JONNII KARYII KABI RASAM JUKAMATI 4:36 - KARANU KABI SAMTAM

³⁶ Lingkakai ahnei karachet ahteinii kaswisii nta njoitang karam jangpii, karachet ahteinii pumjangmai doule, sateichii kalui gasii ringtang karam jangpii ti tei poi nkomle.

JONNII KARYII KABI RASAM JUKAMATI 4:36 Referans Kwoze

ROMMEI 1:13

Inii gonyiigo ai timatu nyiile, kangsanamei katunii, Inii gonyiida gongnyiisii leile. (Nlenii aitoi katangpii n-gu dangsii bamle) gonyii kak kito sateichii lui kakimeihang kak kitodo Inii lu rachet tang karam jangpii,

ROMMEI 6:22

Nlenii aitoinii gonyiigo kem kito laat mpatpyiisii Saraa mah kabang- nah tiikalu kito, gonyiinii doukalat kalu teinii tiimatei kapyii teile. Sateichii teikito dou kalu teinii, kalui kaga karing tiilung teile.

1 TIMOTHI 4:16

Goroinapii n-go julo sateichii gomah karali gotei julo. Aihang ai taksupii tiisii leilo, dapokii nangnii tiisii leileponii, nangnii goroinapii n-godo sateichii gosam shii kalumei godo keipyii tangle.

1 THESOLONIKAMEI 2:19

Kadapokii nyii Bangpii Jisunii kagong tinglang kak mpou doito nyiimah maning kamalum, ka-nta mak-kii detdi tang karam kaang tei kadapeipo?

METIU 19:29

Sateichii guzei jangpii kihang mak-kii sanamei hang mak-kii taipwimeihang, mak-kii pwi-pfii mak-kii nahmei mak-kii lu hang kado toi kalei meihangnii tei njai mazhii-hai doutangle sateichii kalui kaga karing tei pyiitangle.

JONNII KARYII KABI RASAM JUKAMATI 3:36

Nah sapfii mpou gotei malum kalumei teinii kalui tiikasu karing tei doutakle, nlenii nah sapfii mpou sam swikasumei hangteinii karingtei doulakle, nlenii Saraa mah rakarhii tei mpou gamto leile.

JONNII KARYII KABI RASAM JUKAMATI 4:14

Nlenii Inii pyiitang karam dwitei sak kalumei hangteinii saryii- sang saryiiloi lakle; Inii pyiitang karam dwitei mpou lung kito kalui tiisupiinii ringtang karam jangpii pok kapat dwipok hangninii tiitangle.”

JONNII KARYII KABI RASAM JUKAMATI 5:24

“Inii gonyii dakii kasangpii tam leile, gusam shiisii ninado n-gu lang kamagong ahgo malumsii kalei ahteinii kalui kaga karing tei doutakle; sateichii samtak katii kitei ahnii hailakle, nlenii ahnii katai kito karingki kaamajupat wotakle.

ROMMEI 2:7

Mei kangkanii tha kabi tei tiisii tiisii pumtei kava go sadzyii ngariit katiigo, sateichii gakalak karing go fiisii bamle. Ahnyii dateikii Saraanii kalui kaga karing tei pyii tangle.

ROMMEI 6:23

Kada- pokii kem mah katiimai teinii kataile, nlenii nyii Bangpii Krista Jisu zei kito Saraanii matapii kapyii luha teinii kalui kaga karing tiilung teile.

1 KORENMEI 9:17

Kadapokii gumah kamaning kamareipii Inii ai tiile- ponii, gumah alangh bamle, nlenii gumah kamaning kamarei teipii suleponii, gudakii mahbam kajumei mah tha tei lok kaipyii bam takle.

1 KORENMEI 9:18

Teitii leponii gumah lhang tei kadapeipo? Teinii kabi rasam tam rali katu kito gumah majyii hangtei poisii tha tiitusupii, Inii tam rali kapyii kito mai poisupii matapii Inii kabi rasam tam rali kapyii teile.