JONNII KARYII KABI RASAM JUKAMATI 18:36 - KARANU KABI SAMTAM

³⁶ Jisunii khekalatle, “Gumah sa- gong sazyiinii aimah makle; gumah sagong sazyii tei sazyii pouryii aimah leponii, n-gu Jehudimei bah kikii pyii matulak tang karam jangpii guki kaleimei hangnii saryii tiitu tangle, nlenii gumah sagong sazyiinii sazyii pouryii aimah makle.”

JONNII KARYII KABI RASAM JUKAMATI 18:36 Referans Kwoze

ROMMEI 14:17

Kadaponii Saraa mah sating sazyii teinii kachii kasak tei makle, nlenii rangii kamatei kito kasang kamajyii, kamajung sateichii ka-nta teile;

JONNII KARYII KABI RASAM JUKAMATI 6:15

Mpougo sagong tiimatu tang karam jangpii, ahnyiinii gongsii pumtei tiisii jumle ziitakle katu Jisunii tiwosii, mpouroinapii mpounii zang gam tat tutakle.

1 TIMOTHI 6:13

Mahlyii hang go karing pyiisii kalei Saraa sateichii Pontios Pailat doito mpoumah kamalum tei sang- tingsii tam ka-mpat Krista Jisu doito, Inii n-go kakhat leile.

METIU 26:53

Inii gu pfii dato khang leponii, mpounii n-gu tiihasek tangle katu gonyii timakpo? Mpounii sating gamlui mah saryiimei thang thang sung kisii moisii m-mangpyiisii n-gu keipyii tangle.

LUKNII KARYII KABI RASAM JUKAMATI 12:14

Nlenii Jisunii mpou dakii tamle, “He mei, gonei phyiiryiikii samtak katii mak-kii gonei hangnamah mah njai katu jangpii apum tii kamajyii tei tanii n-gu kaipyiipo?”

JONNII KARYII KABI RASAM JUKAMATI 8:15

Gonyiinii pumzai taiswisii samtak tiile, Inii meigo kado samtak tiimakle.

JONNII KARYII KABI RASAM JUKAMATI 18:35

Pailatnii khekalatle, “I Jehu- dimei lesii nang maningde? Gomah lui ninado kanat kajum Tingdimei hangnii n-go gudakii pyiibam takle, nangnii kadapei tii aitakpo?”