JONNII KARYII KABI RASAM JUKAMATI 6:65 - KARANU KABI SAMTAM

⁶⁵ Sateichii mpounii tamle, “Kaang aijangpii Inii gonyii dakii tamle, katunii pfiinii ahgo pyii kasutanii mei kaniido guda gongpei wolakle.”

JONNII KARYII KABI RASAM JUKAMATI 6:65 Referans Kwoze

JONNII KARYII KABI RASAM JUKAMATI 6:37

Gu pfiinii gudakii kapyii hangtei guda gongtangle, sateichii guda kagongmei hang gotei Inii baasang baatoi lakle.

JONNII KARYII KABI RASAM JUKAMATI 3:27

Jon-nii khekalatle, “Sating gamto mpougo pyiikabam teisupii, mei kata hangninii kaniido samah kado dou- pei wolakle.

2 TIMOTHI 2:25

ngou karoumeigo manoisii tiima- jyiipyii tang karamle; ahnyiinii lung kalisii kasang tigong matu tang karam jangpii. Saraanii ahnyiigo tinglang kabi pyii leido malahle.

1 TIMOTHI 1:14

Sateichii nyii Bangpiinii mpoumah jumage kapyii kamoi tei guphyii- ryiikii ruikaipyiile ninado Krista Jisugo nyiinii njasii hangninii tiikalu kito kamalum sateichii lungkasyii tei n-gu pyiitakle.

PILIPIMEI 1:29

Kadapokii gonyii- nii Krista zei kito kamalum teiroi supiinii, mpou jangpii kamage kalak kapung teipiiniido Krista nga kanga tinglang kabi tei gonyii dakii pyiibam takle.

HEBRUMEI 12:2

Sateichii nyiimah kamalum mah abang ninado tiimatui kapyiipii Jisugo jusii, nyiidoi kalei pak maga tang karam tei lung leh kati tei kaswisii pakde. Ah doito kalei ka-nta jangpii ahnii kasangbam gotei samah kado maning supii Krosh tei leh wosii, Saraamah sagongbam bah ajiilam teito bam wotakle.

JONNII KARYII KABI RASAM JUKAMATI 10:16

Sateichii jaokoi aiki haikasu gumah jao kakido leile; ahnyii goteido Inii pang gong tang karamle, ninado ahnyiinii gumah roktei shii tangle; sateichii ahnyiinii Jaoka- koipii hangniniigo kaswisii jaokoi hangninii tiitangle.

METIU 13:11

Sateichii mpounii ahnyiigo khekalatle, “Sating gam sazyii mah kamakum samtei timatu tang karam jangpii gonyii dakii pyiibam takle, nlenii ahnyii dakiinii pyiimakle.