JONNII KARYII KABI RASAM JUKAMATI 6:40 - KARANU KABI SAMTAM

⁴⁰ Kadapokii gu pfiinii kamaning kamazhii tei aile, meinah sapfii mpou gotei ngouwosii, ahgo malum kalumei hangteinii kalui kaga karing doumatu tang karam teile, Sateichii Inii ahnyiigo kalui piinei leimik tiimaringpyii tangle.”

JONNII KARYII KABI RASAM JUKAMATI 6:40 Referans Kwoze

ROMMEI 6:23

Kada- pokii kem mah katiimai teinii kataile, nlenii nyii Bangpii Krista Jisu zei kito Saraanii matapii kapyii luha teinii kalui kaga karing tiilung teile.

JONNII KARYII KABI RASAM JUKAMATI 6:54

Gumah kamyii kachiimei ninado gumah zai sak kalumei teinii kalui kaga karingtei doutakle, sateichii Inii ahgo kalui piinei leimik tiima- ringpyii tangle.

JONNII KARYII KABI RASAM JUKAMATI 5:24

“Inii gonyii dakii kasangpii tam leile, gusam shiisii ninado n-gu lang kamagong ahgo malumsii kalei ahteinii kalui kaga karing tei doutakle; sateichii samtak katii kitei ahnii hailakle, nlenii ahnii katai kito karingki kaamajupat wotakle.

JONNII KARYII KABI RASAM JUKAMATI 11:25

Jisunii mpoupei dakii tamle, “Ringkakhii ninado karing tei I-le, n-gu kamalum mei hangteinii tai ai kido ringtangle;

JONNII KARYII KABI RASAM JUKAMATI 4:14

Nlenii Inii pyiitang karam dwitei sak kalumei hangteinii saryii- sang saryiiloi lakle; Inii pyiitang karam dwitei mpou lung kito kalui tiisupiinii ringtang karam jangpii pok kapat dwipok hangninii tiitangle.”

JONNII KARYII KABI RASAM JUKAMATI 14:19

Tinglang shang- niikii sousekchii sazyii pouryiinii n-gu ngouloilak takle, nlenii gonyii- nii n-gu ngoutangle, sateichii Inii ringkalei jangpii gonyiido ringtangle.

JONNII KARYII KABI RASAM JUKAMATI 12:45

N-gu kangoumei hangteinii n-gu lang kamagong mpou godo ngou leile.

JONNII KARYII KABI RASAM JUKAMATI 6:27

Ga aitang karam chiitak jangpii tha tiisulo, nlenii meinah sapfii mpou teinii gonyii dakii pyiitang karam kalui kaga karing mah chiitak jangpii ngam tiilo; kadapokii mpou gamkii Pfii Saraanii seal kaibam takle.”

JONNII KARYII KABI RASAM JUKAMATI 3:36

Nah sapfii mpou gotei malum kalumei teinii kalui tiikasu karing tei doutakle, nlenii nah sapfii mpou sam swikasumei hangteinii karingtei doulakle, nlenii Saraa mah rakarhii tei mpou gamto leile.

JONNII KARYII KABI RASAM JUKAMATI 1:14

Samtam teinii pumzai ndat totakle, sateichii jumage kapyii ninado kasang teipii tokryiisii nyiikak kito lungle, Pfii mah nah sapfiimei hangniniisang hangninii roinii tiisii kalei pumtei kava takumpii nyiinii mpoumah pumtei kava tei ngoutakle.

LUKNII KARYII KABI RASAM JUKAMATI 2:30

kadapochiinii luihang doi kikii nangnii tiida kapyii,

1 JON 2:25

Sateichii mpounii nyii dakii pyii tanglesii riishii tiikabam tei aile, katunii, kalui kaga karing teile.

JONNII KARYII KABI RASAM JUKAMATI 17:2

Kadapokii nangnii mpou dakii kapyii hang gotei mpounii kalui kaga karing tiilung pyiimatu tang karam jangpii meilui kalung hang phyii- ryiito nangnii mpougo teimaham tei pyiibam takle.

JONNII KARYII KABI RASAM JUKAMATI 10:28

Inii ahnyii dakii kalui kaga karing tei pyiile, ahnyiinii madou kado gasang gatu- lakle sateichii mei kaniido ahnyiigo gubah kito numpoitu wolakle.

