JONNII KARYII KABI RASAM JUKAMATI 20:31 - KARANU KABI SAMTAM

³¹ nlenii Jisu ai Saraa nah sapfii mpou Kristale katu tei gonyiinii malum matutang karam jangpii sateichii malum wosii gonyiinii mpou zei kito karing tei doumatutang karam jangpii aihang ai ryiikai bamle.

JONNII KARYII KABI RASAM JUKAMATI 20:31 Referans Kwoze

TIILAMLWI KAPYIIMEI THA JUKAMATI 10:43

Lungkakalingmei hangnii mpou kaang kito sakchyii tiile, katunii mpougo kamalum meihangnii mpou zei kito kem maga kapyii tei doutangle.

1 JON 5:1

Jisugo Kristale katupii kamalum meihangnii Saraa nahmeile sateichii Pfiigo lungkasyiimei hang- teinii mpougodo lungsyiile.

1 JON 5:20

Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.

1 JON 4:15

Jisu Kristago Saraa nah sapfii mpoulesii kata kangkanii tam mpat leponii, Sa- raanii mpou dato sateichii mpounii Saraa dato taksupii leile.

JONNII KARYII KABI RASAM JUKAMATI 3:36

Nah sapfii mpou gotei malum kalumei teinii kalui tiikasu karing tei doutakle, nlenii nah sapfii mpou sam swikasumei hangteinii karingtei doulakle, nlenii Saraa mah rakarhii tei mpou gamto leile.

JONNII KARYII KABI RASAM JUKAMATI 3:18

Mpougo kamalum mei goteinii samtak tiipyii makle, malum kasu- mei hang goteinii samtak tii aitakle, kadapokii mpounii hangniniisang hangninii roinii kalei Saraa nah sapfii mpou gotei malum makle.

2 JON 1:9

Mei kata hangninanii Kristamah karali gotei kaswisii leikasu, nlenii teigo majusii tat kalei teinii Saraago doumakle. Kristamah karali kito kaleimei hang teinii Pfii godo, nah sapfii mpou godo doule.

JONNII KARYII KABI RASAM JUKAMATI 6:40

Kadapokii gu pfiinii kamaning kamazhii tei aile, meinah sapfii mpou gotei ngouwosii, ahgo malum kalumei hangteinii kalui kaga karing doumatu tang karam teile, Sateichii Inii ahnyiigo kalui piinei leimik tiimaringpyii tangle.”

JONNII KARYII KABI RASAM JUKAMATI 19:35

Sateichii gonyiiniido malum matutang karam jangpii mikpiinii ngou kalu ah teinii sakchyii tei pyiitakle, sateichii ah mah sakchyii tei kasangle ninado ahnii kasang tam leile katu Mpounii tile.

JONNII KARYII KABI RASAM JUKAMATI 20:28

Thomasnii mpougo khekalatle, “Gu Bangpii ninado gu Saraa!”

JONNII KARYII KABI RASAM JUKAMATI 10:10

Karagamei teinii raga tang karam jangpii ninado gitang karam jangpii sateichii tiimaga tang karam jangpii roinii gongle. Inii gonyiinii karing tei doumatu tang karam jangpii sateichii teitei moisii doumatu tang karam jangpii gongle.

JONNII KARYII KABI RASAM JUKAMATI 5:24

“Inii gonyii dakii kasangpii tam leile, gusam shiisii ninado n-gu lang kamagong ahgo malumsii kalei ahteinii kalui kaga karing tei doutakle; sateichii samtak katii kitei ahnii hailakle, nlenii ahnii katai kito karingki kaamajupat wotakle.

LUKNII KARYII KABI RASAM JUKAMATI 1:4

Dapochiinii nangnii madhii kaluhang mah kasang tei tiwo kabui jangpiinii.

METIU 16:16

Simon Pitarnii khekalatle, “Nang karing Saraanah sapfii mpou teile.”

LUKNII KARYII KABI RASAM JUKAMATI 24:47

Sateichii Jerosalem sekto haosii Lui kaki hang dakii mpou zei kito lung kakali ninado kem kama maga kapyii tei tamroi tang karamle;

MARK 16:16

Malum kalumei ninado dwi mpum kalumei hang go tei keipyii tangle; ninado malum kasumei hang gotei tam mashyii tangle.

METIU 27:54

Sateichii saryiimei mei hai phyiiryii kasatpii nei mpougo kaswisii Jisugo koikalei mei teinii malyii kachyii ninado pat kalei hangtei ngou wosek-kii, hangkapii hingsii tamle, “Kasangpii mpou ai Saraa nah sapfii mpoule!”

TIILAMLWI KAPYIIMEI THA JUKAMATI 9:20

Sateichii mpounii Jehudimei mah ndwini hangki tei liitsii, “Jisu ai Saraanah sapfii mpoule” sii tam ralipyiitu takle.

TIILAMLWI KAPYIIMEI THA JUKAMATI 8:36

Sateichii ahnyiinii aitiisii pwidi lamto tatleibangpii dwi kalei nitei gong wotakle; teito Ithopiyamei mi katupii teinii tamle, “Julo, aiki dwi lei takle, n-gu dwi mpumpyii tang karam kito kadapei kadang leipo?”

TIILAMLWI KAPYIIMEI THA JUKAMATI 3:16

Sateichii mpougo kamalum kito gonyiinii ngou kalei ninado tikalei sapfii mpou aigo mpou zei teipiinii tiisangtingpyii takle; nle mpou paikito kamalum tei piinii gonyiihang doito mpougo tii-mbi kapyii ai pyiitakle.

JONNII KARYII KABI RASAM JUKAMATI 1:49

Nathanelnii mpougo khekalatle, “Rabbi,” (katunii Madhiikapyiipii) “Nangnii Saraa nah sapfii mpou teile, Nang Isrelmeinah mah Sagongle.”

MATIMANGOU KAPYII 2:18

“Sateichii Thyatira kito kalei Charshmah rangii dakii ryiilo: mi mishong takum katu mik kapung ninado piitmatei kalei kamaleek sa- nahgyii takumpii vakalei pi kouzhii kapung, Saraa nah sapfii mpou teinii sam hang ai tam leile.

1 PITAR 1:9

Gonyiinii hangkapii nta rangale, dapokii gonyiinii Jisu Kristago kamalum kito doukalu, kei- kapyii karing tei gonyiigo pyiitakle.

METIU 4:3

Teito Seitan teinii mpouda gongsii “Nang Saraa nah Sapfii mpou lepochiinii, kuitu hang ai tiirok ndat tolosii kakhatlo,” sii tamtakle.

LUKNII KARYII KABI RASAM JUKAMATI 1:35

Teito Sating gamlui teinii mpoupei dakii tamle, “Rangii kama- tei teinii go phyiiryii humpyii tangle, Sateichii sagoi kaki mah teimaham teipii n-go akhii lakpyii tangle; teijang teipii lungtang karam nah tei Saraa nah, kamatei sii lat tangle.

TIILAMLWI KAPYIIMEI THA JUKAMATI 8:37

(Teito Filipnii tamle, Golung matum madum haisii malum takle leponii mazhiile, teito mpounii khekalatle, Saraa nah sapfii mpou tei Jisu Kristale katu Inii malumle.)