JONNII KARYII KABI RASAM JUKAMATI 18:37 - KARANU KABI SAMTAM

³⁷ Pailatnii mpou dakii tamle, “Teitii leponii nang sagongde?” Jisu- nii khekalatle, “Sagonglesii nangnii katam teile, kadapokii Inii kasang kito sakchyii pyiitang karam jangpii n-gu lungle ninado Inii sazyii pouryii gongle. Kasang kito kaleimei hangnii gu sam shiileile.”

JONNII KARYII KABI RASAM JUKAMATI 18:37 Referans Kwoze

JONNII KARYII KABI RASAM JUKAMATI 8:47

Saraa dato kagongmei teinii Saraamah tam ka mpat samtei shii leile, nlenii gonyiinii Saraa dato gongmakle, teijangpii gonyiinii shii makle.”

1 JON 4:6

Nyiinii Saraa mahle, Saraago katimei hangteinii nyii sam shiile, Saraamah kasumei hang teinii nyiisam shiimakle, aipii nyiinii kasangmah rangiigo ninado kasang kasu rangiigo tile.

JONNII KARYII KABI RASAM JUKAMATI 8:14

Jisunii khekalatle, “Inii guroi- napii gumah sakchyii pyii kado, gumah sakchyii teinii kasangle, da- ponii Inii kada kito gongpo sateichii kadaki tatleipo katu Inii tile, Nlenii Inii kada kito gongpo mak-kii kadaki tatleipo katu gonyiinii timakle.

1 JON 3:19

Teitii leponii nyii ai kasang kito leile katu aipii titangle. Sateichii nyii lungswinii nyiigo malesii tam ka- mashyiita,

JONNII KARYII KABI RASAM JUKAMATI 14:6

Jisunii mpougo khekalatle, “Pwi- dido, kasangdo sateichii karingdo I-le, gu paikito supii meikaniido Pfii datei gong womakle.

JONNII KARYII KABI RASAM JUKAMATI 7:17

Mei kata hangni- nanii mpoumah kamaning kamazhii tei tiinyii leponii, ralikapyii ai Saraa dato manii, mak-kii gumah teima- ham kito tam leipo katu aimah kaang kito ahnii titangle.

1 PITAR 1:22

Kristamah kakhatsam hang gotei gonyiinii katam swiwo takle, teipiinii gonyiimah kem hangtei magapyii takle, sateichii rangii lamto gonyiinii matei takle. Aipiinii gonyii kangsanameigo mateisii lungsyii matu tang karam tei gonyiigo doumatu wole. Teijangpii gonyii mei hang- ninanii hangniniigo lung matum madumpii lungsyii tang karamle.

1 TIMOTHI 6:13

Mahlyii hang go karing pyiisii kalei Saraa sateichii Pontios Pailat doito mpoumah kamalum tei sang- tingsii tam ka-mpat Krista Jisu doito, Inii n-go kakhat leile.

LUKNII KARYII KABI RASAM JUKAMATI 23:3

Teito Pailatnii mpougo n-nhiile, “Nang Jehudimei mah sagongpo?” Teito Jisunii mpou dakii khekalatle, “Nangnii tam kalei teile.”

MARK 15:2

Teito Pailatnii mpougo kachyiinhiile, “Nang Jehu- dimei mah Sagongpo?” Teito Jisunii mpou dakii Khekalatle, “Nangnii katam teile.”

1 JON 5:20

Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.

JONNII KARYII KABI RASAM JUKAMATI 3:32

Mpounii ngoukalu ninado shii kalu tei sak- chyii pyiile, nlenii mei kata hangninii kaniido mpoumah sakchyii tei lukai makle.

METIU 26:64

Jisunii mpou dakii tamle, “Nangnii tam takle, nlenii Inii gonyii dakii tam leile, tinglang aitaito meinah sapfii mpou teinii teimaham kadi kathang mah bah ajiilamto kabam ninado sating gam mah kamong gamto kagong tei gonyiinii ngou tangle.”

METIU 27:11

Aitoinii Jisunii Governor doi sat-to takle, sateichii Governor teinii mpougo n-nhiile. “Nang Jehudimei mah Sagongde?” Jisunii tamle, “Nangnii tam takle.”

MATIMANGOU KAPYII 3:14

“Laodisiya, kito kalei Charsh- mah rangii dakii ryiilo, Amen sii kalat, malum kabui ninado kasang sakchyii Saraa baichem mah apum katii Ah teinii sam hang ai tam leile.

MATIMANGOU KAPYII 1:4

Jon-nii Asia kito kalei charsh sana dakii: Tingneishang, ndoushang ninado sushang gongtang karam Ah dato, Ahmah sagong bam doito kalei rangii sanamah.

1 JON 3:14

Nyiinii katai kito majusii karing kitei liit takle katu nyiinii tile, dapodinchii nyiinii nyii sanameigo lungsyiile. Lungsyii kasu ahteinii katai kito taksupii leile.

LUKNII KARYII KABI RASAM JUKAMATI 22:70

Sateichii ahnyii hangpii tamle, “Teitii lepochiinii, Nang Saraa nah sapfii mpou teide?” Sateichii mpounii ahnyii dakii tamle, “I-le katu tei gonyiinii tam takle.”

MARK 14:62

Jisunii tamle, “I-teile,” “Satei- chii meinah sapfii mpou teinii teimaham kaleipii ajiilamto kabam ninado sating gam kamong go kaswisii kahum gonyiinii ngou tangle!”

JONNII KARYII KABI RASAM JUKAMATI 1:14

Samtam teinii pumzai ndat totakle, sateichii jumage kapyii ninado kasang teipii tokryiisii nyiikak kito lungle, Pfii mah nah sapfiimei hangniniisang hangninii roinii tiisii kalei pumtei kava takumpii nyiinii mpoumah pumtei kava tei ngoutakle.

JONNII KARYII KABI RASAM JUKAMATI 1:17

Kadapokii ajaitingshang tei Moses paito pyiitakle; nlenii jumage kapyii ninado kasang tei Jisu Krista paito gongle.

JONNII KARYII KABI RASAM JUKAMATI 8:45

Nlenii Inii kasang tei tamle, tei- jangpii gonyiinii n-gu malum makle.

JONNII KARYII KABI RASAM JUKAMATI 8:46

Gonyii tapiinii I-ai male katu mangoupyii wobuipo? Inii kasang tamsii leileponii, gonyiinii n-gu dajangpii malum makpo?

1 JON 2:21

Gonyiinii kasang tei tikasu jangpii Inii ryiimakle, nlenii gonyiinii teitei kati jangpii sateichii kachui katu ai hangninii kado kasang kito gong makle katu kati jangpii ryiile.