JONNII KARYII KABI RASAM JUKAMATI 7:28 - KARANU KABI SAMTAM

²⁸ Jisunii Saraa kamaning kilungto tam ralikapyii kak, mpounii rok sagoisii tamle, “Gonyii n-gu ti kasangpo sateichii I kada kito gongpo katu gonyii n-gu ti kasangpo? Nlenii Inii gu maningpii gong makle; n-gu lang kamagong ahteinii kasangle sateichii gonyiinii mpou gotei timakle.

JONNII KARYII KABI RASAM JUKAMATI 7:28 Referans Kwoze

JONNII KARYII KABI RASAM JUKAMATI 8:42

Jisunii ahnyii dakii tamle, “Saraa ai gonyii Pfii leponii, gonyiinii n-gu lungsyii tangle; dapokii Inii Saraa dato patsii gongtakle, Inii gumah kamaning kamazhiipii gong- makle, nlenii mpounii n-gu lang magongle.

JONNII KARYII KABI RASAM JUKAMATI 8:19

Teijangpiinii ahnyiinii mpougo tamle, “Go Pfii kadaki leipo?” Jisunii khekalatle, “Gonyiinii n-gudo gu Pfii godo timakle; gonyiinii n-gu tileponii, gonyiinii gu pfii godo titangle.”

JONNII KARYII KABI RASAM JUKAMATI 8:26

Gonyii mah kaang kito Inii tam kanyii sateichii samtak tiitang karam hangka leile; nlenii n-gu lang kamagong ahteinii kasangle, sateichii Inii mpou dato shiikalu hangtei roinii sazyii pouryii dakii tam leile.”

JONNII KARYII KABI RASAM JUKAMATI 8:14

Jisunii khekalatle, “Inii guroi- napii gumah sakchyii pyii kado, gumah sakchyii teinii kasangle, da- ponii Inii kada kito gongpo sateichii kadaki tatleipo katu Inii tile, Nlenii Inii kada kito gongpo mak-kii kadaki tatleipo katu gonyiinii timakle.

JONNII KARYII KABI RASAM JUKAMATI 17:3

Sateichii hangni- niisang hangninii roinii kalei kasang Saraa Ahgo ninado Ahnii lang kamagong Jisu Kristago nyiinii tikatu ai; kalui kaga karing teile.

JONNII KARYII KABI RASAM JUKAMATI 12:49

Kadapokii Inii gumah teimaham kito tam makle, nlenii n-gu lang kamagong Pfii teinii, Inii kadapei tam tangpo ninado kadapei malhii tangpo katu mpounii n-gu kakhatpyii takle.

JONNII KARYII KABI RASAM JUKAMATI 5:43

Inii Gu Pfii zei kito gongle sateichii gonyiinii n-gu lukai makle; kaki hangninanii ah zei kito gong- leponii, gonyiinii ahgo lukai tangle.

METIU 11:27

“Mahlyiihang gu pfiinii gudakii pyiibam takle; sateichii pfii tei supiinii Nah sapfii mpou gotei mei kaniido timakle, sateichii nah sapfii mpou tei supiinii Pfii gotei mei kaniido timakle sateichii Nah Sapfii mpou teinii kata hangninii dakii mpougo mati mangou tang karam jangpii kalai wokalu teisupii, mei kaniido Pfiigo timakle.

1 JON 5:10

Saraa nah sapfii mpougo kamalum ah teinii ah roinapii sakchyii tei leile, Saraago malum kasu ahteinii mpougo chuimatu aitakle, kadapokii Saraanii mpounah sapfii mpou mah kaang kito pyii kabam sakchyii tei ahnii malum sutakle.

HEBRUMEI 6:18

Teipiinii ai tha hangna katunii, kalipei wokalak ninado Saraanii chuipeiwo kalak kaang ai leile. Teijangpiinii mpougo kaswisii nsungbam doukalumei nyiihang go nyiidoito kalei maning kamalum kiteito makhiipyii takle.

TAITAS 1:2

chuisang chuilei kasu Saraanii pyiitanglesii ndouto riishii tiikabam kalui kaga karing tei doutanglesii maning kamalum kito,

2 KORENMEI 4:6

Tii mpat kareiki Saraanii kakhatle, “Kamyii kito kava tei vamatulo.” Aimah njoi Saraa ainii mpoumah kava tei nyii lung kitodo vamatule. Kava ainii Krista ju kito vakalei Saraamah pumtei kava tei nyiigo timatule.

2 KORENMEI 1:18

Saraanii madousupii kasang tamsii kalei takumpii, gonyii dakii Inii katam samtam teinii nle, nle sateichii makle, makle katu tei makle.

ROMMEI 3:4

Teisang teimakle, meihangnii kachuitu kado Saraanii kasang tei tangle, ryii kabam aitakumpii: “Gosam tam kito n-go tiimajyiipyii wokabui jangpii, sateichii n-go samtak katii ngam wokabui jangpii.”

ROMMEI 1:28

Kadaponii ahnyiinii Saraa mah kasang swikati tei lung kikii kaibam kasu jangpii Saraanii swilat kashyii kahong kikii sateichii ajai tingshang kashyii kikii kai aitakle.

TIILAMLWI KAPYIIMEI THA JUKAMATI 17:23

Kadapokii Inii aitiisii tatpatsii gonyii mah Saraa kamaningki kitei jukii, ‘juti kasu sara dakii’ sii rakuibam hangninii phyiiryiikii ryii- kabam teido ngoutakle. Teijangpiinii gonyiinii juti kasu sarago mata kajyii ai Inii gonyii dakii tam leile.

