JONNII KARYII KABI RASAM JUKAMATI 18:32 - KARANU KABI SAMTAM

³² tam kalei ai, Jisunii kadapei tiitpii taitangposii tam kabam samtei gong matwi matutang karam jangpiiniile.

JONNII KARYII KABI RASAM JUKAMATI 18:32 Referans Kwoze

JONNII KARYII KABI RASAM JUKAMATI 3:14

Sateichii mpougo kamalum meihangnii kalui kaga karing dou- matu tang karam jangpii,

METIU 26:2

“Leimik hangnatai kaakamaju mah takbai tei gonglei takle, sateichii meinah sapfii mpou gotei Krosh gamkii dhangsii gitang karam jangpiinii pyiitoi aitang takle katu gonyiinii tile.”

METIU 20:19

sateichii mpougo Lui kakimei dakii hoksii nuimatu tang karam jangpii, lak matutang karam jangpii, sateichii Krosh gamto gi matu tang karam jangpii pyiitoi aitangle, sateichii leimik hangtum kashang piinei mpounii ringkhii tangle.”

JONNII KARYII KABI RASAM JUKAMATI 8:28

Teipiinii Jisunii tamle, “Meinah sapfii mpougo gonyiinii poi kasagoi tinglang kak, I-ai mpoule, ninado gumah teimaham roinapiinii samah kado Inii tiimakle, nlenii pfiinii gudakii ralikapyii takumpii Inii sam ai tam mpat leile katu gonyiinii titangle.

MARK 10:33

Mpounii ahnyii dakii tamle, “Julo, nyiinii Jerosalemki tatpi leile; teito meinah sapfii mpou gotei Tingdimei ninado Ajaitingshang kati ojamei bah kikii pyiitoi tang takle, teito ahnyiinii mpougo tam mashyiisii gitoi tangle, sateichii lui kakimei bah kikii pyiitoi tangle;

GALATIMEI 3:13

Nyiijangpii Kristanii kasang tei tiisii, ajaitingshang mah kasheeng kiteito kalei mpatpyii takle kada- pokii aitiisii ryiibamle, katunii, “Ating gamto njusii siikaksii taikalei meihang tei Saraamah kasheeng tei doutakle.”

TIILAMLWI KAPYIIMEI THA JUKAMATI 7:59

Sateichii Bangpiigo kalat sateichii “Bangpii Jisu, Gu rangii ai poipyiilo” sii riita leibangpii ahnyiinii mpougo kuitupii rotsii bamle.

JONNII KARYII KABI RASAM JUKAMATI 10:33

Jehudimei hangteinii mpougo khekalatle, “Tha kabi jangpii nyiinii n-go kuitu rotleziimakle, nlenii Saraago tam kamashyii jangpiiniile, sateichii nangnii mei hangninii tiisanii n-go roinapii n-go Saraa tiikatu jangpiiniile.”

JONNII KARYII KABI RASAM JUKAMATI 10:31

Jehudimei hangteinii mpougo kuitupii rot tang karam jangpii kuitu nlailoisii poi wotakle.

JONNII KARYII KABI RASAM JUKAMATI 13:18

“Inii gonyii hang mah kaang kito tam makle; nlenii kalai kalumei gotei Inii tile; nlenii gumah tiirok chiikatu ah teinii guphyiiryiikii mpoupi pasui poimatu takle, sii kabi rasam kito katam tei madougong matutang karam jangpiile.

JONNII KARYII KABI RASAM JUKAMATI 18:31

Pailatnii ahnyii dakii tamle, “Gonyiinii mpougo pangsii gonyii mah ajaitingshang taiswisii mpougo samtak tiitulo.” Jehudimeinii mpou dakii tamle, “Mei kata hangniniigo gitang karam nyiidakii teimaham pyiimakle.”

JONNII KARYII KABI RASAM JUKAMATI 21:19

Mpounii kadapei tiit piinii Saraago pumtei kava tei pyiitangpo katu tei mati tang karam jangpii, ai ai mpounii tamle, sateichii ai ai tam kalaitai Jisunii Mpou dakii tamle, “Gutai swi wolo.”