JONNII KARYII KABI RASAM JUKAMATI 3:5 - KARANU KABI SAMTAM

⁵ Jisunii khekalatle, “Inii godakii kasangpii tam leile, mei kata hang- ninanii dwi ninado rangii kito manaa kasutanii ahnii Saraa mah sating sazyii kitei liitpei wolakle.

JONNII KARYII KABI RASAM JUKAMATI 3:5 Referans Kwoze

TIILAMLWI KAPYIIMEI THA JUKAMATI 2:38

Pitarnii ahnyii dakii tamle, “Gonyii mah kem kaleipyii matutang karam jangpii gonyiinii lung kali wolo sateichii Jisu Krista zei kito gonyii hangnii dwi mpum wolo ninado gonyiinii rangii kamatei mah luha tei doutangle.

IPISAMEI 5:26

Dwi kito shyiisii tii- matei kalei tai charshgo Saraa dakii pyiitoi tang karam jangpii, mpounii ai ai tiile.

1 PITAR 3:21

Dwi ainii teimah ajai nda tei tiisii, katunii, dwi ka-mpum teipiinii, aitoi gonyiigo keipyiile, pumpotmah kahong kara poitoi tang karam jangpii makle, nlenii Jisu Kristamah ringkakhii paikito lung mateisii Saraa dakii riishii katii teile.

1 KORENMEI 6:11

Sateichii gonyii mei kangkanii teitakumpii leile. Nlenii nyii Bangpii Jisu Krista zei kito sateichii nyii Saraamah rangii kito gonyiigo shyiido shyii matei pyiitakle, tiido tiimateipyii takle sateichii tiido tiimajyii tiimatuipyii takle.

METIU 3:11

“Lungkali kalu jangpii Inii dwi kito gonyiigo dwi mpum pyiile; nlenii gutaito gongtang karam Ah teinii gudoito dikile; Inii mpoumah pichot kapoi katangdo tiikajyii makle, Ahnanii gonyiigo rangii kamatei kito ninado mipii dwi mpumpyii tangle.

JONNII KARYII KABI RASAM JUKAMATI 3:3

Jisunii mpougo Khekalatle, “Inii n-go kasangpii tam leile, mei kata hangninanii manaaloi suleponii, mpounii Saraa mah sating sazyii tei ngoupei wolakle.”

MARK 16:16

Malum kalumei ninado dwi mpum kalumei hang go tei keipyii tangle; ninado malum kasumei hang gotei tam mashyii tangle.

1 KORENMEI 2:12

Sateichii Saraanii nyii dakii pyii kabam luha hang gotei nyiinii tiwo kabui jangpiinii, nyiinii sazyii pouryii mah rangii gotei doumakle; nlenii Saraa dato kagong rangii gotei dou wotakle.

JONNII KARYII KABI RASAM JUKAMATI 1:13

ahnyii teinii zai mah kito, mak-kii pumzai mah kito mak-kii meinah mah kamaning kamazhii kito manaamakle, nlenii Saraa datole.

1 JON 5:1

Jisugo Kristale katupii kamalum meihangnii Saraa nahmeile sateichii Pfiigo lungkasyiimei hang- teinii mpougodo lungsyiile.

1 JON 2:29

Mpou ai kasang kamajyii teile katu gonyiinii tileponii, kasang tiisii kaleimei hang godo mpounii manaapyii takle katu gonyiinii tile.

GALATIMEI 6:15

Kadapokii tiigyii kamalem mak-kii tiigyii malem kasu teinii samah kado makle, nlenii kasatai baichem teile.

ROMMEI 14:17

Kadaponii Saraa mah sating sazyii teinii kachii kasak tei makle, nlenii rangii kamatei kito kasang kamajyii, kamajung sateichii ka-nta teile;

METIU 28:19

Teijangpii gonyiinii maasii, lui hang go gutai kaswimei tiipyiilo, Apfii, anah ninado rangii kamatei zei kito dwi mpum pyiilo;

METIU 18:3

Inii gonyii dakii kasangpii tam leile, “Gonyiinii tiikalisii nahmei ka- chengmei takum kasutanii, gonyiinii sating gam sazyii kitei liitsang liit lakle.

