JONNII KARYII KABI RASAM JUKAMATI 5:17 - KARANU KABI SAMTAM

¹⁷ Nlenii Jisunii ahnyii dakii khekalatle, “Gu pfiinii aitoi katangdo tha tiileile, Iniido tiileile.”

JONNII KARYII KABI RASAM JUKAMATI 5:17 Referans Kwoze

JONNII KARYII KABI RASAM JUKAMATI 14:10

Inii Pfii dato leile ninado Pfiinii gudato leile katu nang malum makde, Filip? Jisunii mpou boumei dakii tamle, Gonyii dakii Inii tam kabam samkang hang ai gudato gongmakle, nlenii gudato kalei Pfii- nii mpoumah tha tei tiileile.

JONNII KARYII KABI RASAM JUKAMATI 9:4

N-gu lang kamagong ahmah tha tei leimik kalei kak nyiinii tiitang karamle; mei kaniido tha tiikalak tinghum tinglang tei gonglei takle.

KOLOSIMEI 1:16

Kadaponii sating gamto sateichii mikpii ngou- kasu rangiimah teimaham, mak-kii Abang katiimei, mak-kii apum katiimei, mak-kii teimaham kajum meihang kado mahlyiihang ai mpou paito mpoujangpii tiibam takle.

1 KORENMEI 12:6

Tha tiikabui mah pumtei katha katham leile, nlenii Saraa hangninanii meihang go mpou mpou mah tha tiikabui pumtei tei pyiile.

HEBRUMEI 1:3

Mpounii Saraamah pumtei kava tei seikalatsii leile sateichii mpounii nunuto kalei Saraamah jaitalui gotei njoichak thiile; Sazyii pouryiigo mpoumah teimaham kalei samkang teipii panglungsii leile. Sazyii pouryiimei mah kem jangpiinii kaleikapyii doukalu taito, dikaki teimaham, Sating gam Saraamah bah ajiilam teito mpounii bam takle.

TIILAMLWI KAPYIIMEI THA JUKAMATI 17:28

Kadapokii ‘mpou dato nyiimah karing, ka-nlai ninado kalung ai dousii bamle.’ Gonyii kak kito sampok kapokmei kangkanii tam kabam takumpiinii, ‘kadapochiinii nyii ai kasangpiinii mpounah mpoutaa meile.’

TIILAMLWI KAPYIIMEI THA JUKAMATI 14:17

Nlenii mpoumah sak- chyii gasanii kaibam makle, katunii mpounii kabi tiipyiisii sating gamto tingryii ninado ati kamati tingkum tinglang hang tiipyiisii gonyii lung ai kachii kasakpii ninado kasamou teipii kasaat pyiile.”

METIU 10:29

Nkinah hangnago peisa hangninii jangpii joimakpo? Sateichii ahnyii hang kak kito hangninii kado gonyii Pfii mah kamaning kamazhii tei haisupiinanii sazyii takmang lakle.

JONNII KARYII KABI RASAM JUKAMATI 5:16

Teijangpii Jehudimeinii Jisugo tiimaset tiimalakhou tutakle, dajangpiiponii mpounii tha ai bam ntak piinei leimik tiitakle.

JONNII KARYII KABI RASAM JUKAMATI 5:18

Tam kalei sam aijangpii Jehudimeinii mpougo gitang karam jangpii kisii fiile, dapokii mpounii bam ntak piinei leimikgo tiikapak roimakle, nlenii Saraago mpou Pfiisek latsanii mpougo mpou roinapii Saraago poimasam wotakle.

JONNII KARYII KABI RASAM JUKAMATI 10:36

Inii Saraa nah sapfii mpoulesii Inii tam katu jangpii, Pfiinii kalai wosii sazyii pouryiikii lang m-mang kapyii ah gotei, nang Saraago tam mashyiilesii mpoumah kaang kito gonyiinii tam leipo?

1 THESOLONIKAMEI 2:13

Sateichii kaang aijangpii tak- supiinii Saraago halangle, katunii gonyiinii nyii dato shiikalu Saraamah samtam tei dou wosek-kii, meinah mah samtam tei supii, gonyii kamalum mei kak kito tha tiipyiisii kalei Saraa samlesii gonyiinii lukai wotakle, teitei Saraa samtam ka- sangle.