JONNII KARYII KABI RASAM JUKAMATI 20:21 - KARANU KABI SAMTAM

²¹ Jisunii ahnyii dakii nlailoisii tamle, “Kamajung tei gonyiigo kaswi matulo. Gu Pfiinii n-gu lang ka-mpat takumpii, Iniido gonyiigo lang mpat leile.”

JONNII KARYII KABI RASAM JUKAMATI 20:21 Referans Kwoze

JONNII KARYII KABI RASAM JUKAMATI 13:20

Kasang kasangpii Inii gonyii dakii tam leile, Inii lang kamagongmei kata hangniniigo lukakaimei hangteinii n-gu lukaile sateichii n-gu lukakaimei hangteinii n-gu lang kamagong ahgo lukaile.”

JONNII KARYII KABI RASAM JUKAMATI 3:17

Daponii Saraanii meinah sapfii mpou gotei Sazyii pouryiigo samtak tiimatu tang karam jangpii sazyii pouryiikii lang m-mang makle, nlenii mpou paikito sazyii pouryiigo keipyii matu tang karam jangpiiniile.

TIILAMLWI KAPYIIMEI THA JUKAMATI 1:8

Nlenii rangii kamatei teinii gonyii phyiiryii humpyii sekchii, gonyiinii teimaham tei doutangle, Sateichii gonyiinii Jerosalemto Ju- diya ninado Samariya sazyii hang kikii, sateichii sazyii pouryii nlai katang tei gumah sakchyii tiitangle.”

2 TIMOTHI 2:2

Sateichii sakchyii meihangkii doito nangnii gudato shiikalu tei mei kakimei dakiido ralipyii kabuimei dakii tiilosii tampyiilo.

METIU 10:40

“Gonyiigo lukakai mei teinii n-gu lukaile, sateichii n-gu lukakai mei teinii n-gu lang kamagong ah go lukaile.

METIU 10:16

“Julo, Inii gonyiigo Sanyii kak kikii Jaonah takumpii lang mpat leile. Teijangpii gonyiinii Sanhii takumpii sakailo, sateichii mahou takumpiinii lung manoilo.

JONNII KARYII KABI RASAM JUKAMATI 14:27

“Kamajung ai Inii gonyii dakii kaidek leile, ai ai Inii gonyii dakii pyiikalei, gumah kamajung teisekle. Sazyii pouryiinii pyii kalei takumpii Inii gonyii dakii pyiimakle. Gonyii lungnaangsii lungnyii lunghao sulo, hingsulo.

HEBRUMEI 3:1

Teijangpii Saraanii lat kalu, kamatei gukangsanamei, nyiinii tam mpatsii kalei kamalum mah kanat kajum tingdipii tiimatu tang karam jangpii Saraanii lang m-mang kapyii Jisu gotei maninglo.

JONNII KARYII KABI RASAM JUKAMATI 20:19

Hapta kito leimik karei, teipii- nei tingkhiilam pang tei, Jehudimeigo kahing jangpii boumeinii kalei ki takam hangtei takam aisii kabam kito, Jisunii gongsii ahnyii kak kito satsii ahnyii dakii tamle, “Kamajung tei gonyiigo kaswi matulo.”

LUKNII KARYII KABI RASAM JUKAMATI 24:36

Sateichii ahnyiinii sam ai tam leibangpii, mpou pum sek piinii ahnyii sumtei sat tosii, ahnyii dakii tamle, “Gonyiinii kamajung tei doulo!”

JONNII KARYII KABI RASAM JUKAMATI 20:22

Mpounii ai tam kaleitai, mpounii ahnyii phyiiryiikii chyiihoi kaipyiisanii tamle, “Rangii kamatei gonyiinii dou wolo.

JONNII KARYII KABI RASAM JUKAMATI 20:26

Leimik siisattai, mpou mah boumei hangtei nlailoisii kilungto leile, sateichii Thomasdo ahnyiigo kaswisii leile. Takam hangtei takam aitakle, nlenii Jisunii gongsii ahnyii kak kiteito sat tosii tamle, “Kama- jung tei gonyiigo kaswi matulo.”

TIILAMLWI KAPYIIMEI THA JUKAMATI 1:2

Mpougo pangkhii katu piinei leimik katang tei mpounii tha tiikahou sateichii ralipyii hou katu hang mah kaang kitole.

3 JON 1:14

nlenii Inii n-go kalangsii kadou tangle katu maning malumle sateichii nyiinii ju kadousii rashii tangle.