JONNII KARYII KABI RASAM JUKAMATI 3:29 - KARANU KABI SAMTAM

²⁹ Myiipeipwi go pang kalu mpou tei nou katii sapfii mpou teile. Nlenii kuto satpii mpou sam shiisii kalei nou katiipii mah kangmei teinii, nou katiipii mah rok shii wosii ntale, gumah ka-nta tiimashang kapyii teinii aile.

JONNII KARYII KABI RASAM JUKAMATI 3:29 Referans Kwoze

METIU 9:15

Jisunii ahnyiigo khekalatle, “Nou tiitang karampii teinii myii kapangki gonghaisii kalei meigo kaswisii bam kaleitatei ahnyiinii swi mage wobuipo?” Ahnyii kak kito nou tiitang karampii gotei poitoi tang karam tinglang leimik tei gong tangle, satei- chii teito ahnyiinii malotryii tangle.

MATIMANGOU KAPYII 21:9

Teito kalui sararahum sana teipiinii tokryii kalei kok sana poikalei sating gamlui sana kak kito hangninanii gong n-gu sam rashiisanii tamle, “Patlo, Inii n-go amyiipeipwi katunii, Jaonah mah noutei mangoule.”

PILIPIMEI 2:2

Inii gonyiigo khangleile katunii, kamaning lung- swi hangninii leisii, sateichii njoi katu lungkasyii kito njai poi njoisii, sateichii rakot lamto ninado lungswi lamto hangninii tiisii, n-gu matwi mashangsii tii ntapyiilo.

JONNII KARYII KABI RASAM JUKAMATI 16:24

Aitoi katang gonyiinii gu zei kito mah kado khang makle; Khanglo, katunii gonyii mah ka-nta tei matwi mashang matu tang karam jangpii gonyiinii doutangle.

1 JON 1:4

Nyiimah ka-nta ai matwi mashang matu tang karam jangpii nyiinii ai ai ryii leile.

2 KORENMEI 11:2

Saraanii lung kanhii takumpii, gonyii jangpii Inii lungkanhii hang- kapii leile; sapwimei hangninanii mpoupeigo manou tang lesii n-nhii- tak kalei sapfiimei hangniniigo bisii kalei, sateichii myiikapang leimik tei gong kasuta mateisii kalei takum- piinii, gonyiinii Jisu Kristago tiigatpii matwi mashangsii bisii kalei tei Inii mareile.

LUKNII KARYII KABI RASAM JUKAMATI 15:6

sateichii mpounii ki gong sek-kii, mpou kanghemei sateichii ki tiinanapamei hang go lat magong siinii, ahnyii dakii tamle, ‘N-gu kaswisii ntale, dapochiinii maga kalei gu Jaonah tei Inii douwo takle.’

METIU 25:1

“Tei tinglangki sating gam sazyii tei ahnyii mah thaomi poisii nou tiitang karam sapfii mpougo kadoutang karam jangpii tat kapat ralhiimeinah kearii takum tangle.

2 JON 1:12

Inii gonyii dakii hangka ryii kanyii leikado, Inii larek ninado mukdwi ai jumlak takle, nlenii teitungpii, nyiimah ka-nta ai matwi mashang kabui tiisii Inii gonyiida gong gonyiigo ju kadousii karashii tanglesii Inii maning malumle.

JONNII KARYII KABI RASAM JUKAMATI 17:13

Nlenii aitoinii Inii goda gongleile; sateichii ahnyiinii mpou mpou lung kito gumah ka-nta tei matwi mashangsii leimatu tang karam jangpii sazyii pouryiito samhang ai Inii tam leile.

METIU 22:2

“Sating gam sazyii teinii mpounah sapfii mpou jangpii myiikapang mah takbai pyiikalei sagong hangninii takumle,

JONNII KARYII KABI RASAM JUKAMATI 3:30

Mpounii moiki tang karamle nlenii Inii tham buibui tang karamle.”

JONNII KARYII KABI RASAM JUKAMATI 15:11

“Gumah ka-nta ai gonyii dato leimatu tang karam jangpii; sateichii gonyii mah ka-nta tei matwi mashang matutang karam jangpii, sam hang ai Inii gonyii dakii tam takle.