JONNII KARYII KABI RASAM JUKAMATI 7:35 - KARANU KABI SAMTAM

³⁵ Jehudimei hangtei hangninanii hangninii dakii tamle, “Nyiinii mpougo ngou wokalak tiisii mei aipou ainii kadaki tat tuleziipo? Grikmeida marou maruk katu meida mangsii, Grikmeigo tam ralipyiine shiide?

JONNII KARYII KABI RASAM JUKAMATI 7:35 Referans Kwoze

JEMS 1:1

Saraamah ninado Bangpii Jisu Kristamah kikaleimei hangninii tiisii kalei Jemsnii marou maruksii kalei lui keariisiinakhii dakii salam pyii leile.

1 PITAR 1:1

Jisu Kristamah tiilamlwi kapyii- mei hangninii tiisii kalei Pitar dato– Pontas, Galati, Kepadosi, Asia, ninado Betani bamlyii hang kito sapumnah tiisii marou maruksii lungkalei Saraanii kalai kalumei hang dakii:

JONNII KARYII KABI RASAM JUKAMATI 12:20

Takbai tinglang kak mata tang karam jangpii Jerosalemki kagongmei hangkak kitei Grikmei kangkii hai leile.

2 TIMOTHI 1:11

Kabi rasam aijangpii n-gu kabi rasam katam mei, tiilamlwi kapyii- mei ninado madhiikapyii mei tiilosii kalei wotakle.

1 TIMOTHI 2:7

teijangpii lui kakimeimah kabi rasam katam mei ninado tiilamlwi kapyiimei hangninii tiisii kamalum ninado kasangmah sam tam matu tang karam jangpii n-gu kalaiwo takle. I-chuimakle, I-kasang tei tam leile!

KOLOSIMEI 1:27

Saraanii kamaning teinii mpounii meihang jangpii kabam kani kahii ninado pumtei kavamah kamakum tei mpoumah meihang go timatu tang karam jangpiile. Sateichii kamakum teinii gonyii lung kito Krista leile. Katunii, Saraamah pumtei kava tei gonyii njai dou njoi tangle.

IPISAMEI 3:8

Saraago kamalum meihang kak kito ka-nkhii khiisang tei I-le, teitii kido fiipei kalak Kristamah kani kahiimah kaang kito luikakimei dakii kabi rasam ai tam ralipyii matu tang karam tinglang kabi ai Saraanii n-gu pyiile.

TIILAMLWI KAPYIIMEI THA JUKAMATI 22:21

Sateichii mpounii gudakii tamle, ‘tatpat tolo, kadaponii Inii n-go aikito dhiisii lui kakimei hang dakii lang mpat tangle.’ ”

TIILAMLWI KAPYIIMEI THA JUKAMATI 21:21

Teijangpiinii kadapei tiitangpo? Kadapokii nang gongtakle katu ahnyiinii soisupii shiitang takle.

TIILAMLWI KAPYIIMEI THA JUKAMATI 11:18

Teito ahnyiinii sam hang ai shiiwo sek-kii, malhii supiinii Saraa- go tam matoisii tamle, “Teitiileponii lui kakimei dado ringkabui jangpiinii lung kali matu katu Saraanii mazhiipyii takle.”

JONNII KARYII KABI RASAM JUKAMATI 8:22

Teito Jehudimei hangnii tamle, “Inii kagong nitp-ei gonyiinii gong- pei wolakle katu ainii mpouroinapii mpougo gitat aileziide?”

LUKNII KARYII KABI RASAM JUKAMATI 2:32

Nangnii lui kakimei hang dakii gomah kamaning kamarei tei mangoutang karam jangpii, kava hangninii sateichii Gomei Isrelmei lui mah pumtei kava tei tiipyiile.”

METIU 12:21

Sateichii mpou zei kito lui kakimei hangnii maning malum tangle.”

JONNII KARYII KABI RASAM JUKAMATI 7:1

Aitaito Jisunii Galiliki tatsii leile, mpounii Judiya sazyiiki tatnyii sutakle, dapochiinii Jehudimei hang- nii mpougo gitang karam jangpii fiisii leitakle.

TIILAMLWI KAPYIIMEI THA JUKAMATI 11:20

Nlenii Kaipras ninado Sairen kito kalei mei kangkanii Antiyok ki gong wosii Grikmei dakiido Bangpii Jisu mah kabi rasam tei tam ralipyiitu takle.

TIILAMLWI KAPYIIMEI THA JUKAMATI 14:1

Toinii Ikoniam ki teito mpou- piinanii kaswisii Jehudimei mah ndwiki nitei liit takle sateichii samtei tam katu kito Jehudimeido Grikmeido mei hangkii malum wotakle.

TIILAMLWI KAPYIIMEI THA JUKAMATI 17:4

Sateichii ahnyii kak kito mei chengniikii Saraa kamaningmei Grikmei kito mei kamoikii, sateichii sapwimei kak kito aphyii kasatmei hangkanii malum wosii Pol nei Sailas go kaswi wotakle.

TIILAMLWI KAPYIIMEI THA JUKAMATI 18:4

Sateichii mpounii bam ntak piinei leimik mata Jehudimei ndwi nito sam kajyiisii Jehudimei ninado Grikmei hang go malum matu tang karam jangpiinii hemle.

ROMMEI 1:16

Kadaponii Inii kabi rasam jangpii ka-nrou gale; kadapochiinii teitei kamalum mei hangnii keikapyii karing doutang karam Saraa mah teimahamle; karei kito Jehudimei go sateichii Grikmei godole.