1 PITAR 1:2

Apfii Saraamah kama- ning kamarei ninado reipiinii tikalei taiswisii gonyiigo kalai wotakle, sateichii mpoumah rangii teipii gonyiigo kamateimei hangninii tiipyii takle; Jisu Kristanii katam swisii mpoumah zai teipiinii tiima- teipyii matu tang karam jangpii: Jumage kapyii ninado kamajung tei gonyii dato moibui matulo.

TIILAMLWI KAPYIIMEI THA JUKAMATI 3:19

Teijang- piinii gonyii mah kem hangtei tiimagapyii matu tang karam jangpii gonyiinii lung kali wosii nlaigonglo; teitei leponii Bangpii dato kamajung mah tinglang tei gongtangle.

LUKNII KARYII KABI RASAM JUKAMATI 13:3

Inii gonyii dakii tam leile, makle, nlenii gonyiinii lung kali sulepo- chiinii, tei takumpiinii gonyii hangdo gatu tangle.

METIU 5:20

Kadapokii Inii gonyii dakii ka- sangpii tam leile, gonyiimah kasang kamajyii teinii Ajaitingshang kati ojamei ninado Farasismei hang doito kisuleponii, gonyiinii sating gam sazyiiki liitsang liitpei wolakle.

ROMMEI 8:2

Kadaponii Krista Jisu dato kalei karing mah rangii mah ajaitingshang teipiinii n-gu kem sateichii katai mah ajaitingshang kiteito laat mpatpyii takle.

LUKNII KARYII KABI RASAM JUKAMATI 13:24

“Ki takam kamarumki teito tatliit tang karam jangpii tiigat tolo, kadapochiinii Inii gonyii dakii tam leile, mei hangkanii teiki tatliit tang karam jangpii tiitangle, nlenii liitpei lakle.

LUKNII KARYII KABI RASAM JUKAMATI 13:5

Inii gonyii dakii tam lei le, makle, nlenii gonyiinii lung kalisu lepochiinii, tei takumpiinii gonyii hangdo gatu tangle.”

METIU 19:24

Nlailoisii Inii gonyii dakii tam leile, mah kanimei hangninanii sating gam sazyiiki liit tang karam sungnii poutungki kounah hangninanii mahum-mi kito joupat katu teinii malabwile.”

METIU 21:31

Hangna kak ki aito tapiinii mpou pfiimah kamaning kamazhii tei tiipo?” Ahnyiinii tamle, “Katingpii teiniile.” Jisunii ahnyii dakii tamle, “Inii gonyii dakii kasangpii tam leile, Aha kahamei ninado sahapwimei teinii gonyii doi reisii Saraa mah sating sazyiiki tat leile.

MARK 9:47

Sateichii gomik hangninanii n-go kem tiimatusii lei lepochiinii, go-mik tei lat toi ailo; gomik hangna pungsii mibam kikii toikai kalei sungnii mik-lipii Saraa mah sating sazyii bamki liit kalu teinii gojangpii bibwile.

MARK 10:14

Nlenii Jisunii teitei ngou wosii, mpounii rarhiisii mpouboumei dakii tamle, “Ahnyiigo nam sulo; nahmei kachengmei gotei guda liit matulo, dapochiinii Saraa mah sating sazyii teinii ai kakummei lhangle.

JONNII KARYII KABI RASAM JUKAMATI 3:4

Nikodimasnii mpou dakii tamle, “Meinah hangni- nanii tingkalei kiteito dakumpii mpounii manaaloi wotangpo? Mpou- nii hangna kashang tiisii pwi moi lung liit tosii mana wobuipo?”

1 KORENMEI 15:50

Inii gonyii dakii ai ai tam leile; kangsanamei: kangzai rou pungsii Saraamah sating sazyii kitei liitpeiwo lakle, sateichii gatu kabui teipiinii gatu kalaktei doupei wolakle.