Biblia Todo Logo
Bib sou entènèt

- Piblisite -




JONNII KARYII KABI RASAM JUKAMATI 3:2 - KARANU KABI SAMTAM

2 Mei aipou ainii tinghum Jisuda gongsii mpou dakii tamle, “Rabbi, (katunii Madhiikapyiipii) nangnii Saraa dato kagong ralika- pyiimei hangniniile katu tei nyiinii tile, kadapokii nangnii tiikalei siitihang ai Saraanii mpougo kaswi suleponii, meikaniido tiiwo lakle.”

Gade chapit la Kopi




JONNII KARYII KABI RASAM JUKAMATI 3:2
30 Referans Kwoze  

Nlenii Jon mah sung kisii kadi sakchyii tei gumah leile; kadapokii tiimashang matutang karam jangpii gudakii pfiinii pyiikabam tha, Inii tiikalei tha teipiinii, Pfiinii n-gu lang magongle katu gumah kaang kito sakchyii pyiile.


teiteinii Nazaret ki Jisu rasam teile, kada takumpii mpougo Saraanii rangii kamatei ninado teimahampii thao manuk kaipyiisii mpounii tatsii tatsii tha kabi tei tiiwopo sateichii sara kashyiinii kaswi kaleimei go tii mbipyiipo katu teile; kadapokii Saraanii mpougo kaswipyiisii leile.


“He Isrelmeinah, sam hang ai shiipyiilo–Nazaretki Jisu, Saraanii gonyii kak kito mpou tha kadi ninado kamadat tha hang sateichii tiika- mangou hang kamangou, teipiinii mpou ai Saraanii mazhii kapyiimeile katu tei gonyii pum sekpiiniido tile.


Farasismei kangkanii tamle, “Mei aipou ai Saraa dato makle, kadapokii mpou ai bam ntak piinei leimik ryiimakle.” Nlenii kakimei kangkanii tamle, “Kem katiimeinii ai kakum tiikamangou siiti ai kada takumpiinii tiiwo tangpo?” Ahnyii kak kiteito njairiit riit pat takle.


Mpounii tiika- mangou siiti hangniikii ahnyii doito tiikido, ahnyiinii mpougo malum makle;


Teito Jisunii nryiigongsii, ahnyiinii taiswi kalei tei ngou wosek-kii ahnyii dakii tamle, “Gonyiinii dapei fiileipo?” Teito ahnyiinii mpou dakii tamle, “Rabbi” (katunii Madhiikapyiipii) “Nang daki lungleipo?”


Sateichii ahnyii- nii Herot tai kaswimeigo kaswisii ahnyii mah boumeigo lang magongsii tam matule, “Madhiikapyiipii, nangnii kasangle, sateichii Saraamah kasang pwidi tei kasang kasangpii ralipyiile sateichii mei kagodo hingmakle katu nyiinii tile, kadapokii nangnii mei-ju juleimakle.


Nlenii mei hangkanii mpougo malum wosanii tamle, “Kristanii kagong tinglang kak, mei aipounii tiikatu tiikamangou siiti hang doito kisii ahnii tiiwo tangpo?”


Jisunii mpoupei dakii tamle, “Meri” mpoupeinii nryiigong mpou dakii Hebru latpii tamle, “Rabboni!” (Katunii Madhiikapyiipii katu gole.)


Mei kaniido tiikasu tha tei Inii ahnyii kak kikii tiimangou suleponii, ahnyiimah kem tei leilakle; nlenii aitoinii ahnyiinii n-gudo gu Pfii godo ngoudo ngoutakle sateichii ngoudo ngourou takle.


Sateichii ahnyiinii Jonda gongsii mpou dakii tamle, “Rabbi, (Katunii Madhiikapyiipii) leimik kapatlam Jordan kiteito n-go kaswisii kalei, mpoumah kaang kito nangnii sak- chyii pyiikalei sapfii mpoutei, julo, mpounii dwi mpum pyiisii leitakle ninado meihangnii mpouda gongsii leitakle.”


Teito ahnyiinii mpouda gongsii tamle, “Madhiikapyiipii, nangnii kasang sam tam leile katu nyiinii tile, sateichii nangnii meigo kado hinglei makle, kadapokii nangnii kasana kasagoi julei makle, nlenii Saraa mah kasang pwidi tei Nangnii tam ralipyiile. Nyiigo tam pyiilo, Sijar-go aha kapyii ai ajai makpo? Nyiigo pyiilo manii pyii sulopo?”


Sateichii kabang kikii n-gu kabang jangpiinii kangsanamei kamoilamgo Bangpii zei kikii malumwo takle, sateichii kahing gasii Saraamah samtam tei tam tang karam jangpii lungdi tutakle.


Sa- teichii salikijangto meinii salam kapyii ninado meinii ‘Rabbi’ sii kalat tei mareile.


Nlenii Rabbi lat lak tang karamle, kadapokii gonyii mah madhiikapyiipiinii hangninii roiniile, sateichii gonyiihangnii sanameile.


Mpoumah tiikamangou siitihang mah karei reisang ai, Galili kito kalei Kena kito Jisunii tiimangou takle, teito mpoumah pumtei kava tei mati mangoutakle, ninado mpoumah bou- meinii mpougo malum wotakle.


Teitinglang aikak kitei boumei- nii mpou dakii tamle, “Rabbi, mah chii wolo!”


Sateichii meimoinii mpoutai swileile dapochiinii mpounii rakanimei dakii tiikamangou siiti hangtei ahnyiinii ngoutakle.


nlenii Inii tiiziileponii, gonyiinii n-gu malum mak kido, Pfii teinii gudato leile sateichii Inii Pfii dato leile katu gonyiinii tigong tang karam jangpii tha hangtei malumlo.”


Inii Pfii dato leile ninado Pfiinii gudato leile katu nang malum makde, Filip? Jisunii mpou boumei dakii tamle, Gonyii dakii Inii tam kabam samkang hang ai gudato gongmakle, nlenii gudato kalei Pfii- nii mpoumah tha tei tiileile.


Swiv nou:

Piblisite


Piblisite