JONNII KARYII KABI RASAM JUKAMATI 6:27 - KARANU KABI SAMTAM

²⁷ Ga aitang karam chiitak jangpii tha tiisulo, nlenii meinah sapfii mpou teinii gonyii dakii pyiitang karam kalui kaga karing mah chiitak jangpii ngam tiilo; kadapokii mpou gamkii Pfii Saraanii seal kaibam takle.”

JONNII KARYII KABI RASAM JUKAMATI 6:27 Referans Kwoze

KOLOSIMEI 3:2

Sagoi gamto kalei mah pot hang kiteikii gonyii lungswi tei keilo, sazyii pouryii aikito kalei mah pot hang kiteikii kaisulo.

JONNII KARYII KABI RASAM JUKAMATI 6:54

Gumah kamyii kachiimei ninado gumah zai sak kalumei teinii kalui kaga karingtei doutakle, sateichii Inii ahgo kalui piinei leimik tiima- ringpyii tangle.

2 TIMOTHI 2:19

Teitii kido Saraamah bangmaa kasangting teinii nlaisupii satsii leile, aimah siiti ai pungsii; katunii “Bangpiinii mpoumah katu- mei hang go tile,” sateichii “Bangpii zeigo latsii kaleimei hangteinii kakui kama kiteito mpaa matulo.”

JONNII KARYII KABI RASAM JUKAMATI 6:40

Kadapokii gu pfiinii kamaning kamazhii tei aile, meinah sapfii mpou gotei ngouwosii, ahgo malum kalumei hangteinii kalui kaga karing doumatu tang karam teile, Sateichii Inii ahnyiigo kalui piinei leimik tiimaringpyii tangle.”

ROMMEI 6:23

Kada- pokii kem mah katiimai teinii kataile, nlenii nyii Bangpii Krista Jisu zei kito Saraanii matapii kapyii luha teinii kalui kaga karing tiilung teile.

JONNII KARYII KABI RASAM JUKAMATI 10:28

Inii ahnyii dakii kalui kaga karing tei pyiile, ahnyiinii madou kado gasang gatu- lakle sateichii mei kaniido ahnyiigo gubah kito numpoitu wolakle.

JONNII KARYII KABI RASAM JUKAMATI 6:51

Sating gamto kahum ringkalei tiirok tei I-le, mei kata hangninanii tiirok ai chii le- ponii, kalui gasii ringtangle sateichii sazyii pouryii meinii ringtang karam jangpii Inii pyiitang karam tiirok tei gumah kamyii teile.”

TIILAMLWI KAPYIIMEI THA JUKAMATI 10:38

teiteinii Nazaret ki Jisu rasam teile, kada takumpii mpougo Saraanii rangii kamatei ninado teimahampii thao manuk kaipyiisii mpounii tatsii tatsii tha kabi tei tiiwopo sateichii sara kashyiinii kaswi kaleimei go tii mbipyiipo katu teile; kadapokii Saraanii mpougo kaswipyiisii leile.

JONNII KARYII KABI RASAM JUKAMATI 17:2

Kadapokii nangnii mpou dakii kapyii hang gotei mpounii kalui kaga karing tiilung pyiimatu tang karam jangpii meilui kalung hang phyii- ryiito nangnii mpougo teimaham tei pyiibam takle.

METIU 6:19

“Kharak ninado dwihetnii tiikamaga sateichii karagameinii ki ramsii karaga sazyii aikikii gonyii jangpii kani kahii tei poi nkom sulo;

JONNII KARYII KABI RASAM JUKAMATI 6:58

Sating gamto kahum tiirok tei aile; peipaomei hangnii chiiwosii taikaga takum makle, tiirok ai chii kalumei hangteinii kalui kaga tiisupii ringtangle.”

2 PITAR 1:17

Kadapokii mpounii Pfii Saraa dato sadzyii ngariit katii ninado “Ai ai Inii lung kamaang, lungkasyii gunah sapfii mpou teile!” Sii tam kalei rok tei kasagoi pumtei kava dato mpouda kagong tinglang kaktei nyii leile.

PILIPIMEI 2:13

dapokii mpoumah kamaning kamarei jangpii tiikanyii kamaning ninado katam swimatu tang karam jangpii tinglang kaleita Saraanii gonyii lung kito tha tiisii leile.

