JONNII KARYII KABI RASAM JUKAMATI 5:19 - KARANU KABI SAMTAM

¹⁹ Teipiinii Jisunii ahnyiigo khe- kalatle, “Inii gonyii dakii kasangpii tam leile, Pfiinii katiihang tei ngou- supiinanii nah sapfii mpou teinii mpou roinapii samah kado tiipei wolakle; kadapokii mpounii katii katiihangtei nah sapfii mpou teiniido teigotei njoisii tiileile.

JONNII KARYII KABI RASAM JUKAMATI 5:19 Referans Kwoze

JONNII KARYII KABI RASAM JUKAMATI 12:49

Kadapokii Inii gumah teimaham kito tam makle, nlenii n-gu lang kamagong Pfii teinii, Inii kadapei tam tangpo ninado kadapei malhii tangpo katu mpounii n-gu kakhatpyii takle.

JONNII KARYII KABI RASAM JUKAMATI 8:28

Teipiinii Jisunii tamle, “Meinah sapfii mpougo gonyiinii poi kasagoi tinglang kak, I-ai mpoule, ninado gumah teimaham roinapiinii samah kado Inii tiimakle, nlenii pfiinii gudakii ralikapyii takumpii Inii sam ai tam mpat leile katu gonyiinii titangle.

JONNII KARYII KABI RASAM JUKAMATI 14:10

Inii Pfii dato leile ninado Pfiinii gudato leile katu nang malum makde, Filip? Jisunii mpou boumei dakii tamle, Gonyii dakii Inii tam kabam samkang hang ai gudato gongmakle, nlenii gudato kalei Pfii- nii mpoumah tha tei tiileile.

JONNII KARYII KABI RASAM JUKAMATI 10:18

Mei kaniido gumah karing poitoi makle, nlenii Inii guroinapii mazhiisii matou pyiile; Inii teitei matou tang karam gumah teimaham leile, sateichii Inii teitei nlailoisii poiloi tang karam Gumah teimaham leile; kakhatsam ai Inii Pfii dato doutakle.”

ROMMEI 8:11

Sateichii Jisugo katai kito tiimaring kapyii mpoumah rangii teinii gonyii dato leileponii, Krista Jisugo katai kito tiimaring kapyii mpou teinii gonyii dato kalei mah rangii paito gonyii mah taiga kabui pumhang godo karing tei pyii tangle.

JONNII KARYII KABI RASAM JUKAMATI 9:4

N-gu lang kamagong ahmah tha tei leimik kalei kak nyiinii tiitang karamle; mei kaniido tha tiikalak tinghum tinglang tei gonglei takle.

LUKNII KARYII KABI RASAM JUKAMATI 21:15

Kadapochiinii gonyiigo ngou karoumei hangnii gonyii phyiiryiito nryiipei kalak mak-kii malhiipei kalak samtam ninado swirek kabi tei Inii gonyii dakii pyiitangle.

JONNII KARYII KABI RASAM JUKAMATI 5:21

Kadapokii Pfiinii kataimeigo tiimaring pyiisii ring- matu katu takumpii nah sapfii mpou teiniido mpounii ringmatu kanyii ahnyii gotei ringmatule.

2 KORENMEI 5:10

Kadapokii mpougo samtak tiimatu tang karam jangpii, Kristamah samtak katiibam doitei nyiihangnii gongtang karamle; sateichii pum- potmah tiilung kito mpou mpounii tiikabam hang katunii, kabi kado kashyii kado, mpou mpounii douka- majyii taiswisii mei nsang nsangnii doutangle.

JONNII KARYII KABI RASAM JUKAMATI 3:3

Jisunii mpougo Khekalatle, “Inii n-go kasangpii tam leile, mei kata hangninanii manaaloi suleponii, mpounii Saraa mah sating sazyii tei ngoupei wolakle.”

MATIMANGOU KAPYII 2:23

Sateichii Inii mpoupeimah nahmei hang gotei gitangle, sateichii lungswi ninado lung hang go fii ka-mpat ahtei Ile katu Charsh hangnii tigong tangle, sateichii gonyiimei nsang nsang dakii gonyii mah tha taiswisii doukamajyii tei Inii pyiitangle.

