JONNII KARYII KABI RASAM JUKAMATI 20:2 - KARANU KABI SAMTAM

² Teipiinii mpoupeinii pakmaa sanii Saimon Pitar ninado Jisunii lungkasyii boumei kaki hangninii datei gongsii ahnyii dakii tamle, “Ahnyiinii Bang- piigo roubam kiteito poitoi aitakle sateichii ahnyiinii mpougo kada kikii kai aipo nyiinii timakle.”

JONNII KARYII KABI RASAM JUKAMATI 20:2 Referans Kwoze

JONNII KARYII KABI RASAM JUKAMATI 13:23

Boumei kak kito hangninii, Jisunii lungka- syiipii teinii Jisu doi sekto manangsii bamle.

JONNII KARYII KABI RASAM JUKAMATI 20:13

Teito ahnyiinii mpoupei dakii tamle, “He, sapwi mpei nang kadajangpii hat leipo?” Mpoupeinii ahnyii dakii tamle, “Dapodinchii ahnyiinii gu Bangpiigo poitoi aitakle sateichii ahnyiinii mpougo kada kikii kai aitakpo Inii tisutakle.”

JONNII KARYII KABI RASAM JUKAMATI 21:24

Aihang mah sakchyii kapyii ninado aihang ai ryii katu boumei tei aile; sateichii mpoumah sakchyii ai kasangle katu nyiinii tile.

JONNII KARYII KABI RASAM JUKAMATI 21:7

Jisunii lungkasyii boumei teinii Pitar dakii tamle, “Ai ai Bangpiile!” Ai ai Bangpiile katu tei Saimon Pitar nii shii wosek-kii, mpounii peimani tei kai wotakle (kadapokii mpou tei tha tiitang karam jangpii nat loktoi aitakle) ninado dwilung sokliit takle.

JONNII KARYII KABI RASAM JUKAMATI 19:26

Jisunii lungkasyii mpou pwi ninado boumei teinii kuto sat kalei tei Jisunii ngou wosek-kii, mpou pwi dakii tamle, “He sapwi mpei, Julo, gonah sapfii mpougo!”

JONNII KARYII KABI RASAM JUKAMATI 21:20

Pitarnii nryiigong katu kak, Jisunii lungkasyii boumei teinii ahnyiigo taiswikalei tei ngoutakle, ah teinii tingkhii malot chii katu tinglang kak mpou mah takhou gamto bhangsii, “Bangpii, n-go schoi choikai tang karam tei tapo” sii katampii teile.

JONNII KARYII KABI RASAM JUKAMATI 20:15

Jisunii mpoupei dakii tamle, “Sapwi mpei, nang kadajangpii hat leipo? Nang tago fiileipo?” Mpoupeinii mpougo toipyiilu kashangmeile sii maning wosanii, mpou dakii tamle, “Oja, nangnii mpougo poitoi aileponii, nangnii kada kikii kaibampo n-gu tamseilo, Inii mpougo poitune.”

JONNII KARYII KABI RASAM JUKAMATI 20:9

Kadapokii mpounii kataimei kak kiteito ringkhii tang karamle katu kabi rasam tei ahnyiinii tei tinglang kak timakle rei.