1 PITAR 1:24

Kabi rasam kito katam takumpii, katunii, “Meinah hang ai hiinhii takumle, sateichii ah mah pumtei kava hangteinii hiinhii mah hiipa takumle. Hiinhii teinii keetule sateichii hiipa teinii huiga tule.

LUKNII KARYII KABI RASAM JUKAMATI 3:22

sateichii rangii kamatei teinii Sararuinah pum takumpii mpou phyiiryii humle, sateichii sating gamto rok hangninii humle, “Nang ai Inii lungkasyii Gunah sapfii mpou teile, Inii n-go hangkapii lung mangle.”

1 THESOLONIKAMEI 1:3

Kadapokii gonyiimah kamalum tei dakumpii poisii tha tiileipo, gonyii mah lungkasyii teinii dakumpii gonyiigo teisii tha tiimatupo, satei- chii nyii Bangpii Jisu Krista dakii gonyii maning kamalum tei daziikapiinii sangtingpo katu tei nyiinii maningle.

KOLOSIMEI 1:29

Ai tiitang karam jangpii gulung kito tha tiisii kalei ninado Kristanii pyiisii kalei teimaham kadi tei jumsii Inii mahungsii tha tiileile.

JONNII KARYII KABI RASAM JUKAMATI 3:33

Mpoumah sakchyii lukai kalu ah teinii Saraa ai kasangle sii seal namkai aitakle.

TIILAMLWI KAPYIIMEI THA JUKAMATI 2:22

“He Isrelmeinah, sam hang ai shiipyiilo–Nazaretki Jisu, Saraanii gonyii kak kito mpou tha kadi ninado kamadat tha hang sateichii tiika- mangou hang kamangou, teipiinii mpou ai Saraanii mazhii kapyiimeile katu tei gonyii pum sekpiiniido tile.

JONNII KARYII KABI RASAM JUKAMATI 6:68

Saimon Pitarnii mpougo khekalatle, “Bangpii, nyiinii tada tat tutangpo? Godato kalui kaga karing mah samkang hangtei leile.

LUKNII KARYII KABI RASAM JUKAMATI 9:35

Teito rok hang- ninii teinii kamong kiteito tamle, “Ai ai Inii kalai kalu gunah sapfii mpou teile! mpounii katam swilo.”

HEBRUMEI 12:16

Sateichii mei kaniido sapwi- mei sapfiimei kashyii kahong tha katii, mak-kii mpou nah katingpiinii doukamajyii tei malot hangniniipii joitoi kalei, Isau takumpii matei kasu mei tei gamatu tang karam jangpii tiigatpii juwolo.

GALATIMEI 5:6

Kadapokii Krista Jisu dato tiigyii kamalem mak-kii tiigyii malem kasu teipii mah kado tham kaki gale. Nlenii lungkasyii paito tha tiikalei kamalum teile.

HEBRUMEI 4:11

Ahnyiinii katam swikasu jangpii tiidou kasu takumpii nyii kak kito mei kado tiidou kasu tei tiikasu tiisii nyiinii ngam kabuita teimah ka-ntak kitei liit kalu tiide.

KOLOSIMEI 2:22

Aihang ainii binii poisii jum kaleitai maiga katu mah pot hang go tamsii leile, teihang teinii meinahnii tiikalu jai ninado ralikapyii teiroile.

1 KORENMEI 9:2

Mei kakimei dato I-ai tiilamlwi kapyiimei hang- ninii mak kido, gonyii datonii I-ai tiilamlwi kapyiimei hangninii sekle; Kadapokii Inii tiilamlwi kapyiimei hangninii tiisii kalei mah siiti tei Bangpii lamto gonyiile.

1 KORENMEI 6:13

Mei kangkanii tam tangle, “Chiitak ainii moi jangpiile, sateichii moi ainii chiitak jangpiile.” Nle kasangle, nlenii hangna gotei Saraanii tiimaga tangle. Apum ainii sapwimei sapfiimei kashyii kahong tha tiitang karam jangpiinii makle, nlenii Bang- piigo nga ngatang karam jangpiile; sateichii Bangpiinii pumpot jangpii pyiichiile.

