JONNII KARYII KABI RASAM JUKAMATI 4:48 - KARANU KABI SAMTAM

⁴⁸ Teijangpii Jisunii mpougo tamle, “Gonyiinii tiikamangou siiti ninado sung kaga hangtei ngou kasuta, gonyiinii malumsang malum lakle.”

JONNII KARYII KABI RASAM JUKAMATI 4:48 Referans Kwoze

JONNII KARYII KABI RASAM JUKAMATI 20:29

Jisunii mpou dakii tamle, “Nangnii n-gu ngoukalu jangpii nangnii malum wotakpo? Ngou supiinii malum kalumei tei kadazii- kapiinii sadoi bipo!”

HEBRUMEI 2:4

Saraaniido tiikamangou siiti teipii, kamadat kamadatpii, sateichii kataam kataam sung kaga tha hang teipii, sateichii mpoumah kamaning taiswisii jaipyii kabam rangii kamateimah luha hang teipii sakchyii pyiile.

1 KORENMEI 1:22

Kadapokii Jehudi- meinii siiti tiikamangou khangle sateichii Grikmeinii swirek kabigo fiile,

TIILAMLWI KAPYIIMEI THA JUKAMATI 2:22

“He Isrelmeinah, sam hang ai shiipyiilo–Nazaretki Jisu, Saraanii gonyii kak kito mpou tha kadi ninado kamadat tha hang sateichii tiika- mangou hang kamangou, teipiinii mpou ai Saraanii mazhii kapyiimeile katu tei gonyii pum sekpiiniido tile.

JONNII KARYII KABI RASAM JUKAMATI 12:37

Mpounii tiika- mangou siiti hangniikii ahnyii doito tiikido, ahnyiinii mpougo malum makle;

2 KORENMEI 12:12

Hangkapii lung leh kati teipiinii, I-ai kasang tiilamlwi kapyiimei hangniniile katu tiikamangou siiti hangtei, sung kaga hang teipii, kamadat hangteipii, sateichii mei tiikalak tha kadi hang teipii, gonyii hang kak kito tiimangou takle.

ROMMEI 15:19

Aitiisii Jerosalem kito Illurikam go kamagui katangtei tatsii Inii Krista mah kabi rasam tei tam ralipyii lahok takle.

TIILAMLWI KAPYIIMEI THA JUKAMATI 14:3

Teijangpiinii ahnyiinii Bangpii paikito kahing gasii karashii sii teikito tinglang kathangkii bam takle, ahnyii bahpiinii tiikamangou ninado kamadat kamadat tiimangou pyiisii mpoumah kalungset mah samtam kito mpounii sakchyii pyii takle.

MARK 13:22

Kadapokii Krista zei katiimei ninado Lungkakalingmei zei katii pat tangle, sateichii tiikabuinii, Saraanii kalei kalumei go katangdo chyiitatma tang karam jangpii tiikamangou ninado kamadat tha hangdo tiimangou tangle.

METIU 24:24

Kadapokii kasang kasu Krista ninado kasang kasu Lungkakalingmei gong tangle; satei- chii mazhii leponii Saraanii kalai kalumeigo katangdo hemsii kama pwidi kikii chyiitat tang karam jangpii mei tiikalak tiikamangou siiti kadi hang sateichii sung kaga hang tiimangou tangle.

TIILAMLWI KAPYIIMEI THA JUKAMATI 2:43

Sateichii meihang phyiiryii tei kahing pat takle, kamadatdo tiika- mangoudo hangkii tiilamlwi kapyii meinii tiitakle,

JONNII KARYII KABI RASAM JUKAMATI 2:18

Teijangpii Jehudimeinii mpou dakii khekalatle, “Nangnii tha ai tiikajyii jangpii nyii dakii tiimangou tang karam kadapei leipo?”

LUKNII KARYII KABI RASAM JUKAMATI 16:31

Nlenii Abraham nii mpou dakii tamle, ‘ah- nyiinii Moses ninado Lungkakaling- mei sam tei lukai sulepochiinii, kataimei kakto kata kangkanii ring- khii-ado, ahnyiigo malumwo kabui jangpii hempeiwo lakle.’ ”

2 THESOLONIKAMEI 2:9

Kashyii kahongmei teinii seitan- mah teimaham teipii gongsii kasang kasu sung kaga ninado kamadatlyii hang tiimangou tangle.

TIILAMLWI KAPYIIMEI THA JUKAMATI 15:12

Teito meihang teinii malhii- supii bam takle, sateichii Pol nei Barnabas paikito lui kakimei kak-kii Saraanii tiikamangou ninado kama- dat kamadat hang tiikapyii tei mpoupiinanii tam ka-mpat tei ahnyiinii shiile.

TIILAMLWI KAPYIIMEI THA JUKAMATI 7:36

Mei aipou ainii Izip kito, dwijai kaghang kito sateichii sazyii kamarong kito tingkum rekdai ai kamadat kamadat tha ninado tiikamangou hang tiisii ahnyiigo pang mpatpyii takle.

TIILAMLWI KAPYIIMEI THA JUKAMATI 6:8

Sateichii Stifan, jumage kati ni- nado teimahampii tokryiisii kaleipii teinii meimoi kak kito kamadat kadido tiikamangoudo tiiwole.

TIILAMLWI KAPYIIMEI THA JUKAMATI 5:12

Sateichii Tiilamlwi kapyiimei bahpiinii meihang kak-kii sung kaga ninado kamadat hangkii tiipyii takle sateichii ahnyii meihangnii Solomon mah ki kamwi kiteito lungswi hang- ninii tiisii bamle.

TIILAMLWI KAPYIIMEI THA JUKAMATI 4:30

nangnii gobah hampatpyii kalei kak kii, hangkapii lung disii, gosam tam wokabui goki kaleimei dakii jumage pyiilo.”

TIILAMLWI KAPYIIMEI THA JUKAMATI 2:19

Sateichii Inii kasagoi sating gamto kamadat kamadat ninado sazyii kangto tiikamangou hang katunii, zai, mi sateichii mika mah kajekdwi tei mangou tangle.

JONNII KARYII KABI RASAM JUKAMATI 15:24

Mei kaniido tiikasu tha tei Inii ahnyii kak kikii tiimangou suleponii, ahnyiimah kem tei leilakle; nlenii aitoinii ahnyiinii n-gudo gu Pfii godo ngoudo ngoutakle sateichii ngoudo ngourou takle.

LUKNII KARYII KABI RASAM JUKAMATI 10:18

Teito mpounii ahnyii dakii tamle, “Sating gamto sating kalik kalei takumpiinii seitan nii kou kahum tei Inii ngoutakle.

METIU 27:42

“Kakimei gonii mpounii keipyiile, mpouroinapii mpougonii keipyiipei womakle, mpounii Isrel mei mah sagongle, aitoi mpounii krosh gamto hum matulo, teito nyiinii mpougo malum tangle.

METIU 16:1

Sateichii Farasismei ninado Sadhumeinii gongsii mpougo jai jutang karam jangpii sating gamto tiikamangou siiti hangninii ahnyii dakii mangou matu tang karam jangpii mpou dato ahnyiinii khangle.

JONNII KARYII KABI RASAM JUKAMATI 4:49

Kadipii teinii mpou dakii tamle, “Oja, gunah tai kasunakii gongseilo.”