JONNII KARYII KABI RASAM JUKAMATI 18:20 - KARANU KABI SAMTAM

²⁰ Jisunii mpougo khekalatle, “Inii sazyii pouryiikii madupii tam takle; tinglang kaleita Jihudimei mah ndwibam hang kito ninado Saraa kamaning kitodo Inii tam ralipyii takle, sateichii Inii samah kado makumpii tiimakle.

JONNII KARYII KABI RASAM JUKAMATI 18:20 Referans Kwoze

JONNII KARYII KABI RASAM JUKAMATI 7:26

Julo, mpounii madurahapii sam tam leitakle sateichii ahnyiinii mpougo samah kado tam makle. Ai ai Krista teile katu teimaham kajum mei hangteinii tisang takpo?

METIU 4:23

Sateichii mpounii ahnyii mah ndwibam hang kito ralipyiisii, sateichii sating gam sazyii mah kabi rasam tam ralipyiisii sateichii ahnyii meihang kak kito arahang ninado katchiihang tei tii mbi pyiisii Galili sazyii hangki tatgong takle.

LUKNII KARYII KABI RASAM JUKAMATI 21:37

Sateichii mpounii Saraa kamaning kito sating kata tingna tei rali pyiile. Nlenii tingkhiilam liit sek-kii, mpounii tatpatsii Olip zang gamto nsung leile.

JONNII KARYII KABI RASAM JUKAMATI 7:4

Kadapokii mpougo tiigatpii juti matunyii leponii, mpounii tiikalei tha tei mei kaniido poi kabai leimakle, nangnii tha hang ai tiisii kalei taiswisii, sazyii pouryii hangnii gomah kaang kito timatulo.”

LUKNII KARYII KABI RASAM JUKAMATI 4:15

Mpounii Jehudimei mah Ndwiki lyiito tam ralipyiile, sateichii meihangnii mpougo tam makhangle.

METIU 26:55

Teitinglang ki Jisunii meimoi dakii tamle, “Karagamei hangninii go jumtang karam takumpiinii saryiikhang ninado tingrang hangtei kaswisii n-gu jumtang karam jangpii gonyiinii tatpat leitakpo? Sating kata Inii Saraa kamaning kilungto ralipyiisii bamlei kido gonyiinii n-gu jum makle.

METIU 9:35

Sateichii Jisunii Ndwibam hang kiteito ralipyiisii, Sagong sazyii mah kabi rasam tam ralipyiisii, sateichii ara katchii hang tei tii- mbipyiisii nam ninado namdi hangki tat gong takle.

JONNII KARYII KABI RASAM JUKAMATI 8:26

Gonyii mah kaang kito Inii tam kanyii sateichii samtak tiitang karam hangka leile; nlenii n-gu lang kamagong ahteinii kasangle, sateichii Inii mpou dato shiikalu hangtei roinii sazyii pouryii dakii tam leile.”

JONNII KARYII KABI RASAM JUKAMATI 8:2

Tingchoi nukii mpounii nlailoisii Saraa kamaning kilungtei gongtakle, ninado meihangnii mpou bamni tei gongtakle, teito mpounii ntombamsii ahnyiigo tam ralipyiitu takle.

JONNII KARYII KABI RASAM JUKAMATI 7:28

Jisunii Saraa kamaning kilungto tam ralikapyii kak, mpounii rok sagoisii tamle, “Gonyii n-gu ti kasangpo sateichii I kada kito gongpo katu gonyii n-gu ti kasangpo? Nlenii Inii gu maningpii gong makle; n-gu lang kamagong ahteinii kasangle sateichii gonyiinii mpou gotei timakle.

JONNII KARYII KABI RASAM JUKAMATI 7:14

Takbai tei aphangkii tatpi sek- kii, Jisunii Saraa kamaning kilungtei liit tosii tam ralipyiitu takle.

METIU 26:65

Teito Tingditupii teinii mpou mah pei tei hetriitsii tamle, “Mpounii Saraago tam mashyii aitakle, aidoito kisii nyiinii sakchyii kadajangpii marei leipo? Julo, mpounii Saraago tam kamashyii tei gonyiinii shiitakle;

TIILAMLWI KAPYIIMEI THA JUKAMATI 26:26

Kadaponii Sagongnii ai kaang hang ai tiziile sateichii Inii mpou dakii samah kado adoi kadang gasii tam leile; kadapochiinii Inii malumle katunii, aihang kito hangninii kado mpounii tikamasak gale, kadapokii tha ai mei kaga nito tiimakle.

METIU 24:26

“Teipiinii ahnyiinii gonyii dakii ‘Julo, mpounii sazyii kamarongki leilesii tam leponii tat pat sulo,’ sateichii ahnyiinii gonyii dakii, ‘Julo, mpounii ki alungpii shang kito leile,’ sii tamchiido, teitei malum sulo.

MARK 8:32

Ai sam ai Jisunii madupii tamle, teito Pitarnii mpougo pangtam wosii n-gitakle.

JONNII KARYII KABI RASAM JUKAMATI 6:59

Mpounii Kaiparnam kito rali- kapyii tinglang kak, sam ai mpounii Jehudimei ndwibam kito tamle.

JONNII KARYII KABI RASAM JUKAMATI 18:21

Nangnii n-gu kadajangpii n-nhii leipo? Inii ahnyii dakii kada dapei tampyii bam takpo katu tei shiikalu ahnyii dateito n-nhiilo, Julo, Inii kada dapei tambam takpo katu ahnyii ainii tile.”