JONNII KARYII KABI RASAM JUKAMATI 21:20 - KARANU KABI SAMTAM

²⁰ Pitarnii nryiigong katu kak, Jisunii lungkasyii boumei teinii ahnyiigo taiswikalei tei ngoutakle, ah teinii tingkhii malot chii katu tinglang kak mpou mah takhou gamto bhangsii, “Bangpii, n-go schoi choikai tang karam tei tapo” sii katampii teile.

JONNII KARYII KABI RASAM JUKAMATI 21:20 Referans Kwoze

JONNII KARYII KABI RASAM JUKAMATI 21:7

Jisunii lungkasyii boumei teinii Pitar dakii tamle, “Ai ai Bangpiile!” Ai ai Bangpiile katu tei Saimon Pitar nii shii wosek-kii, mpounii peimani tei kai wotakle (kadapokii mpou tei tha tiitang karam jangpii nat loktoi aitakle) ninado dwilung sokliit takle.

JONNII KARYII KABI RASAM JUKAMATI 20:2

Teipiinii mpoupeinii pakmaa sanii Saimon Pitar ninado Jisunii lungkasyii boumei kaki hangninii datei gongsii ahnyii dakii tamle, “Ahnyiinii Bang- piigo roubam kiteito poitoi aitakle sateichii ahnyiinii mpougo kada kikii kai aipo nyiinii timakle.”

JONNII KARYII KABI RASAM JUKAMATI 21:24

Aihang mah sakchyii kapyii ninado aihang ai ryii katu boumei tei aile; sateichii mpoumah sakchyii ai kasangle katu nyiinii tile.

METIU 26:46

Gungkhii wolo, nje tat tule, julo, n-gu schoi-choikakai mei tei aiki leitakle.”

JONNII KARYII KABI RASAM JUKAMATI 21:21

Teijangpii Pitarnii mpougo ngou wosanii mpou dakii tamle, “Bangpii, mei aipou mah kaang kitonii kada takum tangpo?”