JONNII KARYII KABI RASAM JUKAMATI 2:2 - KARANU KABI SAMTAM

² Sateichii myii- kapang kiteikii Jisu godo mpoumah boumei hang godo gonghailosii lat takle.

JONNII KARYII KABI RASAM JUKAMATI 2:2 Referans Kwoze

KOLOSIMEI 3:17

Sateichii gonyiinii katalyii hang katii kito, samtam kito, mak-kii katii kapung kito pfii Saraa Jisu paito hakalang tamsii, Bangpii Jisu zeikito mahlyiihang tei tiilo.

1 KORENMEI 7:39

Naa teinii ring kaleita nou tei naa kangkii peibamle; nlenii mpoupei mah naa tei tai kalei tainii mpou- peinii kamarei sapfii mpou kitei gong tang karam jangpii mpoupeigo laat aitakle; Nlenii Bangpii dato roiniile.

HEBRUMEI 13:4

Kalakna katii ai meihangnii dzyiirou tang karamle, sateichii kalakna katii zyii tei hong matu sulo. Kadapokii sapwimei sapfiimei kashyii kahong tha katii ninado masung maha katumei hang go Saraanii samtak tiitangle.

1 KORENMEI 10:31

Teijangpii gonyiinii chii kado mak-kii sak kado, mak-kii gonyiinii katalyii tiikido, Saraa mah pumtei kava jangpii tiilo.

METIU 25:45

Tei tinglang kak mpounii ahnyii dakii khekalat tangle, ‘Inii gonyii dakii kasangpii tam leile, ai kacheng chengsang hangninii dakii gonyiinii tiiha kasutatei gonyiinii gudakii tiiha sutakle.’

METIU 25:40

Sateichii Sagong teinii ahnyiigo khekalat tangle, ‘Inii gonyii dakii kasangpii tam leile, gukang sanamei kacheng chengsang hangninii dakii gonyiinii tiikapyii tatei gonyiinii gudakii tiipyii bamle.’

METIU 12:19

Mpounii ka n-gi kazyii lakle, mak-kii kasaa lakle, mak-kii pwidi kadi hang kito mei kaniido mpou rok shiilakle.

MATIMANGOU KAPYII 3:20

Julo, Inii takam pibangto satsii kakhii leile, mei kata hangninanii gumah roktei shiisii takam tei laatpyii leponii, Inii ah dato liit tosii, Inii ahgo kaswisii sateichii ahnii n-gu kaswisii chii sak njoitangle.

JONNII KARYII KABI RASAM JUKAMATI 2:3

Jou tei tangsu takle sek-kii, Jisu pwinii mpou dakii tamle, “Ahnyii mah jou gatakle.”

JONNII KARYII KABI RASAM JUKAMATI 2:12

Aitaito Jisu ninado mpou pwi, sanamei ninado boumei teinii Kaipar- namki tat tutakle, sateichii ahnyiinii teiki leimik chengniikii bamle.

JONNII KARYII KABI RASAM JUKAMATI 2:17

“Oh Saraa, gomah ki kiteikii Inii lungliitsii kamaning tei, mi takumpiinii gulungto shongsii leile.” Sii kabi rasam kito katam tei mpou-boumeinii maning gongtakle.

JONNII KARYII KABI RASAM JUKAMATI 2:22

Teijangpiinii mpounii kataimei kak kito ring- kakhii kak, mpounii ai tam bamlesii mpou boumeinii maning gongtakle; sateichii ahnyiinii kabi rasam go- teido, Jisunii tam kabam sam goteido malum wotakle.

JONNII KARYII KABI RASAM JUKAMATI 3:22

Aitaito Jisu ninado mpou boumei teinii Judiya sazyiiki tat tutakle, sateichii teikito mpounii ahnyiigo kaswisii bamle ninado dwi mpumpyiile.

JONNII KARYII KABI RASAM JUKAMATI 4:2

(Jisu pumsekpiinii meigo kado dwi mpumpyii makle, mpou boumei roinii niile.)

JONNII KARYII KABI RASAM JUKAMATI 4:8

kadapokii mpou boumei teinii namdi kito kachii kasak maa lyiitang karam jangpii tat tutakle.

JONNII KARYII KABI RASAM JUKAMATI 4:33

Teijangpii boumei teinii hang- ninanii hangninii dakii tamle, “Mei kangkanii mpougo chiitak poigong pyiide?”

JONNII KARYII KABI RASAM JUKAMATI 6:8

Mpoumah boumei kak kito mei hangninii Saimon Pitar sanapii Andrunii mpou dakii tamle,

JONNII KARYII KABI RASAM JUKAMATI 6:12

Sateichii ahnyii hangnii moi maghii kaleitai, mpounii boumei dakii tamle, “Samah kado maga kasu tiisii, masak kalei tiirok kapang hangtei poi ndwi wolo.”

JONNII KARYII KABI RASAM JUKAMATI 6:16

Tingkhiiliit sek-kii mpou boumei teinii dwijai kitei tat hum takle;

JONNII KARYII KABI RASAM JUKAMATI 6:60

Mpoumah boumei hangkanii sam ai shii wosek-kii tamle, “Ai sam kahungle, tanii ai ai shiipei wobuipo?”

JONNII KARYII KABI RASAM JUKAMATI 6:66

Aijangpiinii Jisu mah boumei hangkanii tai nlai tutakle ninado mpougo kaswisii tatloi sutakle.

JONNII KARYII KABI RASAM JUKAMATI 6:67

Teipiinii mpounii boumei kearii- siinakhii dakii tamle, “Gonyiido tat tunyiipo?”

JONNII KARYII KABI RASAM JUKAMATI 6:70

Jisunii ahnyii dakii khekalatle, “Inii gonyii keariisiinakhiigo kalai wotak makpo? Sateichii gonyii kak kito hangninanii seitanle!”

JONNII KARYII KABI RASAM JUKAMATI 6:71

Saimon Iskariot nah sapfii mpou Judas mah kaang kito sam ai mpounii tamle, kadapokii keariisiinakhii kak kiteito hangninii ainii mpougo schoi choikaine leitakle.

JONNII KARYII KABI RASAM JUKAMATI 7:3

Teijangpii mpou sanamei hangteinii mpougo tamle, “Go boumei hang teiniido nangnii tha tiikalei tha hangtei ngoumatu tang karam jangpii, nangnii bam ai toisii Judiya sazyiiki tat tulo.

TIILAMLWI KAPYIIMEI THA JUKAMATI 11:26

Sateichii mpounii ahgo kadou wosek-kii, Antiyok ki pang gongtakle, sateichii ahnyiinii tingkum hangninii katang tei Kristanii latkalumei hang go kaswisii hangninii tiisii ndwisii, meihang go tam ralipyiile, sateichii Antiyok kito Boumeigo karei reisang tiisii Kristen sii latle.

TIILAMLWI KAPYIIMEI THA JUKAMATI 11:29

Sateichii Judiya kito kalei kangsanameigo meihangpii mpou mpounii kangam taiswisii tiiha kamaga matutang karam jangpii boumei teinii raangsii maning wotakle.