JONNII KARYII KABI RASAM JUKAMATI 3:31 - KARANU KABI SAMTAM

³¹ Sagoi gamto kagong mpou teinii hang phyiiryii satle, sazyii pouryiito kagong mpou teinii sazyii pouryii mahle, sateichii mpounii sazyii pouryii mah sam tei tamle, sating gamto kagong mpou teinii kalui kaga hang phyiiryii satle.

JONNII KARYII KABI RASAM JUKAMATI 3:31 Referans Kwoze

JONNII KARYII KABI RASAM JUKAMATI 8:23

Teito mpounii ahnyii dakii tamle, “Gonyiinii kangtole, Inii lou gamtole, Inii sazyii pouryii aito makle.

METIU 28:18

Jisunii ahnyiida manang gongsii tamle, “Sating ninado sazyii pouryii lungto kalei teimaham hangtei gudakii pyiibam takle.

ROMMEI 9:5

Ahnyii teinii Hebrumei peipao dato lung humle, sateichii meinah hangninii tiisii Krista tei, ahnyii mah atat areng kitole, kalei kaga hang pyiiryiito apum tiikalei Saraago tei kalui gasii tam matoi matulo. Amen.

JONNII KARYII KABI RASAM JUKAMATI 6:33

Kadapokii sating gamto humsanii sazyii pouryii dakii karing kapyii tei Saraa mah tiirok teile.”

1 JON 4:5

Ahnyiinii sazyii pouryii mahle, teijangpii ahnyiinii sazyii pouryii sam tamle, sateichii sazyii pouryiinii ahnyii sam tei shiile.

JONNII KARYII KABI RASAM JUKAMATI 6:51

Sating gamto kahum ringkalei tiirok tei I-le, mei kata hangninanii tiirok ai chii le- ponii, kalui gasii ringtangle sateichii sazyii pouryii meinii ringtang karam jangpii Inii pyiitang karam tiirok tei gumah kamyii teile.”

MATIMANGOU KAPYII 19:16

Sateichii Ahmah peijou kathang kiteikii ninado ahmah liikang gam teikii, “Sagong- mei hangmah sagong, ninado Abangmei hangmah Bangpii,” sii ryii kabam zei ai leile.

1 PITAR 3:22

Mpounii sating gam khiisii Saraamah bah ajiilamto bam takle. Sating gamlui hangdo, sating gam mah teimaham kajum hangdo, sateichii pumtei kalei hangdo, mpoukang nkang matu takle.

JONNII KARYII KABI RASAM JUKAMATI 1:27

Mpoumah pichot ring tei Inii loktoi tang karam Inii kajyii makle.”

TIILAMLWI KAPYIIMEI THA JUKAMATI 10:36

mpounii Isrelmeinah hang dakii samtei lang magongpyiile, (Mpounii mahlyiihang mah Bangpiile.)

HEBRUMEI 9:1

Sateichii sat tang karam samtam karei katangpiinado ajai ninado meinahnii katii kamatei bam tei leile.

JONNII KARYII KABI RASAM JUKAMATI 1:30

Inii tam kalei Mpou tei aile, ‘gusung dikaki mei hangninii gutaito gong leile, nlenii mpounii gusung dikile, dapokii n-gu lung kasunato mpounii leitakle,’ sii Inii tam kalei mpou tei aile.

JONNII KARYII KABI RASAM JUKAMATI 1:15

Jon-nii mpoumah kaang kito sakchyii tiisii saasii tamle, “Inii tam kabam ‘Ah tei aile, gutaito gongkalei mei Mpou teinii gusung dibuile; dapokii mpounii gudoi reile.’ ”

JONNII KARYII KABI RASAM JUKAMATI 3:30

Mpounii moiki tang karamle nlenii Inii tham buibui tang karamle.”