JONNII KARYII KABI RASAM JUKAMATI 19:28 - KARANU KABI SAMTAM

²⁸ Aitaito Jisunii tha hangtei aitoinii tiimashang takle katu tei tiwosii, kabi rasam tei kasangpii gong matwi matutang karam jangpii mpounii tamle, “I saryiile.”

JONNII KARYII KABI RASAM JUKAMATI 19:28 Referans Kwoze

JONNII KARYII KABI RASAM JUKAMATI 19:30

Mpounii kahengdwi tei sak wosek-kii mpounii tamle, “Sangtakle” teito mpounii mpouphyii nkuimangsii taitakle.

LUKNII KARYII KABI RASAM JUKAMATI 22:37

Kadaponii Inii gonyii dakii tam leile, kabi rasam kito katam, mpounii kakui kama mei mah sadoi kashyii tei dou njoile sii gu kaang kito tam kabam tei kasangpii gong tangle, Kadapochiinii gu kaang kito ryii kabam tei kasangpii gong leitakle.”

JONNII KARYII KABI RASAM JUKAMATI 19:24

Teipiinii ahnyiinii hangninanii hangninii dakii tamle, “Ai ai nyiinii het sude, nlenii ai ai tamah tangpo katu doikabi ju kamagale.” Ai ai kabi rasam kito tam kabam: “Ahnyiinii ahnyii kak kito gu peimani tei njai wotakle, sateichii gu peijou jangpii ahnyiinii doikabi jukamaga takle,” katu tei gong matwi matutang karam jangpiiniile.

LUKNII KARYII KABI RASAM JUKAMATI 18:31

Sateichii mpounii keariisiinakhii gotei poitaam wosii, ahnyii dakii tamle, “Julo, nyii Jerosalemki tatpi leile, sateichii Meinah sapfii mpou jangpii lungkakalingmeinii ryii kabam hangtei madou gong tang takle.

JONNII KARYII KABI RASAM JUKAMATI 18:4

Teito Jisunii mpou dato pat tang karam hangtei tiwosanii, tatpatsii ahnyii dakii tamle, “Go- nyiinii tago fiileipo?” Ahnyiinii mpougo khekalatle, “Nazaret ki Jisu” gole.

JONNII KARYII KABI RASAM JUKAMATI 13:1

Aitoinii kaakamaju mah takbai doi tei, Jisunii sazyii pouryii ai toisii tat tutang karam tinglang tei gongtakle katu titakle. Sazyii pouryiito kalei mpoumah sek katu meihang gotei sating kata mpounii lungsyiile sateichii mpounii ahnyiigo nlai katang tei lungsyiile.

TIILAMLWI KAPYIIMEI THA JUKAMATI 13:29

Sateichii mpou kaang kito ryii kabam matum madum tei ahnyiinii madougong malu kaleitai, mpougo tingphyiiryii teito poi m-mang wosii, roubam kikii kai aitakle.

LUKNII KARYII KABI RASAM JUKAMATI 9:31

Ahnyii teinii sating gam Pumtei kava kiteito gongle sateichii Jisugo karashiile mpounii Jerosalem kito taipyii siinii Saraa mah kamaning kaang tei kalang sii tiimatui tang karam jangpiinii.

LUKNII KARYII KABI RASAM JUKAMATI 12:50

Inii dwi mpum tang karam hangninii leile, sateichii ai-ai gong kasuta Inii kadaziikapii kamage tangpo!

JONNII KARYII KABI RASAM JUKAMATI 4:34

Jisunii ahnyii dakii tamle, “N-gu lang kamagong mpoumah kamaning kamazhii katii ninado mpoumah tha tiikamashang ai gumah chiitakle.

JONNII KARYII KABI RASAM JUKAMATI 17:4

Nangnii n-gu tiilosii kapyii tha tei tiimashang aisii, sazyii pouryiito Inii n-go pumtei kava tei pyiitakle.

JONNII KARYII KABI RASAM JUKAMATI 19:36

Kadapokii mpoumah rou hangninii kado tuilakle sii katam kabi rasam tei gong matwi matutang karam jangpii aihang ai aitiisii pat takle.