JUD DATO KAGONG CHITI JUKAMATI 1:21

Sateichii Bangpii Jisu Kristanii mpoumah lungset kati kito gonyiigo kalui kaga karing pyiimatu tang karam jangpii gonyiinii koisii koisii, gonyii roinapii gonyiigo Saraamah lungkasyii kito mbamlo.

1 PITAR 1:8

Gonyiinii mpougo ngoumak kado, gonyiinii mpougo lungsyiile sateichii gonyiinii mpougo aitoi ngoumak kido, gonyiinii mpougo malumle sateichii mwipiinii tampei kalak pumtei kava ninado hangkapiinii ka-nta karanga tei kaswisii gonyiinii nta rangale.

2 KORENMEI 4:6

Tii mpat kareiki Saraanii kakhatle, “Kamyii kito kava tei vamatulo.” Aimah njoi Saraa ainii mpoumah kava tei nyii lung kitodo vamatule. Kava ainii Krista ju kito vakalei Saraamah pumtei kava tei nyiigo timatule.

ROMMEI 5:21

Kadaponii kem teinii katai kito magong kalei takumpii, jumage kapyii teido kalui kaga tiilung kito kasang kamajyii jangpii nyii Bangpii Jisu Krista paito magongsii lungtang karam jangpiile.

JONNII KARYII KABI RASAM JUKAMATI 12:50

Mpoumah kakhatsam ainii kalui kaga karingle katu Inii tile; teipiinii Inii tam kalei ai Pfiinii gudakii katam tei Inii tam leile.”

JONNII KARYII KABI RASAM JUKAMATI 8:56

Gonyii pfii Abrahamnii gumah leimik tei ngou tanglesii ntasii leile, mpounii tei tei ngou wosii ntale.”

MARK 16:16

Malum kalumei ninado dwi mpum kalumei hang go tei keipyii tangle; ninado malum kasumei hang gotei tam mashyii tangle.

HEBRUMEI 11:1

Kamalum ai nyiinii maning kamalum mah soisupii dou- leng tang karam, nyiinii mikpii ngou- peiwo kalak mah pot mah timaseng kalu aile.

HEBRUMEI 11:27

Kamalum kito mpounii sa- gongmah rakarhii tei hingsupii Izip tei toi aisii tatpat totakle; kadapokii mikpiinii ngoupei kalak ah gotei ngoukalu takumpii mpounii leh wotakle.

JONNII KARYII KABI RASAM JUKAMATI 14:17

Mpou ainii Saraa mah kaang kito kasang mangou kapyii rangii teile. Sazyii pouryiimeinii ahgo doupei wolakle, dapodinchii sazyii pouryiinii ahgo ngoupei wolakle ninado tipei wolakle. Nlenii gonyiinii ahgo tile, dapodinchii ahnii gonyiigo kaswisii bamle ninado gonyii lung kito leile.

METIU 10:15

Inii gonyii dakii kasangpii tam leile, samtak katii piinei namdi teigo teisungnii Sodom ninado Gomara go Saraanii kisii lungkasyii tei mangou tangle.

METIU 25:46

Sateichii ahnyii hang ainii kalui kaga kamage kalak nitei tat tang takle, nlenii kasang kamajyiimei hang teinii kalui kaga karing nitei tat tang takle.”

JONNII KARYII KABI RASAM JUKAMATI 6:39

Sateichii n-gu lang kamagong ahmah kamaning kamazhii tei aile, ahnii gudakii pyii kabam hang kiteito Inii mah hangninii kado ma- gasupii, kalui piinei leimik ahnyiigo ringkhii matu tang karam teile.

JONNII KARYII KABI RASAM JUKAMATI 6:44

N-gu lang kamagong Pfii teinii ahgo gudakii chyiigong pyii suleponii, mei kaniido guda gongpei wolakle, sateichii Inii mpougo kalui piinei leimik tiimaringpyii tangle.

JONNII KARYII KABI RASAM JUKAMATI 11:24

Marthanii mpou dakii tamle, “Kalui piinei leimik ringkakhii kiteito mpounii ringkhii tangle katu Inii tile.”