JONNII KARYII KABI RASAM JUKAMATI 2:19 - KARANU KABI SAMTAM

¹⁹ Jisunii ahnyii dakii khekalatle, “Saraa kamaningki ai tiimaga ailo, teito Inii leimik hangtum lung kikii tiimakhiiloi tangle.”

JONNII KARYII KABI RASAM JUKAMATI 2:19 Referans Kwoze

MARK 14:58

Mpounii aitiisii katam nyiinii shiile, “Meinii tiikabam Saraa ki ai Inii tiimaga tangle sateichii jangtum- nii tai meinii tiikasu kaki hangninii Inii tiimakhii tangle.”

MARK 15:29

Sateichii teiki tatpat tatliit katumei hangteinii aphyii kangumsii mpougo sam kashyii tamle; “Oh! saraaki tiikousii jangtumnii lungki- kii tiimakhii tang karampii!

METIU 27:40

“Saraa kama- ning ki tiimagasii leimik hangtum lung kikii tiimakhii kabuipii nang, goroinapii n-go kei wolo, nang Saraa nah sapfii mpou lepochiinii, krosh gam teito hum wolo.”

METIU 12:40

Kadapokii Jo- nahnii tinghum tingna leimik hang- tum kaa moilungto kabam takumpii meinah sapfii mpou teiniido tinghum tingna leimik hangtum sazyii kangto bam tangle.

ROMMEI 8:11

Sateichii Jisugo katai kito tiimaring kapyii mpoumah rangii teinii gonyii dato leileponii, Krista Jisugo katai kito tiimaring kapyii mpou teinii gonyii dato kalei mah rangii paito gonyii mah taiga kabui pumhang godo karing tei pyii tangle.

TIILAMLWI KAPYIIMEI THA JUKAMATI 3:15

Sateichii karing bangpiigo gi aitakle; mpougo Saraanii kataimei kak kito tiima- ringpyii takle, aikaang kito nyiihang- nii sakchyii tiileile.

TIILAMLWI KAPYIIMEI THA JUKAMATI 2:32

Jisu aigo Saraanii tiimaringpyii takle, tei kaang kito nyiihangnii sakchyii tii- ziile.

TIILAMLWI KAPYIIMEI THA JUKAMATI 2:24

Nlenii Saraanii katai mah kamage kalak kiteito mpatpyiisii, mpougo tiima- ringpyii takle, kadapochiinii teiteinii mpougo ngam makle.

1 PITAR 3:18

Kadapokii Saraa dakii pang gong pyii tang karam jangpii, kakui kama meihang jangpii kasang kamajyii katunii, Kristaniido kem jangpii binii taipyii takle hang jangpii; mpougo pumpot lamto tai malei takle, nlenii rangii lamto ringkhii matu takle;

ROMMEI 6:4

Teijang- piinii nyii ai dwi mpum kalu teipii mpougo kaswisii katai kiteikii poigoi aitakle, kadaponii Apfii mah pumtei kava teipii Kristago katai kito ringkhii matu kalu takumpii, nyiiniido karanu tiilung kiteito tatwo kabui jangpii.

JONNII KARYII KABI RASAM JUKAMATI 11:25

Jisunii mpoupei dakii tamle, “Ringkakhii ninado karing tei I-le, n-gu kamalum mei hangteinii tai ai kido ringtangle;

MARK 8:31

Sateichii mpounii mpou-bou- meigo ralipyiiloi tutakle, “Meinah sapfii mpou teinii kamage katu hangka doutangle sateichii kating- mei hangnii, Tingdimei hangnii ninado ajaitingshang kati ojamei hangnii mazhiilakle, mpougo gitangle, nlenii zangtumnii piinei-tai mpounii ringkhii tangle.”

KOLOSIMEI 2:12

Dwi ka-mpum kito mpougo kaswisii gonyiigo poigoi aitakle, sateichii mpougo katai meikak kito tiimaring kapyii Saraa teinii tiikalei tha kiteikii gonyiinii kamalum paikito mpougo kaswisii gonyiigo tiimaring- pyii takle.

1 KORENMEI 15:12

Aitoinii Kristago katai kito tiimaringpyii takle katu samtam tei tam ralipyii takleponii, katai kito ringkhii tang karam gasang galesii gonyii kak kito mei kangkanii kada takumpii tam wotangpo?

ROMMEI 4:24

Nlenii nyii Bangpii Jisugo katai kito tiimaring kapyiipiigo kamalum meihang, kasang kamajyii meilesii lukai pyii tang karam nyiimei hang jangpiiniido ryiibamle.

TIILAMLWI KAPYIIMEI THA JUKAMATI 3:26

Sateichii teijangpii Saraanii Mpouki kaleipiigo kalai takle ninado karei kito mpougo gonyii dakii lang m-mangpyii takle, gonyii mah kem pwidi hang kito tat nrek matusii satoi pyiitang karam jangpii.”

JONNII KARYII KABI RASAM JUKAMATI 5:19

Teipiinii Jisunii ahnyiigo khe- kalatle, “Inii gonyii dakii kasangpii tam leile, Pfiinii katiihang tei ngou- supiinanii nah sapfii mpou teinii mpou roinapii samah kado tiipei wolakle; kadapokii mpounii katii katiihangtei nah sapfii mpou teiniido teigotei njoisii tiileile.

METIU 27:63

“Oja, kachuipii teinii ringkalei tinglang kak leimik hangtum taito Inii ringkhiiloi tangle sii tam kabam tei nyiinii mangai makle.

METIU 16:21

Teitinglang sekpii Jisunii mpou boumei dakii mpounii Jerosalem ki maasii katingmei, tingdimei sateichii ajaitingshang kati ojamei bah kito kamage kalak hangka doutang karamle; sateichii gitangle ninado leimik hangtum piineinii ringkhii tangle katu ai mangoutu takle.

TIILAMLWI KAPYIIMEI THA JUKAMATI 6:14

Kadapokii Nazaret ki Jisu ainii bam ai ai tiimaga aisii Mosesnii nyii dakii pyii kabam kanat kanhii aigo tiikali tanglesii mpounii katam tei nyiinii shiitakle, katu kasang kasu sakchyii katiimei hang gotei ahnyiinii sat matutakle.”