JONNII KARYII KABI RASAM JUKAMATI 21:22 - KARANU KABI SAMTAM

²² Jisunii mpou dakii tamle, “Inii gong kasuta mpounii leikatu ai Inii kamaning kamazhii leponii, teiteinii godato kadatakum tangpo? Gutai swi wolo!”

JONNII KARYII KABI RASAM JUKAMATI 21:22 Referans Kwoze

MARK 9:1

Sateichii mpounii ahnyii dakii tamle, “Inii gonyii dakii kasang- pii tam leile, aikito satsii kalei ahnyii mei kangkanii Saraa mah sating sazyii tei teimaham haisii kagong ngou kasuta taiga lakle.”

MATIMANGOU KAPYII 2:25

Nlenii gonyiinii doukalu tei Inii gong kasuta tiigatpii sangtingsii jum wolo.

1 KORENMEI 4:5

Teijang- piinii Bangpii gong kasuta, tinglang kasunakii meigo kado samtak tiisulo; aitoi kamyii kikii kabai kabam mah hangtei mpounii kava kikii poi mpat tangle, sateichii lungswi mah tiitang karam kamaning hangtei mangou tangle. Sateichii tei tinglang kak meihangnii Saraa dato mpou mpoumah dou kamajyii tam kamatoi tei doutangle.

MATIMANGOU KAPYII 3:11

I-kalangsii gongtu tang takle, meikaniido gomah phyiihung tei poitoi matu kasu tiisii, gomah kalei tei tiigatpii jum wolo.

JEMS 5:7

Teijangpii gukangsanamei, Bangpii gong kasuta lung leh kati tei leilo. Julo, tha kathamei hangninanii mpoumah sazyiimah ti mati matu tang karam jangpii mpounii daziikapii lung lehtisii koisii leipo? Hiiboi tingryii karei ninado hiiboi tingryii kana gotei mpounii lung lum kasarhiisii koileile.

1 KORENMEI 11:26

Kadapokii gonyiinii tiirok ai kachiita, sateichii peek ai kasakta, Bangpii gong kasuta tei gonyiinii mpoumah katai tei tam mati leile.

JONNII KARYII KABI RASAM JUKAMATI 21:19

Mpounii kadapei tiit piinii Saraago pumtei kava tei pyiitangpo katu tei mati tang karam jangpii, ai ai mpounii tamle, sateichii ai ai tam kalaitai Jisunii Mpou dakii tamle, “Gutai swi wolo.”

METIU 24:44

Teijangpii gonyiido tiikada tang karamle, kada- pokii gonyiinii maning kasu tinglang ki meinah sapfii mpou tei gong tangle.

MATIMANGOU KAPYII 22:20

Aihang dakii sakchyii pyii kalei ah teinii tamle, “Nle, I-kalangsii gong tangle.” Amen, gongpyiilo, Bangpii Jisu!

MATIMANGOU KAPYII 22:7

Sateichii, “Julo! I-kalangsii gong tangle! Larek aikito saa mpat kabam sam hang gotei ryiikalu ah teinii sadoibile!”

MATIMANGOU KAPYII 1:7

Julo, Mpounii kamong gotei ka- swisii gong leile; sateichii meihangnii, sateichii mpougo nghiipii kahuimei tei haisii mpougo ngoutangle; sateichii sazyii pouryii luihangnii mpou kaang kito kamadak tangle, nle, teitii tangle, Amen.

METIU 25:31

“Meinah sapfii mpou teinii mpoumah pumtei kava kito, sating gamlui hang go kaswisii kagong tinglang kak, mpoumah pumtei kava mah sagong bam kitei mpounii bam tangle.

METIU 24:27

Kadapokii leimik kapat lamto sating kapeek sek-kii leimik kaliit- lam katang vakatu takumpii meinah sapfii mpou tei gong tangle.

METIU 24:3

Jisunii Olip zang gamto bam kalei kak, Boumei teinii makumpii gong n-nhiile, “Aihang ai kadadou pat tangpo, sateichii gomah kagong ninado sazyii pouryii kalui mah tiikamangou siiti tei kadapei tangpo?” nyiidakii tam pyiilo.

METIU 8:22

Nlenii Jisunii mpou dakii tamle, “Gutai swi wolo, sateichii kataimei teinii ahnyiimah katai gotei tiigoi matulo.”

METIU 16:24

Teito Jisunii mpou boumei dakii tamle, “Mei kata hangninanii gutai swinyii leponii, mpounii mpouroinapii mpougo mazhiisu matulo sateichii mpounii mpoumah Krosh tei poi ma- tusii gutai swi matulo.

JONNII KARYII KABI RASAM JUKAMATI 21:21

Teijangpii Pitarnii mpougo ngou wosanii mpou dakii tamle, “Bangpii, mei aipou mah kaang kitonii kada takum tangpo?”

1 THESOLONIKAMEI 2:19

Kadapokii nyii Bangpii Jisunii kagong tinglang kak mpou doito nyiimah maning kamalum, ka-nta mak-kii detdi tang karam kaang tei kadapeipo?

JEMS 5:8

Gonyiido lung lehtilo, gonyii lung tiisangtinglo, ka- dapokii Bangpiimah kagong tinglang tei natakle.