JONNII KARYII KABI RASAM JUKAMATI 4:25 - KARANU KABI SAMTAM

²⁵ Sapwi mpei teinii mpou dakii tamle, “Krista sii kalat tei gongtangle katu Inii tile, mpounii kagong tinglang kak nyii dakii mpounii mahlyiihang mangoupyii tangle.”

JONNII KARYII KABI RASAM JUKAMATI 4:25 Referans Kwoze

JONNII KARYII KABI RASAM JUKAMATI 1:49

Nathanelnii mpougo khekalatle, “Rabbi,” (katunii Madhiikapyiipii) “Nangnii Saraa nah sapfii mpou teile, Nang Isrelmeinah mah Sagongle.”

JONNII KARYII KABI RASAM JUKAMATI 4:42

teito ahnyiinii sapwi mpei dateikii tam takle, “Nangnii katam jangpii nyiinii aitoi malum makle, nlenii nyii sekpiinii mpougo shiitakle sateichii mpou ai kasangpiinii sazyii pouryii mah Keikapyiipiile katu nyiinii tile.”

JONNII KARYII KABI RASAM JUKAMATI 4:29

“Inii tiikabam hangtei gudakii tam kapyii sapfii mpou gotei gongsii julo, Mpou ai Krista tei lakpo?”

JONNII KARYII KABI RASAM JUKAMATI 4:39

Sateichii “Inii tiikalei hangtei mpounii gudakii tam takle” sii sakchyii pyiikalei sapwi mpei mah sam jangteipii teiki namdi kito kalei Samariyamei hangkanii mpougo malum wotakle.

METIU 27:17

Teipiinii ahnyiinii gong ndwi kalu tinglang kak, Pailatnii ahnyii dakii tamle, “Inii gonyii jangpii tapiigo gonyiinii laat mpatsei matu- nyiipo? Barabas gomanii, Krista sii kalat Jisu gopo?”

METIU 27:22

“Teitiileponii Krista sii kalat Jisu aigo Inii kadapei tiitangpo?” Sii Pailatnii ahnyii dakii tamle.

LUKNII KARYII KABI RASAM JUKAMATI 2:11

Kadapochiinii tingnei leimik Devit namdi kiteito gonyiigo Keikapyiipii Bangpii Krista tei manaa takle.