ROMMEI 4:11

Atainii mpougo tiigyii kamalem sateichii mpoumah tiigyii kamalem teinii, mpoumah kamalum jangpii mpougo tiigyii malem kasu- nato Saraanii kasang kamajyiipii lesii lukai kapyii mah tiikamangou siiti hangninii tiisii mangoule. Teijangpii tiigyii malem kasunato Saraa go ka- malum mei sateichii mpounii kasang kamajyii meilesii lukai kalumei hang mah Apfii tei mpougo tiimatu tang karam jangpiile:

JONNII KARYII KABI RASAM JUKAMATI 15:24

Mei kaniido tiikasu tha tei Inii ahnyii kak kikii tiimangou suleponii, ahnyiimah kem tei leilakle; nlenii aitoinii ahnyiinii n-gudo gu Pfii godo ngoudo ngoutakle sateichii ngoudo ngourou takle.

JONNII KARYII KABI RASAM JUKAMATI 14:6

Jisunii mpougo khekalatle, “Pwi- dido, kasangdo sateichii karingdo I-le, gu paikito supii meikaniido Pfii datei gong womakle.

JONNII KARYII KABI RASAM JUKAMATI 11:42

Sateichii tinglang kaleita nangnii gumah kariita shiipyiile katu Inii tile. Nlenii nangnii n-gu lang magong pyiile katu ai dato sat kaleimei hang ainii malum matutang karam jangpii, Inii ahnyii jangpii ai ai tam takle.”

JONNII KARYII KABI RASAM JUKAMATI 8:18

Inii guroinapii gumah sakchyii pyiile sateichii n-gu lang kamagong Pfiinii gumah sakchyii teile.”

MARK 9:7

Teito kamong teinii gongsii ahnyiigo gomnei wotakle, sateichii kamong kiteito lat hangninii mashiile, “Ai ai Inii lungkasyii gunah sapfii mpou teile, mpounii katam tei gonyii swilo.”

MARK 1:11

Sateichii sating gamto kahum rok hangninii shiile, “Nang ai Inii lungkasyii Gunah sapfii mpou teile, Inii go phyiiryiikii hangkapiinii lung mangle.”

METIU 17:5

Mpounii tam leibangpii julo, vakabi mongjyii hangninanii ahnyiigo gomnei wotakle, sateichii julo, mongjyii kiteito rok hangninanii tamle, “Ai ai Inii lungkasyii gunah sapfii mpou teile; Inii mpougo hangkapii lung mangle, gonyii mpounii katam tei shiilo!”

METIU 3:17

sateichii’ julo, sating gamto rok hangninanii tamle, “Ai ai Inii lungkasyii gunah sapfii mpou teile, Mpougo Inii hangkapii lung- mangle.”

JEMS 1:11

Kadapokii leimiknii mpoumah mishong kamaga tei njasii teipii hiinhii gotei ragui matule, mpoumah hiipa tei nrai mang tule, ninado mpoumah ngoukabi tei gatule. Tei takumpiinii mah kanimei teido mpounii mpoumah lu tha kito pusii nangleibang piinii huiga tangle.

2 KORENMEI 4:18

Kadapokii nyiinii mik leeng kalei teinii mikpii ngoukalei gotei makle, nlenii mikpii ngoukasu mah goteile. Mikpii ngou kabui pot teinii shangniikii jangpiile, nlenii mikpii ngoupei wokalak teinii kalui gale.

METIU 8:20

Jisunii mpou dakii tamle, “Sa- ramii kounah mah ki kachet bamle, sateichii sating gam ruinah hang mah mathiit leile; nlenii meinah sapfii mpou mah phyii nkum tang karamni gale.”

METIU 25:46

Sateichii ahnyii hang ainii kalui kaga kamage kalak nitei tat tang takle, nlenii kasang kamajyiimei hang teinii kalui kaga karing nitei tat tang takle.”

JONNII KARYII KABI RASAM JUKAMATI 3:15

Mosesnii sazyii kamarong kito sanhiigo poikamatu takumpii, meinah sapfii mpou gotei poimatu tang karamle.

JONNII KARYII KABI RASAM JUKAMATI 6:47

Kasangpii Inii gonyii dakii tam leile, malumsii kaleimei hangteinii kalui kaga karingtei doutakle.

JONNII KARYII KABI RASAM JUKAMATI 6:53

Teipiinii Jisunii ahnyii dakii tamle, “Kasang, kasangpii Inii gonyii dakii tam leile, gonyiinii meinah sapfii mpou mah kamyii tei chii suleponii sateichii ahmah zaitei sak suleponii, gonyii dato karing tei gale.

JONNII KARYII KABI RASAM JUKAMATI 6:62

Teitiileponii meinah sapfii mpou teinii nubam kitei khii katu gonyiinii ngouleponii, kadale tang?