JONNII KARYII KABI RASAM JUKAMATI 2:1 - KARANU KABI SAMTAM

¹ Teito leimik hangtum kashang piinei Galili kito kalei Kena sii kalat ranam kito myii kapang hangninii pat takle, sateichii Jisu pwi teikitei leile.

JONNII KARYII KABI RASAM JUKAMATI 2:1 Referans Kwoze

JONNII KARYII KABI RASAM JUKAMATI 4:46

Teijangpii mpounii dwipii jou tiikadat kapyii Galili kito kalei Kena kitei nlaigong takle, sateichii Kaipar- nam kito sagong mah bam njoi katu kasagoi bam poisii kaleimei hang- ninii leile, ninado mpounah sapfii mpou tei ranisii leile.

JONNII KARYII KABI RASAM JUKAMATI 21:2

Saimon Pitar, (mbiitnah sii kalat) Thomas, Galili kito kalei Kena mpfii Nathanel, Zebedinah sapfiimei hang, ninado mpou boumei kaki hangna, ahnyii ai kaswisii leile.

JONNII KARYII KABI RASAM JUKAMATI 1:43

Adoi piinei leimik tei Jisunii Galili ki gongtangle katupii sat totakle, sateichii mpounii Filip go dou wosii, Jisunii mpou dakii tamle, “Gutai swi wolo.”

METIU 12:46

Mpounii meihang dakii tam leibangpii, Julo, mpou pwi ninado mpou sanameinii mpougo sam rashii lesii kajangto sat takle.

JONNII KARYII KABI RASAM JUKAMATI 1:29

Adoipiinei tei Jisunii mpoulam pang gongkalei tei ngouwosii mpounii tamle, “Julo, Saraa mah Jaonah, sazyii pouryiimei mah kem kama hang poitoi kapyii tei!

HEBRUMEI 13:4

Kalakna katii ai meihangnii dzyiirou tang karamle, sateichii kalakna katii zyii tei hong matu sulo. Kadapokii sapwimei sapfiimei kashyii kahong tha katii ninado masung maha katumei hang go Saraanii samtak tiitangle.

JONNII KARYII KABI RASAM JUKAMATI 1:35

Adoi piinei leimik tei nlailoisii Jon nii mpou boumei hangnago kaswisii satle;

JONNII KARYII KABI RASAM JUKAMATI 2:11

Mpoumah tiikamangou siitihang mah karei reisang ai, Galili kito kalei Kena kito Jisunii tiimangou takle, teito mpoumah pumtei kava tei mati mangoutakle, ninado mpoumah bou- meinii mpougo malum wotakle.