1 PITAR 3:18

Kadapokii Saraa dakii pang gong pyii tang karam jangpii, kakui kama meihang jangpii kasang kamajyii katunii, Kristaniido kem jangpii binii taipyii takle hang jangpii; mpougo pumpot lamto tai malei takle, nlenii rangii lamto ringkhii matu takle;

KOLOSIMEI 1:16

Kadaponii sating gamto sateichii mikpii ngou- kasu rangiimah teimaham, mak-kii Abang katiimei, mak-kii apum katiimei, mak-kii teimaham kajum meihang kado mahlyiihang ai mpou paito mpoujangpii tiibam takle.

PILIPIMEI 4:13

N-gu teima- ham pyiisii tiisangting kapyii Krista zei kito Inii mahlyii hang tiiwo buile.

PILIPIMEI 3:21

Mpounii apum tiisii kalung kangkii mahlyii hang go mpounii poigoi kalumah teimaham tei jumsii, tai kabui gakabui kasui nyii pum hang go mpounii tiiranupyii tangle ninado mpoumah kangam pum takum matu tangle.

IPISAMEI 3:16

katunii, alungto kalei mei dakii mpou rangii- mah paikito gonyiigo teimaham pyiisii tiisangtingpyii matu tang karam jangpii,

IPISAMEI 2:5

nyiimah kakui kama kito nyiinii rangiilamto taika- lei tinglang kitodo, Kristago kaswisii mpounii nyiigo tiimaringpyiile. Gonyiigo keikapyii teinii Saraamah jumage kapyii kitole.

2 KORENMEI 4:14

Kadapokii Saraanii Bangpii Jisugo tiimaringpyiile katu tei nyiinii tile. Mpounii Jisugo tiimaring kapyii takumpii, nyiigodo mpounii tiima- ringpyii tangle katu tei nyiinii tile; sateichii mpounii gonyiigo kaswisii nyiigo Jisunii kalei niteikii pang gongpyii tangle.

1 KORENMEI 15:12

Aitoinii Kristago katai kito tiimaringpyii takle katu samtam tei tam ralipyii takleponii, katai kito ringkhii tang karam gasang galesii gonyii kak kito mei kangkanii kada takumpii tam wotangpo?

ROMMEI 6:4

Teijang- piinii nyii ai dwi mpum kalu teipii mpougo kaswisii katai kiteikii poigoi aitakle, kadaponii Apfii mah pumtei kava teipii Kristago katai kito ringkhii matu kalu takumpii, nyiiniido karanu tiilung kiteito tatwo kabui jangpii.

TIILAMLWI KAPYIIMEI THA JUKAMATI 2:24

Nlenii Saraanii katai mah kamage kalak kiteito mpatpyiisii, mpougo tiima- ringpyii takle, kadapochiinii teiteinii mpougo ngam makle.

JONNII KARYII KABI RASAM JUKAMATI 2:19

Jisunii ahnyii dakii khekalatle, “Saraa kamaningki ai tiimaga ailo, teito Inii leimik hangtum lung kikii tiimakhiiloi tangle.”

1 THESOLONIKAMEI 4:14

dapokii Jisunii katai sateichii ringkakhii tei nyiinii malum leponii, tei takumpii, Jisumah paikito tai kaleimei godo Jisugo kaswisii Saraanii pang gong tangle.

KOLOSIMEI 1:11

Ka-nta tei njasii lunglum kati sateichii lungleh kati hang kito, mpoumah pumtei kavamah teima- ham taiswisii pumtei hang teipiinii gonyiigo tiisangting pyiisii,

METIU 26:39

Sateichii mpounii adoilam pang chengniikii tatpatsii mpounii sazyii- kii mpou-ju poi masuksii riitale. “Gu Pfii, mazhii leponii peek ai gudato poitoi seilo; teitii kido gumah kamaning kamazhii tei sulo, nlenii nangnii kamaning kamazhii teilo.”

JONNII KARYII KABI RASAM JUKAMATI 6:38

Kada- pokii gumaning gu marai roinii tiitang karam jangpii sating gamto Inii hum makle, nlenii n-gu lang ka m-mang ah mah kamaning kamazhii tei tiitang karam jangpii humle;

JONNII KARYII KABI RASAM JUKAMATI 12:50

Mpoumah kakhatsam ainii kalui kaga karingle katu Inii tile; teipiinii Inii tam kalei ai Pfiinii gudakii katam tei Inii tam leile.”