JONNII KARYII KABI RASAM JUKAMATI 19:30 - KARANU KABI SAMTAM

³⁰ Mpounii kahengdwi tei sak wosek-kii mpounii tamle, “Sangtakle” teito mpounii mpouphyii nkuimangsii taitakle.

JONNII KARYII KABI RASAM JUKAMATI 19:30 Referans Kwoze

JONNII KARYII KABI RASAM JUKAMATI 17:4

Nangnii n-gu tiilosii kapyii tha tei tiimashang aisii, sazyii pouryiito Inii n-go pumtei kava tei pyiitakle.

PILIPIMEI 2:8

Mpounii lung manoile sateichii mpounii krosh gamto katai–katai pwidi mata tei mpounii katam kaswi mah pwidi tei tatle.

HEBRUMEI 12:2

Sateichii nyiimah kamalum mah abang ninado tiimatui kapyiipii Jisugo jusii, nyiidoi kalei pak maga tang karam tei lung leh kati tei kaswisii pakde. Ah doito kalei ka-nta jangpii ahnii kasangbam gotei samah kado maning supii Krosh tei leh wosii, Saraamah sagongbam bah ajiilam teito bam wotakle.

JONNII KARYII KABI RASAM JUKAMATI 10:11

“Inii kabi Jaokakoipii teile. Kabi Jaokakoipii teinii mpou mah Jaonah hang jangpii mpou mah karing tei pyiile.

LUKNII KARYII KABI RASAM JUKAMATI 23:46

Jisunii rok sagoisii saasii tamle, “Pfii-o, gobah kikii gu rangii pyii aitakle!” aitiisii tamsii mpounii tai takle.

ROMMEI 10:4

Kadapo- chiinii Kristanii kamalum mei hang go tiimajyii pyiitang karam ajai- tingshang mah kalui teile.

JONNII KARYII KABI RASAM JUKAMATI 19:28

Aitaito Jisunii tha hangtei aitoinii tiimashang takle katu tei tiwosii, kabi rasam tei kasangpii gong matwi matutang karam jangpii mpounii tamle, “I saryiile.”

MARK 15:37

Teito Jisunii rok sagoisii saasii taitakle.

JONNII KARYII KABI RASAM JUKAMATI 10:18

Mei kaniido gumah karing poitoi makle, nlenii Inii guroinapii mazhiisii matou pyiile; Inii teitei matou tang karam gumah teimaham leile, sateichii Inii teitei nlailoisii poiloi tang karam Gumah teimaham leile; kakhatsam ai Inii Pfii dato doutakle.”

JONNII KARYII KABI RASAM JUKAMATI 4:34

Jisunii ahnyii dakii tamle, “N-gu lang kamagong mpoumah kamaning kamazhii katii ninado mpoumah tha tiikamashang ai gumah chiitakle.

METIU 20:28

Teita- kumpii meinah sapfii mpou teinii nga-ngamatu tang karam jangpii gong makle, nlenii nga ngatang karam jangpii sateichii mei hang- kago kaleipyii tang karam jangpii mpou mah karing tei pyiilesii gongle.”

METIU 27:50

Sateichii Jisunii nlailoisii rok sagoisii saasanii, mpou chyiingai gatakle.

HEBRUMEI 9:22

Kasangle, ajaitingshang taiswisii mahlyii hang tei zaipiinii tiimateile, sateichii zai majoumang katu tei gasii kem kaleikapyii katu tei gale.

ROMMEI 3:25

Saraanii Ahgo pyiile, kadaponii kamalum paikito meinah mah kem tei mpounii karatsii taikapyii teipii meinah mah kem tei tiimateipyii matu tang karam jangpii Saraanii ai tiipyiile, mpoumah kasang kamajyii tei tiimangou tang karam jangpii. Tinglang kareiki mpoumah leh kati teipii meinah mah kem hangtei fiiseisu takle, nlenii aitoi tinglang kinii mpounii ahnyii mah kem hangtei fiisii leile, mpoumah kasang kamajyii tei tiimangou tang karam jangpii. Aitiisii Saraanii mpousek ai kasang kamajyiile sateichii mpounii Jisugo kamalum meihang go tiimajyii pyiile katu tei mangoule.

METIU 3:15

Nlenii Jisunii mpougo kheka- latle, ‘Aitoi jangpii teitii maleilo, kadaponii aitiisii nyiinii kasang kamajyii tha hangtei tiimatwi gong kajyiile,’ teito Jon-nii mazhii takle.

1 KORENMEI 5:7

Gonyii ahee hai kasu takumpii, gonyii athom kasatai tiiwo tang karam jangpii, ahee kaham tei tiimatei sagai ailo, kadapodinchii nyiimah Jehudimei mah kaakamaju hang-ngi mah jaonah, Kristago karat aitakle.

LUKNII KARYII KABI RASAM JUKAMATI 22:37

Kadaponii Inii gonyii dakii tam leile, kabi rasam kito katam, mpounii kakui kama mei mah sadoi kashyii tei dou njoile sii gu kaang kito tam kabam tei kasangpii gong tangle, Kadapochiinii gu kaang kito ryii kabam tei kasangpii gong leitakle.”