiimei hangninii kaniido timakle; kadapokii ahnyiinii teitei tileponii ahnyiinii pumtei kavamah Bangpiigo krosh gamkii gilakle.

1 KORENMEI 1:20

Kasakaimei kadaki leipo? Ajai- tingshang kati ojamei kadaki leipo? Aiha kito sam kajyiikati mei kadaki leipo? sazyii pouryii meimah swirek kabi gotei Saraanii tii m-mang aitak makpo?

JONNII KARYII KABI RASAM JUKAMATI 7:26

Julo, mpounii madurahapii sam tam leitakle sateichii ahnyiinii mpougo samah kado tam makle. Ai ai Krista teile katu teimaham kajum mei hangteinii tisang takpo?

TIILAMLWI KAPYIIMEI THA JUKAMATI 6:7

Sateichii Saraa mah sam tei dipat tutakle ninado Jerosalemto boumei tei hangkapii moibuibuitu takle sateichii kanat kanhii kajum Atingmei hangteinii kamalum kito sam swile.

JONNII KARYII KABI RASAM JUKAMATI 7:50

Asung kareiki Jisuda kagongpii Nikodimas do ahnyii kak kitei leile ninado mpounii tamle,

METIU 11:25

Teitinglangki Jisunii saa mpatle, “Sating ninado Sazyii mah Bangpii, gu pfii, Inii n-go halangle; dapochiinii nangnii aihang aigo kasakai ninado katimei dato poikabei bamsanii nahmei kachengmei hang dakii mangoupyii takle.

LUKNII KARYII KABI RASAM JUKAMATI 23:13

Sateichii Pailatnii kanat kajum tingdimei, apum katiimei ninado meihang go lat nduisii,

JONNII KARYII KABI RASAM JUKAMATI 3:1

Aitoinii Farasismei kak kito Nikodimas sii kalat Jehudimei mah doi majang katatmei hangninii leile.

JONNII KARYII KABI RASAM JUKAMATI 7:49

Nlenii ajaitingshang tikasu meimoi ai asheeng doutakle.”