JONNII KARYII KABI RASAM JUKAMATI 3:36 - KARANU KABI SAMTAM

³⁶ Nah sapfii mpou gotei malum kalumei teinii kalui tiikasu karing tei doutakle, nlenii nah sapfii mpou sam swikasumei hangteinii karingtei doulakle, nlenii Saraa mah rakarhii tei mpou gamto leile.

JONNII KARYII KABI RASAM JUKAMATI 3:36 Referans Kwoze

JONNII KARYII KABI RASAM JUKAMATI 5:24

“Inii gonyii dakii kasangpii tam leile, gusam shiisii ninado n-gu lang kamagong ahgo malumsii kalei ahteinii kalui kaga karing tei doutakle; sateichii samtak katii kitei ahnii hailakle, nlenii ahnii katai kito karingki kaamajupat wotakle.

JONNII KARYII KABI RASAM JUKAMATI 1:12

Nlenii mpougo lukakaimei hang go, mpou zei kito malum kalumei hang go, Saraamah nahmei tiimatu tang karam mah teimaham tei mpounii pyiitakle;

1 THESOLONIKAMEI 5:9

Kadapokii Saraanii nyiigo rakarhii tei doumatu tang karam jangpii kalai makle, nlenii nyii Bangpii Jisu Kristamah paikito keikapyii karing tei doumatu tang karam jangpii kalaiwo takle.

IPISAMEI 5:6

Kapang kamang sam hangteipii gonyiigo meikaniido chuisii tamsii hem maluwo sulo; kadapokii katam swikasumei hang phyiiryii Saraa mah rakarhii gongliit tang karam teinii ai kakum hang jangpii sekle.

ROMMEI 5:9

Teijangpii toinii mpou zai teipiinii nyiigo tiimajyii pyii takle; mpounii kisii nyiigo Saraa mah rakarhii kito keipyii tangle.

JONNII KARYII KABI RASAM JUKAMATI 8:51

Kasang kasangpii Inii gonyii dakii tam leile, mei kata hangninanii gusam swisii leileponii, katai tei ahnii ngousang ngoulakle.”

JONNII KARYII KABI RASAM JUKAMATI 10:28

Inii ahnyii dakii kalui kaga karing tei pyiile, ahnyiinii madou kado gasang gatu- lakle sateichii mei kaniido ahnyiigo gubah kito numpoitu wolakle.

JONNII KARYII KABI RASAM JUKAMATI 3:3

Jisunii mpougo Khekalatle, “Inii n-go kasangpii tam leile, mei kata hangninanii manaaloi suleponii, mpounii Saraa mah sating sazyii tei ngoupei wolakle.”

MATIMANGOU KAPYII 21:8

Nlenii raikaga, kamalum kaga, ngoukasaba ngam katiimei, meigo kagimei, sapwimei sapfiimei kashyii kahong tha katiimei, ashoi kapoimei, tingtu param hang go kamatamei, ninado kachuimei hang jangpiinii, hangna kashang tiisii katai, mi ninado sulphur piinii shong kalei jailung tei tangle.”

1 THESOLONIKAMEI 1:10

sateichii gongkalei Saraamah rakarhii kito nyiigo poi mpat kapyii, mpounii kataimei kak kito tiimaring kapyii mpou nah sapfii mpou Jisugo, sating gamto kahum koitang karam jangpii gonyiinii kada takumpii Saraada nryiigong wopo katu tei ahnyiinii tam leile.

GALATIMEI 3:10

Ajaitingshang mah tha hang go bhangsii ringkalei meihangtei Saraa- mah kaseeng kangto leile. Kadaponii aitiisii tamle, “Ajaitingshang bung kikii ryiikabam mahlyiihang tei tinglang kaleita swikasu mei teinii Saraa mah kasheeng kangto leile!”

ROMMEI 8:1

Teijangpiinii aitoinii Krista Jisudato kaleimeihang go tam kamashyii tei gatakle.

LUKNII KARYII KABI RASAM JUKAMATI 3:6

Sateichii meihangnii Saraa mah kalei kapyii tei doutangle.”

HEBRUMEI 10:29

Teitii leponii jumage kapyii mah rangiigo kalet kalou katii, ahgo kem kito tiimatei kapyii Saraamah zaimah sat tang karam samtam go mai kamalamah pot hangninii takumpii poikalei, Saraa nah sapfii mpougo mazhii kasu gotei kadaziikapii kaki kadwi karat tei doumajyiile sii gonyiinii maning leipo?

HEBRUMEI 2:3

Teitii leponii tei kakum kadi keikapyii karing gotei nyiinii alung liit suleponii, kada takumpii nyiinii nlek wotangpo? Bangpii sekpiinii karei reisang kito keikapyii karing ai saa mpat takle, sateichii mpounii katam swikasumei hang teinii maning kariirhii gasii ai ai kasangle katupii nyii dakii ma- ngoutakle,

ROMMEI 4:15

Ka- daponii ajaitingshang teipii rakarhii tei tii-mpatle, nlenii ajaitingshang kaga niteinii kem kama teido gale.

LUKNII KARYII KABI RASAM JUKAMATI 2:30

kadapochiinii luihang doi kikii nangnii tiida kapyii,

METIU 25:46

Sateichii ahnyii hang ainii kalui kaga kamage kalak nitei tat tang takle, nlenii kasang kamajyiimei hang teinii kalui kaga karing nitei tat tang takle.”

MARK 16:16

Malum kalumei ninado dwi mpum kalumei hang go tei keipyii tangle; ninado malum kasumei hang gotei tam mashyii tangle.

JONNII KARYII KABI RASAM JUKAMATI 4:36

Lingkakai ahnei karachet ahteinii kaswisii nta njoitang karam jangpii, karachet ahteinii pumjangmai doule, sateichii kalui gasii ringtang karam jangpii ti tei poi nkomle.

JONNII KARYII KABI RASAM JUKAMATI 6:58

Sating gamto kahum tiirok tei aile; peipaomei hangnii chiiwosii taikaga takum makle, tiirok ai chii kalumei hangteinii kalui kaga tiisupii ringtangle.”

TIILAMLWI KAPYIIMEI THA JUKAMATI 14:2

Nlenii malum kasu Jehudimei teinii lui kakimei lungtei riiteikai pyiisanii, kangsanamei phyiiryii teikii karyiitu takle.

HEBRUMEI 3:18

Sateichii ka- khatsam swikasu meida teikii supii, ahnyiinii mpoumah ntakbam kitei liitsang liit laklesii mpounii tadakii riishii tiipyiipo?

HEBRUMEI 3:19

Teipiinii malum kasu jangpii ahnyiinii ntakbam kitei liitpei wolak kiile katu nyiinii ngoule.