JONNII KARYII KABI RASAM JUKAMATI 19:34 - KARANU KABI SAMTAM

³⁴ Nlenii saryiimei hangninanii mpoumah katu kalaat kikii angiipiinii hui takle, sateichii binasek-kii zai ninado dwi tei pat takle.

JONNII KARYII KABI RASAM JUKAMATI 19:34 Referans Kwoze

1 JON 5:6

Dwi nei zai njasii kagong mpou tei aile, katunii, Inii Kristale, dwi teiroinii supii, dwi nei zai kaswisii gongle.

1 JON 5:8

Kadapokii sakchyii kapyii hangtum leile: rangii, dwi, ninado zai teile, sateichii hangtum ai hangninii tiisii sakchyii pyiile.

MATIMANGOU KAPYII 7:14

Inii mpou dakii tamle, “Oja, nangnii tile,” sateichii mpounii gudakii tamle, “Ahnyii hang teinii kamage kalak kadi kiteito pat kalumei teile, sateichii ahnyiimah paijou kathang tei shyii mateisii jaonah mah zai kito tiimaha aitakle.

IPISAMEI 5:26

Dwi kito shyiisii tii- matei kalei tai charshgo Saraa dakii pyiitoi tang karam jangpii, mpounii ai ai tiile.

MATIMANGOU KAPYII 1:5

Sateichii malum kabui sakchyii, kataimei kak kito ringkhii karei, sateichii sazyii pouryii hangmah apum tiikalei Jisu Krista dato jumage kapyii ninado kamajung tei gonyiigo kaswipyii matulo. Nyiigo lungsyii kapyii mpoumah zai teipiinii nyiimah kem kito nyiigo laat mpatpyii takle;

1 PITAR 3:21

Dwi ainii teimah ajai nda tei tiisii, katunii, dwi ka-mpum teipiinii, aitoi gonyiigo keipyiile, pumpotmah kahong kara poitoi tang karam jangpii makle, nlenii Jisu Kristamah ringkakhii paikito lung mateisii Saraa dakii riishii katii teile.

HEBRUMEI 9:22

Kasangle, ajaitingshang taiswisii mahlyii hang tei zaipiinii tiimateile, sateichii zai majoumang katu tei gasii kem kaleikapyii katu tei gale.

HEBRUMEI 9:13

Kadapokii amyiinah ninado twom madang hangmah zai ninado twomnah hangmah rukatu buinei tei kanat lamto matei kasu meihang gamkii kajuikai leile sateichii kanat lamto matei kasu hangtei poitoi katu aipiinii ahnyiigo tiimateipyii leile.

TAITAS 2:14

Mpounii nyiigo kakui kama hang kito poi mpatpyii tang karam jangpii satei- chii nyiigo mpou kuto kalei kama- teimei tiimatu tang karam jangpii sateichii tha kabi tiinyii matutang karam jangpii mpou pumsek tei mpounii nyiijangpii pyiile.

1 KORENMEI 6:11

Sateichii gonyii mei kangkanii teitakumpii leile. Nlenii nyii Bangpii Jisu Krista zei kito sateichii nyii Saraamah rangii kito gonyiigo shyiido shyii matei pyiitakle, tiido tiimateipyii takle sateichii tiido tiimajyii tiimatuipyii takle.

1 KORENMEI 1:30

Nlenii Saraanii gonyiigo Krista Jisu dakii poi njapyii takle, sateichii Saraanii nyiijangpii Krista aigo nyiimah swirek kabi tiipyii takle, mpou paikito nyiihang go Saraa doito tiimadi pyiitakle; nyiinii Saraa mah kamateimei tiitakle sateichii matapii laat mpatpyii takle.

METIU 27:62

Adoi piinei katunii tiikakada piinei leimik taitei tingdimei ninado Farasismei hang teinii Pailat doito gong ndwi wosanii tamle,

TIILAMLWI KAPYIIMEI THA JUKAMATI 22:16

Sateichii aitoi nang kadajangpii koileipo? Gungtu sat wolo, Bangpii zeigo latsii dwi mpum wolo sateichii gokem hangtei shyii mateilo.

JONNII KARYII KABI RASAM JUKAMATI 19:33

nlenii ahnyiinii Jisuda patsii mpounii tai katu tei ngou wosek-kii, ahnyiinii mpou pi tei laktui sutakle.

JONNII KARYII KABI RASAM JUKAMATI 20:20

Mpounii ai tam kaleitai, mpounii ahnyiigo mpou mah bah ninado mpou mah kalaat tei mangou takle. Teito boumei hangteinii Bangpiigo ngou wosek-kii ahnyii tei nta takle.