JONNII KARYII KABI RASAM JUKAMATI 3:19 - KARANU KABI SAMTAM

¹⁹ Sateichii samtak katii tei aile, katunii Kava tei sazyii pouryii gongtakle, nlenii meinahnii kava goteisung kamyii gotei kisii maraile, dapokii ahnyiimah tha hangtei shyiile.

JONNII KARYII KABI RASAM JUKAMATI 3:19 Referans Kwoze

JONNII KARYII KABI RASAM JUKAMATI 8:12

Jisunii nlailoisii ahnyii dakii tamle, “Inii sazyii pouryii mah kavale; Gutai swikaleimei teinii kamyii kito tat lakle, nlenii karing mah kava tei doutangle.”

2 THESOLONIKAMEI 2:12

sateichii ahnyiinii kasang kasu gotei malum matu tang karam jangpii Saraanii ahnyii phyii- ryiikii kama mah katei teimaham tei ahnyiikak kito tha tiimatu tang karam jangpii lang magongle.

ROMMEI 2:8

Sateichii mei kangkanii mpou jangpii roinii fiisii kasang kamajyii gotei mazhii supii kama tai swi kanyiimei gotei Sa- raanii ahnyii phyiiryiikii mpoumah rakarhii ninado ngou kahing tei rui mpat tangle.

JONNII KARYII KABI RASAM JUKAMATI 12:43

Kadapokii Saraanii tam kamatoi sung meinii tam kamatoi tei ahnyiinii kisii marai takle.

ROMMEI 1:32

Aikatii tha tiisii kaleimei teinii tai majyiile katu tei mei aimeinii Saraamah kakhatsam tei tisii teitei katii roisupiinii tei tha katii meihang godo mazhii pyii takle.

JONNII KARYII KABI RASAM JUKAMATI 5:44

Saraa dato kagong tam kamatoi gotei gonyiinii fiisupii hangninanii hangninii dato tam kamatoi tei poisii, gonyiinii kada takumpii n-gu malum wotangpo?

2 PITAR 3:3

Karei reisang kito gonyiinii ai ai tilo, katunii, kalui tinglang ki hoksii kanuimeinii ahnyii pumzainii kamarei ka-ntha hang teitei swisii, hoksii kanui tei njasii gong tam tangle,

JONNII KARYII KABI RASAM JUKAMATI 1:4

Mpou dato karing tei leile, sateichii karing tei meinah mah kava teile.

LUKNII KARYII KABI RASAM JUKAMATI 12:47

“Sateichii mpou pumpiimah kamaning kamarei tei tiwosanii, da tiida kasu sateichii mpou mah apum- piinii kamaning kamarei taiswisii tiikasu ki kaleipii gotei dat m-moi tangle.

1 PITAR 2:8

Sateichii kabi rasam kaki kito tamle, “Meigo pi pasui matutang karam kuitu, ahnyiigo tiikou tang karam kuitu kadi tei aile.” Ahnyiinii pi pasuile, dapokii ahnyiinii samtam tei swimakle; tei kakum tei ahnyii jangpii Saraanii reipii tiida kabam teile.

JONNII KARYII KABI RASAM JUKAMATI 7:7

Sazyii pou- ryiinii gonyiigo ngouroupei wolakle, nlenii sazyii pouryiimei mah tha ai shyiile honglesii Inii sazyii pouryii mah kaang kito sakchyii kapyii jang- piinii n-gunii ngouroule.

JONNII KARYII KABI RASAM JUKAMATI 7:17

Mei kata hangni- nanii mpoumah kamaning kamazhii tei tiinyii leponii, ralikapyii ai Saraa dato manii, mak-kii gumah teima- ham kito tam leipo katu aimah kaang kito ahnii titangle.

LUKNII KARYII KABI RASAM JUKAMATI 16:14

Sanahgo kamarei, Kabijai katiimei teinii tam kalei hangtei shii wosanii, ahnyiinii Jisugo hoksii nuile.

JONNII KARYII KABI RASAM JUKAMATI 1:5

Kava teinii kamyii kito vasii leile, sateichii kamyii teinii teigotei ngam womakle.

JONNII KARYII KABI RASAM JUKAMATI 9:5

Inii sazyii pouryiito kaleita, Inii sazyii pouryii mah kavale.”

JONNII KARYII KABI RASAM JUKAMATI 12:31

Sazyii pouryii aigo samtak tiitang karam tinglang tei aitoile, sazyii pouryii mah apum katiimeigo baatoi tang karam tinglang tei aitoile.

JONNII KARYII KABI RASAM JUKAMATI 12:46

N-gu kamalum mei hangteinii kamyii kito lei matulak tang karam jangpii, Inii kava tiisii sazyii pouryii gongtakle.