JONNII KARYII KABI RASAM JUKAMATI 17:25

Oh kasang kamajyii pfii, sazyii pouryii- nanii n-go timakle, nlenii Inanii n-go titakle; sateichii nangnii n-gu lang magongle katu tei ahnyiinii titakle.

JONNII KARYII KABI RASAM JUKAMATI 16:3

Sateichii ahnyiinii aihang ai tiitangle, dapodinchii ahnyiinii Pfii godo n-gudo timakle.

JONNII KARYII KABI RASAM JUKAMATI 14:31

Nlenii Inii Pfiigo lungsyiile katu ai sazyii pouryiinii titang karamle, teijangpii ahnii n-gu kakhatsii tam kabam takumpii Inii mahlyii hang tiileile. Patlo, nje nyiinii bam aiki aito tat tule.

JONNII KARYII KABI RASAM JUKAMATI 14:10

Inii Pfii dato leile ninado Pfiinii gudato leile katu nang malum makde, Filip? Jisunii mpou boumei dakii tamle, Gonyii dakii Inii tam kabam samkang hang ai gudato gongmakle, nlenii gudato kalei Pfii- nii mpoumah tha tei tiileile.

JONNII KARYII KABI RASAM JUKAMATI 10:36

Inii Saraa nah sapfii mpoulesii Inii tam katu jangpii, Pfiinii kalai wosii sazyii pouryiikii lang m-mang kapyii ah gotei, nang Saraago tam mashyiilesii mpoumah kaang kito gonyiinii tam leipo?

JONNII KARYII KABI RASAM JUKAMATI 8:16

Nlenii Inii samtak tiile- ponii, gumah samtak katii teinii kasangle. Kadapokii Inii I-roinii makle, nlenii I-nei n-gu lang kama- gong ahgo kaswi leile.

JONNII KARYII KABI RASAM JUKAMATI 5:32

Gumah kaang kito sakchyii pyiikalei kaki hangninii leile; sateichii mpounii gumah kaang kito pyiikalei sakchyii tei kasangle katu Inii tile.

JONNII KARYII KABI RASAM JUKAMATI 3:33

Mpoumah sakchyii lukai kalu ah teinii Saraa ai kasangle sii seal namkai aitakle.

JONNII KARYII KABI RASAM JUKAMATI 3:2

Mei aipou ainii tinghum Jisuda gongsii mpou dakii tamle, “Rabbi, (katunii Madhiikapyiipii) nangnii Saraa dato kagong ralika- pyiimei hangniniile katu tei nyiinii tile, kadapokii nangnii tiikalei siitihang ai Saraanii mpougo kaswi suleponii, meikaniido tiiwo lakle.”

JONNII KARYII KABI RASAM JUKAMATI 1:46

Teito Nathanelnii mpou dakii tamle, “Nazaret kito mah kata kabi patto buipo?” Filipnii mpou dakii tamle, “Gongsii julo.”

LUKNII KARYII KABI RASAM JUKAMATI 10:22

“Mahlyiihang gu pfiinii n-gu pyiitakle; sateichii pfii teisupiinii mei kaniido nah gotei tapo katu tei timakle, sateichii nah sapfii mpou teisupiinii sateichii nah sapfii mpou teinii mangoupyii matu kanyiimei tei supiinii mei kaniido Apfii gotei timakle.”

LUKNII KARYII KABI RASAM JUKAMATI 2:51

Sateichii mpounii ahnyiigo kaswisii Nazaret ki gongle, sateichii ahnyiikang nkangsii lungle; sateichii mpou pwinii tam katu matum ma- dum ai mpoupei lung kikii tiigatpii lukai bamle.

LUKNII KARYII KABI RASAM JUKAMATI 2:39

Sateichii Joseph nei Meri teinii Bangpiimah ajaitingshang taiswisii tiitang karam hangtei tiisang sii, Galili kito kalei Nazaret, Mpoupiina mah Namdi kitei nlaitu takle.

LUKNII KARYII KABI RASAM JUKAMATI 2:11

Kadapochiinii tingnei leimik Devit namdi kiteito gonyiigo Keikapyiipii Bangpii Krista tei manaa takle.

LUKNII KARYII KABI RASAM JUKAMATI 2:4

Sateichii Joseph teido Galili kito kalei Nazaret namdi kiteito, Judiya sazyii lungto kalei, Devit nam namdi Bethlehem sii kalat nitei tat pile, kadapochiinii mpou ai Devit mah atat areng sateichii kalungmei patle.

METIU 2:23

Sateichii Lungkakalingmeinii tam kabam: “Mpougo Nazaretmei sii lat tanglesii” katam tei gong matwi matutang karam jangpii Nazaretsii kalat namdi kitei mpounii gong lungtu takle.

JONNII KARYII KABI RASAM JUKAMATI 7:14

Takbai tei aphangkii tatpi sek- kii, Jisunii Saraa kamaning kilungtei liit tosii tam ralipyiitu takle.

METIU 26:55

Teitinglang ki Jisunii meimoi dakii tamle, “Karagamei hangninii go jumtang karam takumpiinii saryiikhang ninado tingrang hangtei kaswisii n-gu jumtang karam jangpii gonyiinii tatpat leitakpo? Sating kata Inii Saraa kamaning kilungto ralipyiisii bamlei kido gonyiinii n-gu jum makle.

JONNII KARYII KABI RASAM JUKAMATI 6:42

Ahnyiinii tamle, “Ai nyiinii mpou pwi mpou pfiigo tisii kalei, Joseph nah sapfii mpou teimakde? Inii sating gamto humlesii aitoi mpounii kada takumpii tamleipo?”

JONNII KARYII KABI RASAM JUKAMATI 9:29

Saraanii Moses go sam rashii takle katu nyiinii tile, nlenii sapfii mpou ainii kada kitopo nyiinii timakle.”